GENESIS 28
28
1Jacobta Isaac qayaspanmi, bendicionta mañapuspan kamachirqa:
—Amam Canaan warmiwanqa casarakunkichu, 2Padan-aram lawtayá riy mamaykipa taytan Betuelpa wasinman hinaspayá mamaykipa turin Labanpa huknin warmi churinwan casarakamuy. 3Tukuy Atiyniyoq Dios bendecisuptikim churisapallaña kanki. Mirachisunkim achka mirayniyoq kanaykipaq. 4Abrahanman prometisqan bendicionnintam qosunki miraynikikunamanwan. Diosmi payman prometirqa forastero hina *f**yachasqanchik kay allpata —nispa.
5Chaynata nispanmi Isaac kacharqa churin Jacobta chaymi pay rirqa Padan-aram lawpi Labanpa wasinman. Labanqa karqa Aram casta Betuelpa churinmi. Rebecapas karqa Labanpa paninmi hinaspa Jacobpapiwan Esaupa mamanmi.
Esaupa casarakusqanmanta
6Esauñataqmi rikururqa Jacobpaq bendicionta Isaac mañakuspan Padan-aram lawman kachasqanta. Yacharurqataqmi Canaan warmikunawanqa Jacob ama casarakunanpaq taytanpa kamachisqantapas. 7Yacharurqataqmi tayta-mamanta kasuspan Jacobqa Padan-aram lawman risqantapas. 8Chaynapim Esauqa musyarurqa taytan Isaactaqa Canaan warmikunaqa mana gustasqanta 9chaymi payqa Ismael casta warmiwan casarakurqa. Warminkuna kachkaptinpas casarakurqamá Mahalat sutiyoq warmiwanpas. Chay warmiqa karqa Ismaelpa churinmi otaq Nebaiotpa paninmi otaq Abrahampa willkanmi.
Betel lawpi Jacobman Dios rikurisqanmanta
10Jacobmá lloqsirqa Beerseba llaqtamanta hinaspam rirqa Haran llaqtaman. 11Samanan sitioman chayaruptinmi inti seqaykurqa, chaypim rumiwan sawnakuykuspa puñururqa. 12Chaymi mosqoyninpi rikururqa huk escalerata pampamanta hanaq pachaman haypaqta hinaspa chaynintakama Diospa angelninkuna seqaspa uraykamuchkaqta. 13Rikururqataqmi ladonpi sayachkaq Tayta Diostapas, paymi nirqa:
—Ñoqaqa kani abueloyki Abrahampa hinaspa taytayki Isaacpa yupaychasqan Tayta Diosmi. Kay puñusqayki allpatam qosqayki miraynikikunamanwan. 14Chaymi miraynikikuna kanqa ñutu allpa hina mana yupay atina. Paykunam cheqenqa tukuy hinastinman chaymi kay pachapi llapallan ayllukuna bendecisqa kanqa qamrayku hinaspa miraynikirayku. 15Ñoqam qanwan kachkani chaymi mayman risqaykipipas waqaychasqayki hinaspam kay allpaman kutichimusqayki. Manam saqesqaykichu, ñoqaqa qanman nisqaykunatam rurasaq —nispa.
16Chaymi Jacob puñusqanmanta rikchariruspan nirqa: “Cheqappunim Tayta Diosqa kaypi kasqa, manam ñoqaqa yacharqanichu” nispa. 17Mancharikuspam nirqa: “Manchakuypaqmi kay lugarqa kasqa. Kayqariki Diospa wasin hanaq pachapa punkunpunim kasqa” nispa.
18Tutapayta Jacob hatarispanmi sawnanpaq churasqan rumita hapispan sayachirqa suytu rumita hinaspanmi chaypa hawanman hichaykurqa aceiteta Diosman sapaqchaspan. 19Chay lugartam suticharqa #Hebreo simipi Betel ninanqa “Diospa wasin” ninanmi.Betelwan, puntataqa chay llaqtapa sutinmi karqa #Hebreo simipi Luz ninanqa “almendro” ninanmi.Luz.
20Chaypim Jacob prometikurqa kaynata nispan:
—Dios Taytalláy, kay risqaypi waqaychawaspayki mikuytapas pachatapas qowaptikiqa 21chaynataq taytaypa wasinman hawkallata kutichiwaptikiqa qanmi kanki Diosniy. 22Chaymi kay sayachisqay suytu rumi kanqa Diospa Wasin. Lliw qowasqaykimantapas qosqaykim diezmota —nispa.
Currently Selected:
GENESIS 28: QUEAYA87
Highlight
Share
Copy
Want to have your highlights saved across all your devices? Sign up or sign in