Mateo 3
3
Juanpa willakuyninmanta
(Mr 1.1-8; Lc 3.1-9, 15-17; Jn 1.19-28)
1Chay punchawkunapim Bautizaq Juan, Judea law purunkunapi kaynata willakurqa:
2 #
Dn 2.44. #
Mt 4.17; Mr 1.15. Huchaykichikmanta wanakuychik, Diospa munaychakuyninmi hichparamunña, nispan.
3 #
Is 40.3. Juanmantam profeta Isaías kaynata nirqa:
“Huk runam purunpi kaynata qaparichkan:
Señorpa ñanninta allichaychik,
purinan ñanta kichaychik”, nispa.
4 #
2~R 1.8. Juanpa pachanqa karqa camellopa pelonmantam, weqaw watanpas qaramantam karqa, mikunanñataqmi karqa aqaruway urukunawan purun abejapa miskin. 5Payta uyarinankupaqmi Jerusalenmanta, Judeamanta hinaspa Jordán mayupa muyuriqninkunamanta llapa runakuna riqku. 6Chaymi huchankuta reqsikuspa willakuptinku, Juanñataq Jordán mayupi bautizaq.
7 #
Mt 12.34; 23.33. Llapa fariseokunawan saduceokunapas bautizachikuq hamuptinkum Juanñataq nirqa:
¡Maqta urupa mirayninkuna! ¿Pitaq willarusunkichik hamuq ñakariymanta ayqeruyta? 8Huchaykichikmanta wanakusqaykichikta kawsaynikichikpi qawachikuychik. 9#Jn 8.33.Amayá niy-chikchu: “Ñoqaykuqa Abrahampa mirayninmi kaniku”, nispaykichikqa; Diosqa kay rumikunamantapas Abrahampa mirayninkunataqa hatarirachinmanmi. 10#Mt 7.19.Hachaqa ñam sachakunapa sapinman churasqaña kachkan. Mana allin ruruq sachakunaqa kuchusqa kaspam ninaman wischusqa kanqa. 11Ñoqaqa huchaykichikmanta wanakuptikichikmi yakuwan bautizaykichik, qepay hamuqmi ichaqa Chuya Espirituwan chaynataq ninawan bautizasunkichik, payqa ñoqamantapas aswan atiyniyuqmi, ñoqaqa manam usutallantapas apaq hinachu kani. 12Payqa makinpim hurkitanta apamuchkan, chaywanmi trigota pajanmanta rakinanqa; trigotam taqeman apaykunqa, pajatañataqmi mana amachay atina ninapi kañanqa, nispa.
Jesús bautizasqa kasqanmanta
(Mr 1.9-11; Lc 3.21-22)
13Jesusmi Galilea lawmanta Juanpa kasqan Jordán mayuman hamurqa, chaynapi Juanwan bautizachikunanpaq. 14Juanñataqmi mana munaspan nirqa:
¿Ñoqata bautizawanayki kachkaptinchu qamraq bautizanaypaq hamuwanki? nispan.
15Jesusñataqmi nirqa:
Kunanqa chaynatam ruwanayki, chaynapim Diospa nisqanta cumplisunchik, nispan.
Chayñam Juan bautizarqa. 16Jesusmi bautizarachikuspan yakumanta lloqsimurqa, chayllamanmi hanaq pacha kicharikuykuptin Diospa Espiritunta rikururqa paloma hina payman uray-kamuchkaqta. 17#Is 42.1; Mt 12.18; 17.5; Mr 9.7; Lc 9.35.Hinaptinmi hanaq pachamanta huk rimariy uyarikurqa:
“Paymi kuyasqay Churiy, payraykum kusisqa kachkani”, nispa.
Currently Selected:
Mateo 3: RCQ12
Highlight
Share
Copy
Want to have your highlights saved across all your devices? Sign up or sign in
Chuya Qellqa - La Biblia en Quechua de Ayacucho - Edición Revisada © Peruvian Bible Society, 2012