Apocalipsis 20
20
Waranqa watamanta
1Chaymantañataqmi huk angelta hanaq pachamanta urayka-muchkaqta rikurqani, payqa uku pachapa llaventawan hatun cadenata aparikuspanmi uraykamuchkasqa. 2#Gn 3.1.Chay angelmi ñawpaq maqta uruwan sutichasqa dragonta hapirurqa, chay dragonqa Satanaswan sutichasqa Diablom, paytam waranqa watapaq chaqnarurqa. 3Paytam tutayaq ukuman wischuykurqa, hinaspam punkunta wichqaruspan sellota churarurqa waranqa wata pasanankama, chaynapi nacionkunatapas amaña engañananpaq. Waranqa wata pasaruptinñataqmi pisi tiempollapaq kacharisqa kanqa.
4 #
Dn 7.9, 22. Rikurqanitaqmi tronokunatapas, chay-kunapiqa juzganankupaq kamachisqakunam tiyachkasqaku. Rikurqanitaqmi Jesusrayku hinaspa Diospa palabranta willakusqankurayku kunkan qorusqakunapa almankunatapas. Paykunaqa manam yupaycharqakuchu #20.4 Manchakuypaq animal nispaqa nichkan, castellanopi Bestia niqtam.manchakuypaq animaltapas nitaq imagennintapas, manataqmi urkunkupipas nitaq makinkupipas marcantaqa churachikurqakuchu. Paykunaqa kawsarimuspankum Cristowan kuska waranqa wata munaychakunqaku. 5Wakin wañuqkunam ichaqa waranqa wata tukunankama mana kawsarimurqakuchu. Kayqa punta kaq kawsarimuymi. 6Mayna kusisqam hinaspa chuyataqmi kanku punta kawsarimuypi kawsarimuqkunaqa. Iskay kaq wañuyqa manañam paykunataqa imananqañachu, aswanqa kanqaku Diospa hinaspa Cristopa sacerdotenkunañam, paykunaqa Cristowanmi waranqa wata munaychakunqaku.
Satanaspa vencesqa kasqanmanta
7Waranqa wata pasaruptinñataqmi Sata-nasqa preso kayninmanta kacharisqa kanqa, 8#Ez 38.1-16.hinaspam lloqsimunqa kay pachapi llapallan nacionkunata engañananpaq. Gogtawan Magogtapas engañaspanmi paykunapa tropankunata guerrapaq huñunanqa, chay tropakunaqa lamar qochapa patanpi aqo hina manaña yupay atinam kanqa. 9Chay tropakunam tukuy kay pachapi purimunqaku, hinaspam Diosllapaqña kawsaqkunapa campamentontawan kuyasqan llaqtanta muyurirurqaku, chaymi Diosñataq hanaq pachamanta ninata kachaykamuspan llapallanta kañarurqa. 10Engañaqninku diabloñataqmi azufreyuq rupachkaq qochaman wischusqa karqa, manchakuypaq animalpa hinaspa pantachikuq profetapa kasqanman, chaypim tuta punchaw wiña-wiñaypaq ñakarinqaku.
Hatun yuraq tronopa ñawpaqninpi juiciomanta
11 #
Dn 7.9-10. Chaynataqmi rikurqani hatu-hatun yuraq tronotapas, rikurqanitaqmi chaypi tiyaqtapas. Paypa ñawpaqninmantam hanaq pachawan kay pacha chinkarurqa, hinaptinmi paykunapa kananpaq mana maypas karqachu. 12Chaymantam rikurqani hatunpas, taksapas ñawpaq wañuqkunatapas, paykunaqa Diospa qayllanpim sayachkasqaku, hinaptinmi librokuna kichasqa karqa. Wiñay kawsay libropas kichasqataqmi karqa hinaptinmi chay libropi qellqasqaman hina hinaspa imam ruwasqankuman hina wañusqakuna juzgasqa karqaku. 13Lamar qochapas chaypi kaq wañusqakunatam qomurqa, qomurqataqmi wañuypas chaynataq #20.13 Hadesqa wañusqakunapa kasqanmi.Hadespas chaypi wañusqakunata, chaymi sapakama juzgasqa karqaku imam ruwasqankuman hina. 14Wañuypas chaynataq wañusqakunapa kasqanpas azufreyuq rupachkaq qochamanmi wischusqa karqaku. Kayqa iskay kaq wañuymi. 15Kawsay libropi sutinku mana qellqasqa kaqkunapas chay rupachkaq qochamanmi wischusqa karqaku.
Currently Selected:
Apocalipsis 20: RCQ12
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa - La Biblia en Quechua de Ayacucho - Edición Revisada © Peruvian Bible Society, 2012
