2 TIMOTI 1
1
1PAULU, Aposteli Jesu Klisti tọn de gbọn ojlo Jiwheyẹwhe tọn mẹ, kẹdedi opagbe ogbè he tin to Klisti Jesu me, 2hlan Timoti, ovi yiwanna ṣie dódo: Ojọmiọn, leblanu, po jijọho po, sọn Jiwheyẹwhe Otọ́ de, podọ sọn Jesu Klisti Oklunọ mítọn de.
3Yẹn dopéna Jiwheyẹwhe, mẹhe yẹn to sinsẹ́n sọn otó-gbo ṣie lẹ de to ayiha wiwe mẹ, dọ to magbọjẹ mẹ yẹn to hiẹ flin tọ odó ṣie mẹ to ozán po okle po; 4talala wẹ yẹn jlọ nado mọ nukun towe mẹ, yẹn sọ tọ dasìn towe flin, na yè nido yí ayajijẹ do góhòna mi; 5whenuena yẹn flin yise matinklọ he tin to ohò towe mẹ, ehe ko tin to ohò Loisi, onọ towe daho tọn mẹ, podọ to ohò Euniki, onọ towe ton mẹ, do nukọn; yè hẹn mi yọnẹn dódo dọ, è tin to ohò towe mẹ ga. 6Na ehétọn yẹn naflin we, dọ hiẹ ni zé nunina; Jiwheyẹwhe tọn he tin to ohò towe mẹ gbọn alọ ṣie domẹji tọn dali daga. 7Na Jiwheyẹwhe ma na gbigbọ; obu tọn mí gba, adavo huhlọn tọn, owanyi tọn, po ayiha zìnzìn tọn po. 8Enẹwutu hiẹ kuwinyan okunnu Ọklunọ mìton tọn blo, kavi yẹn ogàntọ etọn tọn: ṣigba hiẹ ni yín máhẹtọ to nukunbibia wẹndagbe tọn; lẹ mẹ kẹdedi huhlọn Jiwheyẹwhe tọn; 9mẹhe ko whlẹn mí, bọ sọ yí oylọ wiwe do ylọ mí, é ma yín dile azón mítọn te gba, ṣigba dile lẹndote po ojọmiọn ewlọsu tọn te wẹ, ehe yè na mí to Klisti Jesu mẹ whẹpo aihọn do jọ, 10ṣigba yè sọhia dinvie gbọn awùsọhia Jesu Klisti Whlẹngantọ mítọn tọn dali, mẹhe sunsún okú sè bo sọ hẹn ogbè po makú po wá hinhọ́n mẹ gbọn wẹndagbe mẹ; 11ehe yè dè mì nado basi yẹwhehodọtọ hlan, apọsteli po mẹplọntọ Kosi lẹ tọn po. 12Na ehewutu yen to yaji na onú helẹ; ṣigba winyan ma hù mi; na yẹn yọ́n mẹhe yẹn yise, yè sọ hẹn mi yọnẹn dódo dọ, ewọ sọgan yí onú he yen yí do alọ mẹ nẹ̃ whiákaka jẹ azán nẹ gbè. 13Hẹn ohia ohó tọn he pégan lọ go gligli, ehe hiẹ ko sè to dẽ, to yise po owanyi po mẹ, he tin to Klisti Jesu mẹ. 14Onú dagbe he yè na hlan we pọ́n e go gbọn Gbigbọ Wiwé he nọnọ̀ mí mẹ dali.
15Ehe wẹ hiẹ yọnẹn dọ, yé he tin to Asia lẹpo wẹ lé sọn godo ṣie; mẹhe mẹ Figelu po Hamọgini po tin te. 16Na Oklunọ ni na lẹblanu owhé Onesifọlu tọn; na é miọnhomẹna mi whla susu, winyan ma sọ hù i na ogàn ṣie; 17ṣigba, whenuena é tin to Lomu, é whèsọ din mi talala, bo sọ mọ mi. 18Oklunọ ni na ẹn nado mọ lẹblanu Oklunọ tọn to àzán nẹ gbè; podọ onú sọha he mẹ é wàdèvizọn te lẹ to Efesu, hiẹlọsu yọnẹn dagbedagbe.
Currently Selected:
2 TIMOTI 1: BWL23
Highlight
Copy
Compare
Share
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
