Malakị 4
4
Ilịsịku lya NTWA lịkwịsa
1Ilịsịku lya NTWA lịkwịsa, lịkwaka lili bo ilịtēnde lya mōto, abāmatị̄ngo bōsa nababombambị̄bị bōsa ābịkujaga bo unkupili bōsa bịsakupyaga mmōto pị̄sịku ilyo, bo ịkujoba UNTWA gwa fịlūndilo, gutịsakubasyakisyaga nakamo unsị pamo ulusamba. 2Lolị mwe mụkujitị̄la īngamụ jāngu, ilịsuba lya bugolofụ lịsakubasōkelaga umwe bo lili namaka mmapiko gake aga kubaponesya umwe. Mwịsakusokaga pānja nulusekelo bo mụkumoga nukunyela nyela kifwene bo ingwata inyehe isị syabuligwe sịkusōka pānja ukufụma nkibaga kyabo. 3Mwịsakubakanyịlaga pāsi ababōmbambị̄bị, namanga abene bịsakujaga bo umfwandilo pāsi pānjajo sya malūndi gīnụ, pị̄sịku ili nịsakubomba, bo ịkujoba UNTWA gwa fịlūndilo.
4Mụlukumbukege ulukomēlesyo lwa mmbōmbị gwangu Mose, īndagilo nimanyịsyo isi nālimpēle pakyamba Sịnai panōngwa ja bany'Ịsịlaelị bōsa.
5Nisakubatumila unkụngụluka Elịja bo tasị likāli ukwịsa ilịsịku lya NTWA ili lịkutịlịsya fịjo. 6Ịsakusịsanụkisya īndụmbụla sya bịsabo kubānābo, syope indụmbụla sya bānābo kubịsabo ko kuti abị̄sabo nabānābo ịsakubatwalaga bịsakujaga pamopene kangi papo mbagị̄le ukwịsa nukukipyụta ikị̄su kyinụ.
Currently Selected:
Malakị 4: NYB96
Highlight
Share
Copy
Want to have your highlights saved across all your devices? Sign up or sign in
Nyakyusa Bible © Bible Society of Tanzania, 1996.