DANIẸLI 1

1TO owhè atọ̀ntọ ahọludu Jehọiakimi tọn ahọlu Juda tọn tọn me wẹ Nẹbukadnẹzali ahọlu Babilọni tọn wá jẹ Jelusalẹm, bo sọ glọn ẹn do. 2OKLUNỌ sọ jó Jehọiakimi ahọlu Juda tọn do alọ etọn mẹ, podọ adade sọn núzinzán ohọ̀ Jiwheyẹwhe tọn tọn lẹ mẹ; ewọ bo sọ bẹ́ yé yì biọ aigba? mali tọn mẹ jẹ ohọ̀ yẹwhe etọn tọn mẹ: é bo sọ hẹn núzinzán lẹ lọ wá biọ adọkunnuhò yẹwhe etọn tọn mẹ. 3Ahọlu sọ dọhó hlan Àspenazi mẹmẹnu ojọ etọn lẹ tọn, na é ni do hẹn dẽlẹ sọn ovi Islaeli tọn lẹ mẹ wá họmẹ, yèdọ sọn okún ahọlu tọn mẹ podọ sọn mẹgbògbo lẹ mẹ; 4yọ̀pọ lẹ mẹhe mẹ azọ̀n de ma tin, ṣigba nukundagbenọ, bo sọ pèvè to nuyọnẹn lẹpo mẹ, bo zìn to oyọnen mẹ, bo sọ tùnwun óyọnẹnnú, podọ omẹ mónkọtọn he tindo huhlọn nado site to ohòn ahọlu tọn mẹ; pódọ na ewọ ni do plón yé oplọ́nmọyí po ohógbè Kaldeanu lẹ tọn po. 5Ahọlu sọ dè mimá eyesọ tọn de na yé sọn nugbòtón ahọlu tọn lẹ mẹ, podọ sọn ovẹ̃n he é nọ nù mẹ, podọ yè ni yìn yé owhè atọ̀n; dọ to opòdo etọn yé nido site to ahọlu nukọn. 6Dinvie to ehelẹ ṣẹnṣẹn, Sọn ovi Juda tọn lẹ mẹ wẹ Daniẹli, Hanania, Misaẹli, po Azalia po te. 7Ogán ojọ lẹ lọ tọn sọ na oyín lẹ hlan yé: hlan Daniẹli é na oyín Beltesazali tọn; podọ hlan Hanania, Ṣadlaki tọn; podọ hlan Misaẹli, Mẹsaki tọn; podọ hlan Azalia, Abẹdi-nẹgo tọn. 8Ṣigba Daniẹli yilẹn to ayiha etọn mẹ na ewọ ma na do yí núdùdù ahọlu tọn do flu ede, kavi po ovẹ̃n he ewọ to nùnù po: enẹwutu ewọ biọ sọn ogán ojọ lẹ tọn lọ si na ewọ ni ma do flu ede blo. 9Dinvie Jiwheyẹwhe hẹn Daniẹli nado mọ nukundágbe po homẹyọ̀n po to nukun ogán ojọ lẹ lọ tọn tọn mẹ. 10Ogán ojo lẹ lọ tọn sọ dọ hlan Daniẹii dọ, Yẹn dibusi klunọ ṣie ahọlu, mẹhe dè dànùdopo núdùdù mìtọn po núnùnù mìtọn po: na etẹwutu wẹ ewọ na do mọ nukunme mìtọn lẹ ylanhu jijlo hú yọ̀pọ he yín ohá mìtọn lọsu lẹ tọn? mọwẹ mìwlẹ do do ota ṣie owu mẹ to ahọlu de 11Whenẹnu wẹ Daniẹli dọ hlan ohòkọnsi lọ, mẹhe ogán ojọ lẹ lọ tọn ko dè do Daniẹli, Hanania, Misaẹli, So Azalia po ji dọ: 12yẹn vè we, yi tẹ́n devi towe lẹ pọ́n azán ao; bo gbọ yé ni na omá mí nádo dù po osìn po nado nù. 13Whenẹnu gbọ nukunmẹ mítọn lẹ ni yín pinpọ́n to nukọn towe, po nukunmẹ yọ̀pọ he to dùdù sọn dànùdopo núdùdù ahọlu tọn mẹ lẹ tọn po; podọ le hiẹ mọ do, wẹ hiẹ ni zán hẹ devi towe lẹ do. 14Mọwẹ ewọ tuntóai hlan yé to owhèhó he mẹ, bo sọ tẹ́n yé pon azán ao. 15Podọ to opòdo azán ao lẹ tọn nukunmẹ yetọn lẹ sọawuhia whanpẹnọhú, yé sọ yín awumọtọ to agbasalan mẹ, hú yọ̀pọ he to dùdù sọn dànùdopo núdùdù ahọlu tọn mẹ lẹpo. 16Mowẹ ohòkọnsi lọ dè núdùdù yetọn sè, po ovẹ̃n he yé do nù po, bo to omá na yé. 17Dinvie na yọ̀pọ ẹnẹ helẹ tọn, Jiwheyẹwhe na oyọnẹn yé bo sọ pevè to oplónmọyi po nuyọnẹn lẹpo po mẹ: podọ Daniẹli sọ tindo wuntùntùn to numimọ lẹpo mẹ po odlọ le po. 18Podọ to opòdo azán he ahọlu ko dọ lọ tọn ji na hinhẹn yé wá họmẹ, ogán ojọ lẹ lọ tọn hẹn yé wá họmẹ to Nẹbukadnẹzali nukọn. 19Ahọlu sọ dọhó po yé po; podọ to yé mẹpó ṣẹnṣẹn yè ma mọ mẹde taidi Daniẹli, Hanania, Misaẹli, po Azalia po gba: enẹwutu wẹ yé do nọ nọte to ahọlu nukọn. 20Podọ to owhèhó nuyọnẹn tọn po wuntùntùn po tọn lẹpo mẹ, gbọn ehe tọn dali ahọlu kanbiọ sọn yé de, é nọ mọ yé pónte whla ao hú nújlẹtọ lẹpo po afinọnnọ lẹ po he tin to ahọluigba etọn lẹpo mẹ. 21Daniẹli sọ to yìyìmọ yèdọ jọ owhè tintan ahọlu Kilusi tọn mẹ.

Currently Selected:

DANIẸLI 1: BWL23

Highlight

Copy

Compare