MATEO Qelqaq qallariynin
Qelqaq qallariynin
Kay libron willawanchis Jesucristomanta allin willakuykunata. Ñawpa Rimanakuy Qelqapin Diosqa huk Qespichiqta kachamunanta llaqtanman prometerqan. Chay prometesqan Qespichiqmi Jesucristo. Jesusqa Judío runakuna ukhupi nacespan tiyarqan. Paymanta allin willakuykunaqa manan Judío runakunallapaqchu, aswanpas teqsimuyuntin runakunapaqmi.
Mateoqa qelqarqan ñawpaqmantaña allinta yuyaykuspanmi, ahinapi qelqasqan sut'i kananpaq. Ñawpaqtaqa qelqarqan Jesuspa nacesqanmanta, bautizakusqanmanta, Satanaspa wateqasqanmantawan. Chaymantataq qelqarqan Galilea provinciapi Jesuspa willasqanmanta, yachachisqanmanta, qhaliyachisqanmantawan. Qelqallarqantaqmi Galileamanta Jerusalén llaqtaman rispa wañunan qaylla p'unchaykunapi imaymana ruwasqanmanta. Astawanqa qelqarqan Jesuspa cruzpi wañusqanmanta kawsarimpusqanmantawan.
Kay libropiqa Jesusmi rikhurin allin yachachiq hamawt'a. Paymi Diospa kamachikuyninkunata atiywanpuni sut'inchan. Yachachillantaqmi Diospa kamachikushasqanmanta. Chay yachachisqankunan aswantaqa rikhurin phisqa t'aqapi:
cap. 5—7 Diosta kamachiqninkupaq chaskiqkunaqa imaynatachus kawsanankumanta.
cap. 10 Chunka iskayniyoq akllasqankunata manaraq willaqta kachashaspa yachachisqanmanta.
cap. 13 Diospa kamachikushasqanmanta rikch'anachiy simikuna.
cap. 18 Imaynatachus Jesuspaq kawsanamanta.
cap. 24—25 Tukukuy p'unchaykunamanta yachachikuykuna.
Kay libropin kaykunamanta willakun:
1.1—2.23 Jesuspa machulankunamanta paypa nacesqankama.
3.1-12 Bautizaq Juanpa Diosta servisqanmanta.
3.13—4.11 Jesuspa bautizakusqan wateqasqa kasqanpiwan.
4.12—18.35 Jesuspa Galileapi ruwasqanmanta.
19.1—20.34 Galileamanta Jerusalenman Jesuspa risqanmanta.
21.1—27.66 Wañunan qaylla p'unchaykunapi Jesusta imaymana sucedesqanmanta.
28.1-20 Kawsarimpuspa yachachisqankunaman rikhurisqanmanta.
Currently Selected:
MATEO Qelqaq qallariynin: QC88
Highlight
Share
Copy
Want to have your highlights saved across all your devices? Sign up or sign in
Biblia en Quechua de Cuzco © Sociedades Bíblicas Unidas, 1988.