1 AHỌLU LẸ 6
6
1E sọ wá jọ to owhè fòwe-kanwetọ mẹ to godo he yè ko hẹn ovi Islaeli tọn lẹ tón sọn aigba Egipti tọn ji, to owhè ẹnẹtọ ahọlududu Sọlọmọni tọn mẹ to Islaeli ji, to osùn Zivi mẹ, he yín osùn awetọ, wẹ é ṣè nado dó ohọ̀ OKLUNỌ tọn. 2Ohọ̀ he Sọlọmọni ahọlu dó na OKLUNỌ, otè etọn yín awàgbà kandeko, ogbloetọn awàgbà òko, jiylyì etọn awàgbà ogbàn. 3Họnnuwá to tẹmpli ohọ̀ lọ tọn nukọn, awàgbà oko wẹ otè etọn, kẹdẹdi ogblo ohò lọ tọn; awàgbà ao wẹ ogblo etọn to ohò lọ nukọn. 4Podọ na ohò lọ é basi ovẹ́sẹ́ ajlalanọ whètlọ tọn lẹ. 5Do adó ohò lọ tọn go é dó hònu lẹ lédo, do adó ohò lọ tọn lẹ go lédolédo, templi lọ tọn po tẹnwiwe-gbahu gbahu lọ ton po: é sọ basi abò adàmẹ tọn lẹ lédolódo: 6hònu oglọ tọn yín awàgbà atọ̀n na gbìgblo, ṣẹnṣẹn tọn yín awàgbà ṣidopo ẹ Enẹ wẹ, Otenmẹ wiwe lọ na gbigblo, atọ̀ntọ sọ yín awàgbà ṣinawe na gbigblo; na to adà gbonu tọn go é basi dèpò lẹ to adó ohọ̀ lọ tọn mẹ lẹ́dolẹ́do, na lidemẹ lẹ ma na do je adó ohọ̀ lọ tọn lẹ go. 7Podọ ohò lọ, whenuena é tin to didó mẹ, zannu yè basi dote sọn sékùntẹn wẹ yè do dó: yè ma sè ogbè gọ̀mẹ tọn kavi asiọvi kavi azónwànú gànyù tọn depope, whenuena é tin to didó mẹ. 8Ohòn na abò adàmẹ tọn lẹ to ṣẹnṣẹn tin to adà adusi obò lọ tọn mẹ: yé sọ hẹji yì gbọn ayila sislo lẹ ji biọ abò ṣẹnṣẹn tọn lẹ mẹ, podọ sọn ṣẹnṣẹn tọn mẹ biọ atọ̀ntọ lọ mẹ. 9Mọwẹ é dó ohọ̀ lọ, bo dotana ẹn; é sọ yí lidemẹ lẹ po owhlẹ kedali tọn lẹ po do gbà ohó lọ. 10E sọ dó họ̀nu lẹ do ohọ̀ lẹpo lọ go, dopodopo awàgbà atọ́n jiyìyà: yé sọ zẹ̀nmẹ ohọ̀ lọ po lidemẹ kedali tọn po.
11Ohó OKLUNỌ tọn sọ wá Sọlọmọni de, dọmọ, 12gbọn ohò he tọn dali ehe hiẹ tin to didó mẹ, eyín hiẹ na nọ zinzọnlin to oséndoai ṣie lẹ mẹ, bo hẹn whẹ̀dida ṣie lẹ sẹ, bo sọ yìn gbèdide ṣie lẹ nado nọ zinzọnlin to yé mẹ; whenẹnu yẹn na hẹn ohó ṣie lódo to de we, ehe yẹn dọ hlan Davidi otọ́ towe. 13Yẹn na sọ nọnọ̀ ovi Islaeli tọn lẹ ṣẹnṣẹn, bo ma na sọ̀ gbé Islaeli omẹ ṣie lẹ dai gba.
14Mowẹ Sọlọmọni dó ohọ̀ lọ, bo sọ dotana ẹn. 15E sọ yí owhlẹ kedali tọn lẹ do dó adó ohọ̀ lọ tọn lẹ to hòmẹ; sọn aigba ohọ̀ lọ tọn jẹ adó ozà tọn go, é yí atin do gbá yé do adàhòmẹ tọn go, é sọ yí owhlẹ fili tọn lẹ do tẹ́ aigba ohò lọ tọn. 16E yí owhlẹ kedali tọn lẹ do dó awàgbà òko do awà godo tọn go sọn aigba jẹ adó lẹ ji: yèdọ ewọ sọ dó yé nẹ̃ to hòmẹ, na otẹn wiwegbahugbahu de, yèdọ na otẹn wiwe gbahugbahu. 17Podọ ohọ̀ lọ, enẹ wẹ, tẹmpli lọ to otẹn wiwegbahugbahu lọ nukọn, yín awàgbà kande na tedidì. 18Kedali sọ tin to ohọ̀ lọ go to hòmẹ, he yè pà po sédido po po ovòvo kikè lẹ po: kedali wẹ popo; yè ma mọ zannu de to finẹ gba. 19Ewọ sọ wleawu otẹn wiwegbahugbahu de tọn to ṣẹnṣẹn ohọ̀ lọ tọn to hòmẹ, nado zé alki alẹ̀nù OKLUNỌ tọn tọn do finẹ. 20To hòmẹ otẹn wiwegbahugbahu lọ tọn awàgbà òko figbọvọ tọn de tin to tedidi mẹ, podọ awàgbà òko to gbigblo mẹ, po awàgbà òko po to jiyìyì etọn mẹ; é sọ yí sika dagbedagbe do tẹ́ ẹ: é sọ yí kedali do ṣinyọn agbà lọ. 21Mowẹ Sọlọmọni yí sika dagbedagbe do tẹ́ ohò lọ to hòmẹ: é sọ dọ̀n gẹ̀dẹ̀ sika tọn gbọn agadagla to otẹn wiwegbahugbahu lọ nukọn; é sọ yí sika do tẹ́ ẹ. 22Ohọ̀ lọ pete wẹ é yí sika do tẹ́, kaka yè do dotana ohọ̀ lọ lẹpo: agbà lọ pete he yín otẹn wiwegbahugbahu lọ tọn wẹ é yi sika do bú 23Podọ to otẹn wiwegbahugbahu mẹ é basi kẹlubimi atin olivieli tọn awe, dopodopo awàgbà ao na jiyìyì. 24Awàgbà atọ́n wẹ awà kelubimi dopo tọn, podọ awàgbà atọ́n awà awetọ kẹlubimi lọ tọn: sọn obẹ́nu patapata awà dopo tọn jẹ obẹ́nu patapata awetọ tọn wẹ awàgbà ao. 25Kẹlubimi awetọ yín awàgbà ao: kẹlubimi awelẹ tin sọn ojlẹ dopo mẹ po ojlẹmọ dopo po. 26Jiyìyì kẹlubimi dopo tọn yín awàgbà ao, mọwẹ é te sọn kẹlubimi awetọ tọn mẹ. 27E sọ zé kẹlubimi lọ do ohọ̀ lọ hòmẹ dọ̃n: awà kẹlubimi lọ tọn lẹ sọ dlẹn jẹgbonu, sọmọ bọ awà ode tọn jẹ adó ode go, awà kẹlubimi awetọ tọn sọ jẹ adó awetọ go; awà yetọn lẹ sọ jẹ yé nọzo go to ṣẹnṣẹn ohọ̀ hòmẹ lọ tọn. 28E sọ yí sika do bú kẹlubimi lọ. 29E sọ yí bosiọ napipà kẹlubimi tọn po odótin lẹ tọn po po ovòvo kikẹ́ lẹ tọn po do dè adó ohọ̀ lọ tọn lẹpo lẹ́dolẹ́do to hòmẹ po gbonu po 30Agbahòmẹ ohò lọ tọn wẹ é sọ yí sika do tẹ́ to hòmẹ po gbonu po. 31Podọ na bibiọ otẹn wiwegbahugbahu lọ tọn mẹ é basi ohọ̀n lẹ sọn atin olivieli mẹ: họ̀ntònuwhlẹ po ohọ̀n dotin lẹ po yín adà madatón adó lọ tọn dẹ. 32Mowẹ é sọ basi ohọ̀n awe sọn atin olivieli mẹ; é sọ dè anapipà kẹlubimi tọn po odé-tin po po ovòvo kikẹ̀ lẹ po tọn do yé ji, bo yí sika do bú yé; é sọ té sika do kẹlubimi lọ ji, podọ do odó-tin lẹ lọ ji 33Mọ ga wẹ é basi na bibiọ dotin ohòn tẹmpli tọn lẹ mẹ sọn atin olivieli mẹ, sọn adà madẹnẹ adó lọ tọn de mẹ; 34po ohọ̀n awe po sọn atin fili mẹ; amà awe ohọ̀n dopo tọn yín hiha, amà awe ohọ̀n awetọ tọn lẹ sọ yín hilia. 35E sọ pà kẹlubimi do yé ji po odó-tin lẹ po po ovòvo kikẹ́ lẹ po: é sọ yí sika sohẹ do bú yé to azọ̀n kinkòn lọ ji. 36E so yí haji zannu sinsán tọn lẹ, po haji whlẹtitli lẹ tọn de po do dó awánu hòhomẹ tọn. 37To owhè ẹnẹtọ mẹ wẹ yè do dòdo ohọ̀ OKLUNỌ tọn tọn ai, to osùn Zivi mẹ. 38To owhè widopotọ mẹ, to osùn Buli mẹ, ehe yín osùn ṣinatòntọ, wẹ yè dotana ahọ̀ lọ lédo ndà etọn lẹpo, podọ kẹdedi aṣà e tọn lẹpo. Mowẹ ewọ tin owhè ṣinawe to didó e mẹ.
Currently Selected:
1 AHỌLU LẸ 6: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.