2 TIMOTI 3
3
1EHE wẹ hiẹ ni yọnẹn ga, dọ to azán lẹ godo ojìe áwusinyẹn tọn lẹ na wá. 2Na gbẹtọ lẹ na lẹzun owanyi na yéde tó, nukunkẹnnọ, awagundotọ, saklanọ, nùzantọ, tólivẹtọ do mẹjitọ go, mayọndagbenọ, mawénọ, 3matin owanyi ohẹnnumẹ tọn, alẹdatọ, meslẹtọ, awúmajáinanọ, kanylantọ, vivlẹtọ mẹdagbe lẹ tọn, 4ajannọ, tasinyẹntọ, goyitọ, wanyina asọ hú Jiwheyẹwhe tó; 5yé tindo ohia jijọ-di-Jiwheyẹwhe tọn, ṣigba yé mọn huhlọn etọn: omẹ mọtọn hunkọ le de wẹ hiẹ ni joagó sọn. 6Na omẹ helẹ hunkọ mẹ wẹ yé he nọ saklota biọ owhégbè lẹ sọn, bo sọ nọ wlé yọnnu nulunọ lẹ dagbòvẹna he yè ko do agbàn ylando tọn do ota na, ehe yè gbọn wántúntún hunkọhunkọ mẹ do to dindọn danpé, 7yé to núplọn tẹgbẹ, yé ma sọ sọgan jẹ oyọnẹn nugbo tọn mé gbède. 8Podọ dile Janne po Jambele po dìọnukunsọ Moṣe, mọwẹ ehelẹ ga sọta nugbo do: gbẹtọ ayiha gbigblenọ, ome gbigbé gbọn yise dali. 9Ṣigba yé ma to nukọn na yì hú mọ; na onulu yetọn na sọawúhia gbẹtọ lepo dile yewlẹ tọn sọawúhia do ga. 10Ṣigba hiẹ ko yón núplónmẹ ṣie hezéhézé, owalọ ṣie, lẹndote, yise, linsinsinyẹn, owanyi, homẹfa, 11homẹkẹn, nukunbibia, he pla mi to Antioku, to Ikonioni po Listla po; homeken he yẹn doakónna: ṣigba sọn popo mẹ Oklunọ whlẹn mi. 12Mọwẹ, yé he jlo na nò jijọ-di-Jiwheyewhe tọn mẹ to Klisti Jesu mẹ lẹ, na nọ doakónna homẹkẹn. 13Ṣigba mẹylankan lẹ, po mẹklotọ lẹ po na to yinylan yì nukọn, yé na to mẹklọ, yè na sọ to yé klọ. 14Ṣigba hiẹ ni nọte to onú he hiẹ plọn lẹ mẹ, ehe hiẹ ko yi nukun towe hùn do e go hézé hézé, le hiẹ yón mẹhe de hiẹ plón yé te; 15podọ sọn ovu gbọn wẹ hiẹ ko yón Owó wiwe, he sọgan hẹn we zùn nuyọnentọ hlan whlẹngan gbọn yise he tin to Klisti Jesu mẹ. 16Owe wiwe lẹpo gbingbọn sọn Jiwheyẹwhe mẹ yín alenọ ga na mẹpinplọn, na wóhẹmẹ, na anadèmẹ, na núplónmẹ he tin to dódó mẹ: 17na Jiwheyẹwhe gbẹtọ nido pégan, he yè hẹn sọgbè mlẹnmlẹn hlan azọ́n dagbe lẹpo.
Currently Selected:
2 TIMOTI 3: BWL23
Highlight
Copy
Compare
Share
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
