Kalangan 3
3
Kalangan 3
Kalangan si Da'ud ma waktu kalahina min anakna si Absalom
1O Yawe, aheka saga a'a amantahan aku!
Kapilahan aku e' saga a'a magpanagga' aku.
2Aheka isab saga a'a anunggīngan aku, yuk-i,
“Mbal iya pinuwas e' Tuhan min kamulahan.”
3Saguwā' ka'a ya tampanku, O PANGHŪꞋ.
Ka'a ya amuwanan aku kasahaya'an.
Ka'a ya amahogot kamahaldika'anku.
4Bang aku parahing ni PANGHŪꞋ-Yawe,
sinambungan aku e'na min būdna mulliya.
5Ahāp e'ku atuli, asannang isab kabati'ku,
sabab binogbogan aku e' PANGHŪꞋ.
6Mbal aku tināw ma saga bantaku ibu-ibuhan,
ya angalibutan aku ma paruruwambila'.
7Ya PANGHŪꞋ, pasa'ut ka,
lappasun aku min ka'aniban.
Suntukun palbantahanku ma baihu' sigām,
paglopotun empon sigām.
8Si Yawe ya angaliyusan aku min kamulahan.
Bang pa'in buwanannu kahāpan saga a'a suku'nu.
Currently Selected:
Kalangan 3: sml
Highlight
Copy
Compare
Share
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.
