Apocalipsis 15
15
Angelkunamantawan qanchis qepa kaq castigokunamanta
1Hanaq pachapim ancha admirakuypaq señalta rikurqani: Qanchis angelkunam kachkasqa qanchis qepa kaq ñakariykuna hapirisqakama, chay ñariykunawanmi Diospa piñakuynin tukururqa.
2Rikurqanitaqmi ninawan chaqrusqa cristal kaqlla lamar qochatapas. Rikurqanitaqmi manchakuypaq animaltawan imagennintapas chaynataq marcantawan sutinpa numeron mana chaskispa venceqkunatapas, paykunaqa chay cristal kaqlla lamar qochapa patanpim Diospa qosqan arpantinkama sayachkasqaku. 3#Ex 15.1.Paykunam Diosta serviq Moisespa takintawan hinaspa Corderopa takinta kaynata takirqaku:
“Tukuy Atiyniyuq Señor Diosnillayku”,
tukuy ruwasqaykikunaqa
hatu-hatun admirakuypaqmi,
ñannikikunaqa cheqapmi hinaspa allinpunim, nacionkunapi munaychakuq Reymi kanki,
4 #
Jer 10.7. #
Sal 86.9. Señorllayku, ¿pitaq mana manchakusunkimanchu?
¿Pitaq mana yupaychasunkimanchu?
Qamllam chuyaqa kanki,
chayraykum llapa nacionkuna hamuspanku hatunchasunki,
allin ruwaq kasqaykitam qawaykachikunki, nispa.
5 #
Ex 40.34. Kaykunapa qepantañataqmi rikurqani Diosman asuykuna carpa kichakuykuqta. 6Chay templomantam lloqsiramurqa qanchis angelkuna qanchis castigokuna aparisqa, paykunaqa linomanta sumaq kancharichkaq pachayuqmi hinaspa qasqonkupas qorimanta chumpiwan watasqakamam kasqaku. 7Runaman rikchakuq tawan kawsaqkunapa hukninmi qanchis angelkunaman qoykarirqa qorimanta copakunata, chay copakunaqa kasqa Diospa piñakuyninwan huntasqam, payqa wiña-wiñaypaq kawsaqmi. 8#1~R 8.10-11; 2~Cr 5.13-14; Is 6.4.Temploñataqmi Diospa kanchariyninmanta hinaspa atiyninmanta lloqsimuq qosniwan huntasqa karqa. Chay templomanqa manam pipas yaykuyta atirqakuchu, qanchis angelkunapa apasqan qanchis castigokuna tukunankama.
Currently Selected:
Apocalipsis 15: RCQ12
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa - La Biblia en Quechua de Ayacucho - Edición Revisada © Peruvian Bible Society, 2012
