Ester 10
10
Kabantugan si Murdikay
1Na, bay amabayad buwis sultan Serses ma kamemon saga paglahat ya beya' ma pagsultananna, sampay ni saga lahatna katapusan alawak. 2Kamemon kahinangan ya tahinang e' sultan itu min kosogna maka min ga'osna, maka salsila pasal kapamalangana ma si Murdikay maka kabantugan ya pamuwan ma iya e' sultan, na, wa'i tasulat ma kitab pagsusulatan sultan, ya panulatan saga kahālan ma kasultanan bay ma lahat Persiya maka Midiya. 3Si Murdikay ya pasunu' langana ni sultan Serses, maka in iya katapusan alanga ma bangsana Yahudi. Landu' to'ongan iya pinagaddatan e' saga pagkahina Yahudi sabab atukid iya angahinang kahāpan ma sigām. Aheya isab pagka'inagonna ma sigām magtubu'-manubu'.
Currently Selected:
Ester 10: sml
Highlight
Copy
Compare
Share
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.
