Apocalipsis 13
13
Manchakuypaq iskay animalkunamanta
1 #
Dn 7.3. #
Ap 17.3, 7-12. Chaymantam lamar qochapa patanpi sayaykuspay rikururqani lamar qochamanta qanchis umayuq hinaspa chunka waqrayuq manchakuypaq animal lloqsimuqta. Sapa waqranpim kasqa huk corona, umankunapiñataqmi kasqa Dios kamiq sutikuna.
2 #
Dn 7.4-6. Chay rikusqay manchakuypaq animalqa leopardo kaqllam kasqa, chakinkunañataqmi kasqa ukumaripa chakinkuna kaqlla, siminñataqmi kasqa leonpa hina. Dragonmi atiyninta, trononta hinaspa hatun munaychakuyninta qoykurqa.
3Chay manchakuypaq animalpa huknin umanmi wañunanpaq hina tuksisqa karqa, ichaqa sanoyaruptinmi llapallan kay pachapi kaq runakuna admirasqallaña chay manchakuypaq animalta qatikurqaku.
4Chay Dragontam yupaycharqaku manchakuypaq animalman atiyta qoykusqanrayku. Yupaycharqakutaqmi chay manchakuypaq animaltapas:
¿Pitaq kay manchakuypaq animal hinaqa kanman? ¿Pitaq paywanqa peleanman? nispanku.
5 #
Dn 7.8, 25; 11.36. Chay manchakuypaq animalmanmi atiy qosqa karqa, Diospa contranpi tukuy imata rimananpaq hinaspa tawa chunka iskayniyuq killa munaychakunanpaq. 6Chaynapim Diosta kamirqa, kamirqataqmi paypa sutintapas, paypa carpantapas chaynataq hanaq pachapi yachaqkunatapas.
7 #
Dn 7.21. Chaynataqmi chay manchakuypaq animalmanqa atiy qosqa karqa chuya llaqtapa contranpi peleaspa vencenanpaq chaynataq kay pachapi llapallan ayllukunata, castakunata, tukuy rikchaq rimayniyuqkunata hinaspa nacionkunata kamachinanpaqpas.
8 #
Sal 69.28. Chay manchakuypaq animaltam kay pachapi llapallan yachaqkuna otaq Corderopa kawsay libronpi sutinku mana qellqasqa kaqkuna yupaycharqaku. Chay Corderoqa manaraqpas kay pacha unanchasqa kachkaptinmi wañunanpaq citasqaña karqa.
9Pipas uyarikuqqa uyarichunyá.
10 #
Jer 15.2. Pipas presochasqa kananpaq kaqqa presochasqam kanqa.
Pipas espadawan wañuchinapaq kaqqa espadawan wañuchisqam kanqa.
Chaynapim Diosllapaqña kawsaqkunaqa pacienciayuq hinaspa confianzayuq kananku.
11Chaymantam huk animalta kay pachamanta qespimuchkaqta rikurqani. Chaypam kasqa Corderopa hina iskay waqrankuna, rimayninñataqmi kasqa Dragonpa rimaynin hina.
12Punta kaq manchakuypaq animalpa hinam atiyninpas kasqa, chaymi tukuy imata punta kaq manchakuypaq animalpa qayllanpi ruwarqa. Llapallan kay pachapi runakunawanmi adorachirqa nanayninmanta sanoyaruq punta kaq manchakuypaq animalta. 13Hatun señalkunata ruwaspam, llapa runakunapa qawasqanta cielomanta kay pachaman ninata wichichimurqa.
14Kay señalkunata punta kaq manchakuypaq animalpa qayllanpi ruwananpaqmi atiy qosqa karqa kay pachapi llapa runakunata engañananpaq. Hinaspam kamachikurqa manchakuypaq animalpa imagenninta ruwanankupaq, chay manchakuypaq animalqa espadawan tuksisqa kachkaspanpas manam wañurqachu.
15Chay iskay kaq manchakuypaq animalmanmi atiy qosqa karqa, punta kaq manchakuypaq animalpa imagenninman kawsayta qospa rimachinanpaq hinaspa chay imagenta mana yupaychaqkunata wañuchinanpaq.
16Chaynataqmi llapallan runakunata taksatapas, hatuntapas, aputapas, wakchatapas, libretapas hinaspa esclavotapas alleq makinkupi otaq urkunkupi marcachirqa, 17chaynapim pipas chay animalpa sutinwan hinaspa numeronwan mana marcasqa kaqkunaqa, manam imallatapas rantiyta nitaq rantikuytapas atiqkuchu.
18Kaypiqa yachaymi kachkan. Yachay-niyuq runaqa manchakuypaq animalpa numerontayá yupachun. Paypa numeronqa runapa numeronmi, chay numeroqa soqta pachak soqta chunka soqtayuqmi.
Currently Selected:
Apocalipsis 13: RCQ12
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa - La Biblia en Quechua de Ayacucho - Edición Revisada © Peruvian Bible Society, 2012
