Santiago 5
5
Apukunaqa imaynam kananmanta
1Apukuna, ¡kayta uyariychik! Qepa punchaw ñakarinaykichikmantayá waqaspa qaparkachaychik. 2#Mt 6.19.Tukuy kapuqnikichikmi ismusqa kachkan, pachaykichikpas puyupa mikusqanmi kachkan. 3Llapa qorikichikpas qollqekichikpas lliwñam akarun, chaykunam contraykichikpi rimarinqa, hinaspam aychaykichiktapas nina hina rupanqa. Tukupay punchawkunapaqmi tukuy ima kapuqnikichikta huñukurunkichik. 4#Dt 24.14-15.Cosechaykichikpi llamkaqkunamanmi mana pagarqankichikchu, chaymi paykunapa qayakusqanta Tukuy Atiyniyuq Señor uyarirun. Chay mana pagasqaykichik qollqem Diospa qayllanpi acusasunkichik. 5Kay pachapi kawsaspaykichikmi aychaykichik kusichiypi, sonqoykichikpa munasqanpi purirqankichik, nakanapaq wirayachisqa ganado hinaraqmi poqorunkichik. 6Qamkunam mana huchayuq runakunata acusaspaykichik mana harkakuy atichkaqta wañuchirqankichik.
Pacienciawan mañakunamanta
7Chaynaqa, wawqe-panillaykuna, Señor-ninchik kutimunankamayá paciencia-kuychik. Chakrapi llamkaqpas allin-ta cosechananpaqqa tarpuy paratawan poqoy paratam pacienciawan suyan. 8Chaynayá qamkunapas ama hukmanyaspa pacienciakuychik, Señorninchikpa kutimunanqa hichpallañam kachkan. 9Wawqe-panillaykuna, amayá qamkunaqa quejanakuychikchu, chaynapi ama castigasqa kanaykichikpaq, punkupi hinallañam juzgawaqninchikqa kachkan. 10Wawqe-panikuna profetakunapa ejemplontayá qatisunchik, paykunam ñakaristinpas pacienciakuspanku Señorpa sutinpi willakurqaku. 11#Job 1.21-22; 2.10.#Sal 103.8.Ñoqanchikqa ñakarispa pacienciakuqkunataqa kusi-kuyniyuqpaqmi hapinchik. Uyarirqan-kichikmi Job sutiyuq runapa pacien-cianmanta, yachankichiktaqmi ñaka-riyninkuna tukuruptin Señorqa paywan imam ruwasqanmantapas, Señorqa kuyapayakuqmi hinaspa llakipayakuqmi.
12 #
Mt 5.34-37. Wawqe-panillaykuna, tukuy imamantapas astawanqa amayá hanaq pacharaykupas, kay pacharaykupas, nitaq imaraykupas juraychikchu. Chayrayku, “arí” nisqaykichikqa “arí” nisqa kachun, “manam” nisqaykichikpas “manam” nisqa kachun, chaynapi Dios mana castigasunaykichikpaq.
13Mayqannikichikpas llakisqa kaspa-qa Diostayá mañakuychik. Mayqan-nikichikpas kusisqa kaspaqa takispayá Diosta yupaychaychik. 14#Mr 6.13.Qamkuna ukupi pipas onqosqa kaptinqa iglesiapi ancianokunatayá qayaychik, chaynapi Señorpa sutinpi chay onqoqta aceitewan untaykuspa Diosta mañapunankupaq. 15Iñiywan Diosta mañakuyqa onqoqtam sanoyachin, Señormi sayarichinqa, huchapi kaptinpas pampachaykunqam. 16Huchaykichikta willanakuspayá Diosta mañakuychik, chaynapi sanoyanaykichikpaq. Justo runapa tukuy sonqonwan Dios mañakusqanqa llumpay atiyniyuqmi. 17#1~R 17.1; 18.1.Profeta Eliaspas ñoqanchik hinam karqa, paymi tukuy sonqonwan Diosta mañakurqa mana paramunanpaq chaymi kimsa wata soqta killan mana paramurqachu. 18#1~R 18.42-45.Huktawan Diosta mañakuptinñataqmi paraykamurqa, chaymi chakrapi kawsaykuna huktawan rururqa.
19Wawqe-panillaykuna, sichum mayqannikichikpas cheqap yachachikuymanta pantaruptinqa, huknikichikñataq kutichimuptinqa 20#Pr 10.12.yachaychikyá: Chay huchallikuq runata pantay ñanmanta kutirachimuqqa huk almatam wañuymanta salvarun, hinaspam nana-nanaq huchankunatapas pampachaykachin.
Currently Selected:
Santiago 5: RCQ12
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa - La Biblia en Quechua de Ayacucho - Edición Revisada © Peruvian Bible Society, 2012
