Hebreos 8
8
Musoq pactomanta
1 #
Sal 110.1. Tukuy nisqaykunapa yachachikuyninqa kaymi: Sumo sacerdotenchikmi kapuwachkanchik, payqa hanaq pachapim Diospa alleqninpi tiyachkan. 2Payqa cheqap Chuyay-chuyay lugarpim sacerdotekunapa ruwananta ruwachkan, kikin Diospa ruwasqan carpapi, chaytaqa manam runachu ruwarqa. 3Llapa Sumo sacerdotekunaqa churasqa karqaku ofrendakunatawan sacrificiokunata Dios-man presentanankupaqmi. Chaynataqmi Cristopapas kan imapas ofrecenanpaq. 4Sapaq sacerdotekuna kachkaptinqa, kay pachapiraq kaspanqa payqa manam sacerdoteqa kanmanchu leyman hina hucharayku ofrendakunata presentananpaqqa. 5#Ex 25.40.Sacerdotekunapa ruwasqankunaqa llantuy hinallam hanaq pachapi kaqkunaman rikchakun. Diosman asuykuna carpata Moisés ruwananpaq kachkaptinmi, Diosqa Moisesta nirqa:
Chaykunataqa ruwachinki Sinaí orqopi imaynam qawachisqayta hinam, nispa.
6Sumo sacerdotenchik Cristom ichaqa Diospa churasqanman hina, aswan allin llamkayta chaskirqa, paynintakamam aswan allin pactota chaskinchik. Chay pactopim aswan allin promesakunata qowarqanchik.
7Sichum punta kaq pacto mana pan-tayniyuq kanman karqa, hinaptinqa manañachiki qepa pactoqa necesarioñachu kanman karqa. 8#Jer 31.31-34.Chayraykum Israelpa mirayninkunata qaqchaspan Dios nirqa:
Hamuchkanmi punchawkuna
Israel miraykunawan
chaynataq Judá castakunawan
musoq pactota ruwanaypaq.
9Ichaqa manam ñawpaq taytaykichikkunawan
pacto ruwasqayta hinachu ruwasaq.
Paykunatam Egipto nacionmanta,
makinkumanta aysamuchkaq hina hurqomurqani.
Paykuna mana kasukuptinmi
ñoqatapas manaña imapas qokuwarqachu.
Señormi chaynata nin.
10Chay punchawkuna pasaruptinmi
Israel miraykunawan pactota ruwasaq.
Ñoqa Señormi kaynata nini:
Leyniykunatam yuyayninkuman churasaq,
sonqonkupim qellqasaq,
paykunapaqmi Diosninku kasaq,
paykunañataqmi llaqtay kanqa.
11Manañam pipas runamasinta
nitaq wawqentapas yachachinqachu:
“Señorta reqsiy” nispaqa.
Warmakunapas, yuyayniyuqkunapas
llapallankum reqsiwanqaku.
12Ñoqaqa mana allin ruwasqankutam pampachasaq,
huchankutapas manañam yuyarisaqñachu, nispa.
13Musoq pactomanta Dios rimaspanqa punta kaq pactotam mawkayarachinña. Mawkayachisqa manaña servikuq pactoqa chinkarunanpaq hinañam kachkan.
Currently Selected:
Hebreos 8: RCQ12
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa - La Biblia en Quechua de Ayacucho - Edición Revisada © Peruvian Bible Society, 2012
