AMỌSI 2

1LE wẹ OKLUNỌ dọ: Na osẹ́nmẹjẹ Moabi tọn atọ̀n, mọwẹ, na ẹnẹ, yẹn ma na lẹ́ oya etọn yì gba; na ewọ mẹ̀ ohú ahọlu Edọmi tọn tọn lẹ zùn aòn: 2ṣigba yẹn ná do miyọn de hlan Moabi ji, éna sọ dù ohọ̀nme Kelioti tọn lẹ súdo; Moabi na sọ kú po zingidi po, po abobo po, po núdidọ opẹ̀n ton po: 3podọ yẹn na sọ sán whẹ̀datọ lọ sẹ sọn gblagbla etọn mẹ, bo na sọ hù ahọvi lẹpo po e po, wẹ OKLUNỌ dọ.

4Le wẹ OKLUNỌ dọ: Na osẹ́nmẹjẹ Juda tọn atọ̀n, mọwẹ, na ẹnẹ, yẹn ma na lẹ́ oya etọn yì gba; na yé ko gbẹ́ osẹ́n OKLUNỌ tọn dai wutu, bo ma sọ yìn osẹ́ndoai etọn lẹ gba, podọ olalo yeton lẹ ko hẹn yé nado buali, ehe otọ́ yetọn lẹ zinzonlin hodo: 5ṣigba yẹn na do miyọn de hlan Juda ji, é bo na sọ dù ohọ̀nmẹ Jelusalẹm tọn lẹ súdo.

6Le wẹ OKLUNỌ dọ: Na osẹ́nmẹjẹ Islaeli tọn atọ̀n, mọwẹ, na ẹnẹ, Yẹn ma na lẹ́ oya etọn yì gba; na yé ko sà dódónọ na fataka wutu, podọ agbatọnọ na afọpa afọawe lẹ tọn de: 7he to nùkẹ̀ do kọgudu aigba tọn to ota wamọnọ lẹ tọn ji, bo lẹ́ aliho homẹmiọnnọ lẹ tọn dapadopo: podọ dawe de po otọ́ etọn po na yì jẹ yọnnuvú dopolọ de, nado flu oyín wiwe ṣie; 8yé sọ hẹn yéde mlọnai to adà agbà dopodopo tọn ji to avọ́ yè yí to afanu lẹ ji, podọ yé to ovẹ̃n omẹ di omẹ yè ko wleahọ́ lẹ nkọ tọn nù to ohọ̀ Jiwheyẹwhe yetọn tọn mẹ. 9Gãnṣo wẹ yẹn và Amọlinu lọ súdo to yé nukọn, jiyìyì mẹhetọn tin taidi jiyìyì kedali lẹ tọn, podọ ewọ sọ yín huhlọnnọ di oaki lẹ; gãnṣo yẹn và sinsẹ́n etọn súdo to aga, podọ adọ̀ etọn lẹ sọn oglọ. 10Yẹn sọ hẹn mì hẹji tón sọn aigba Egipti tọn mẹ ga, bo sọ to mì do owhè kande to zùngbo mẹ, nado yí aigba Amọlinu lọ tọn na nutindo. 11Podọ yẹn zé tite sọn visunnu mìtọn lẹ mẹ na yẹwhegán lẹ́, podọ sọn yọ̀pọ sunnu mìtọn lẹ mẹ na Nazilinu lẹ. Yèdọ é ma yín le wẹ la, Mì ovi Islaeli tọn emi? wẹ OKLUNỌ dọ. 12Ṣigba mìwlẹ na, ovẹ̃n Nazilinu lẹ nado nọ nù; bo sọ dosẹ́nna yẹwhegán lẹ, dọmọ, Mì dọdọdai blo. 13Dayi e go, Yẹn na fìnọn mì to otẹn mìtọn mẹ, dile agbànkẹkẹ he gọ́ na amàkọ̀ yín fìnfinọn do. 14Podọ fibẹ̀tado na dẹ́n awuyatọ, podọ huhlọnnọ ma na nahuhlọn gándido etọn, mọ hlọnhlọnnọ lọ ma na whlẹn alindọn etọn gba: 15mọ ewọ he hẹn ogába lọ go ma na nọte gba; podọ ewọ he yín awuyanọ afọ tọn ma na whlẹn ede gba: mọ ewọ he hẹ́ osọ́ lọ ma na whlẹn alindọn etọn gba: 16podọ ewọ he yín tudotọ to hlọnhlọnnọ lẹ ṣẹnṣẹn na họ̀nyì mẹmẹ to azán nẹ gbè, wẹ OKLUNỌ dọ.

Currently Selected:

AMỌSI 2: BWL23

Highlight

Copy

Compare