2 SAMUẸLI 2
2
1E sọ wá jọ to onú he godo, wẹ Davidi kanbiọ sọn OKLUNỌ de, dọmọ, Bé yẹn na hẹji yi tòdaho Juda tọn lẹ de mẹ? OKLUNỌ sọ dọ hlan ẹn dọ, Hẹji yì. Davidi sọ dọmọ, Fie wẹ yẹn na hẹji yì? Ewọ sọ dọmọ, Hlan Heblọni dali. 2Mowẹ Davidi hẹji yì finẹ, po asi etọn awe lẹ po ga, Ahinoami Jẹzleẹlinu-yọnnu, po Abigaili asi Nabali Kalmẹlinu tọn po. 3Omẹ etọn lẹ he tin to e de lẹ wẹ Davidi sọ hẹn wá aga, omẹ dopodopo po whégbètọ? etọn po: yé sọ nọnọ̀ tòdaho Heblọni tọn lẹ mẹ. 4Omẹ Juda tọn lẹ wá, yé sọ samisisána ahọlu Davidi do owhé Juda tọn ji to finẹ. Yé sọ dọ na Davidi, dọmọ, Omẹ Jabẹsi-gileadi tọn lẹ wẹ yé he di Sauli. 5Davidi sọ do mẹdagun lẹ hlan omẹ Jabẹsi-gileadi tọn lẹ, bo dọ hlan yé dọ, Donanọ míwlẹ yín sọn OKLUNỌ de, bọ míwlẹ ko do do dagbewà he hia hlan klunọ mìtọn, yèdọ hlan Sauli, bo ko do di i. 6Dinvie OKLUNỌ ni do dagbewà po nugbo po hlan mì: yẹn ga na sọ suahó dagbewà he tọn mì, na mìwlẹ ko wà onú he wutu. 7Enẹwutu dinvie gbọ alọ mìtọn lẹ ni yín sinsinyẹn, míwlẹ ni sọ yín adántọ: na Sauli klunọ yín oṣiọ, podọ ga owhé Juda tọn ko samisisána mi do dè ahọlu do yé ji.
8Dinvie Abneli visunnu Nẹli tọn awhàngán awhànpa Sauli tọn tọn, ko yí Iṣi-boṣẹti visunnu Sauli tọn, bo hẹn ẹn wá aga to Mahanaimi; 9Ewọ sọ yí i do basi ahọlu do Gileadi ji, podọ do Asulìnu lẹ ji, podọ do Jẹzleẹli jì, podọ do Efiaimi jì, podọ do Bẹnjamini ji, podọ do Islaeli lẹpo ji. 10(Iṣi-boṣẹti yín owhè kande mẹho whenuena é ṣẹ nado dùahọlu to Islaeli ji, é sọ dùahọíu owhè awe.) Aigba owhé Juda to hihodo Davidi. 11Ojlẹ he Davidi yín ahọlu to Heblọni mẹ to owhé Juda tọn ji yín owhè ṣinawe po osùn ṣidopo po.
12Abneli visunnu Nẹli tọn, po mẹmẹsi Iṣi-boṣẹti visunnu Sauli tọn tọn lẹ po, sọ tón yì sọn Mahanaimi yì Gibeoni. 13Joabi visunnu Zeluia tọn, po mẹmẹsi Davidi tọn lẹ po, tón yì, bo pó yé to tándò Gibeoni tọn dali; yé sọ sinai, ode to adà tándò tọn de ji, awetọ to adà awetọ tándò tọn lọ ji. 14Abneli sọ dọ hlan Joabi dọ, Yẹn vẹ́ we, gbọ yọ̀pọ lẹ ni tite bo daihún to mí nukọn. Joabi sọ dọmọ, Gbọ yé ni tite. 15Whenẹnu wẹ yé tite yì aga gbọn osọha dali; wiawe na Bẹnjamini, podọ na Iṣi-boṣẹti visunnu Sauli tọn, podọ wiawe sọn mẹmẹsi Davidi tọn lẹ mẹ. 16Yé omẹ dopodopo sọ hẹn ota hatọ etọn tọn, bo slọ ohi etọn do adà hatọ tọn mẹ; mọwẹ yé họ́jai dopọ; enẹwutu wẹ yè do nọ ylọ ofi nẹ dọ. Hẹlkati-hazulimi, he tin Gibeoni mẹ. 17Awhàn lọ sinyẹn gbenẹgbe talala, yè linu Abneli, po omẹ Islaeli tọn lẹ po, to mẹmẹsi Davidi tọn lẹ nukọn. 18Visunnu atọ̀n Zeluia tọn lẹ tin finẹ, Joabi, po Abisai po, po Asahẹli po: Asahẹli sọ yín omẹ fua sọn afọ di agbànlin de to-gbémẹ. 19Asahẹli sọ domọna to Abneli godo; to yìyì mẹ é ma lé hlan adusi mẹ kavi hlan amiyọn sọn hihodo Abneli mẹ gba. 20Whenẹnu wẹ Abneli pọ́n godo, bo dọmọ, Hiẹ Asahẹli wẹ? Ewọ sọ gblọn dọ, Yẹn lọ wẹ. 21Abneli sọ dọ hlan ẹn dọ, Hiẹ ni lẹ́ doapadopo hlan adusi towe mẹ kavi hlan amiyọn towe mẹ, bo hẹn omẹ dopo go to yọ̀pọ sunnu lẹ mẹ, bo yí awhàngbaja etọn. Aigba Asahẹli ma jlo na lẹ́ doapadopo sọn hihodo e tọn mẹ gba. 22Abneli sọ vọ́ dọ hlan Asahẹli dọ, Hiẹ ni lẹ doapadopo sọn hihodo mi mẹ: etẹtọn wẹ yẹn na do hò we liai? whenẹnu nawẹ yẹn na wà do zé nukunmẹ ṣie daga hlan Joabi nọvisunnu towe? 23Ṣogãn é kó nado lẹ́ doapadopo: enẹwutu Abneli yí godo owhán etọn tọn sọ́ ẹ sọn hoto, bọ owhán lọ tọ́n jẹ godo etọn; é sọ họ́ jai to finẹ, bo kú to otẹn doponẹ mẹ: é sọ wá jọ, dọ omẹ sọha he wá otẹn fie Asahẹli họ́ liai bo kú te nọte ṣudúdú. 24Aigba Joabi po Abisai po domọna Abneli to godo ja: owhè ko sọ yì odò whenuena yè hẹn yé wá agbègbè Amma tọn ji, he tin to Gia nukọn, to aliho zùngbo Gibeoni tọn tọn dali. 25Ovi Bẹnjamini tọn lẹ pli yéde dopọ do Abneli godo, bo lẹzùn ogbẹ́ dopo, bo site to adadanu okóta de tọn ji. 26Whenẹnu wẹ Abneli ylọ hlan Joabi, bo dọmọ, Bé ohi na to mẹvà kaka doi wẹ? bé hiẹ ma yọnẹn dọ é na yín ovivọ́ to opòdo to godo mẹ. Dẹn sọ na wẹ é na yín to whenẹnu, whẹpo hiẹ na do degbèna gbẹtọ lẹ ni lẹ́ sọn mẹmẹsunnu yetọn lẹ hihodo mẹ? 27Joabi sọ dọmọ, Le Jiwheyẹwhe to ogbẹ́, eyín hiẹ ma ko dọhó gba, whenẹnu nugbonugbo gbẹtọ lẹ do ko yì to afọnnu, kavi omẹ dopodopo ma do hodo nọvisunnu etọn gba. 28Mowẹ Joabi kún opẹ́n etọn, gbẹtọ lẹpo sọ ṣite abọẹ bo ma sọ yànmọna Islaeli ba, mọ yé ma sọ hòavùn depope humọ ba. 29Abneli po omẹ etọn lẹ po gbọn Alaba mẹ yì to ozán nẹ mẹ; yé sọ juyì Jọdani gododọ̃n, bo gbọn Bẹti-lọni lẹpo mẹ yì, bo wá Mahanaimi. 30Joabi sọ lẹ́ sọn Abneli hihodo mẹ: whenuena ewọ ko pli gbẹtọ lẹpo dopọ, omẹ fọtọ̀nnukunẹnẹ po Asahẹli po whè sọn mẹmẹsi Davidi tọn lẹ mẹ. 31Aigba mẹmẹsi Davidi tọn lẹ ko ho sọn Bẹnjamini mẹ, podọ sọn omẹ Abneli tọn lẹ mẹ, sọmọ bọ ọmẹ fọdekẹnnẹ kú. 32Yé sọ zé Asahẹli, bo di i do oyọ̀whé otọ́ etọn tọn mẹ, he tin to Bẹti-lehẹmi mẹ. Joabi po omẹ etọn lẹ po sọ yì to ozán nẹ mẹ, okle sọ gbà do yé ji to Heblọni.
Currently Selected:
2 SAMUẸLI 2: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.