Hebreos 10
10
1Moisespa leyninqa karqa ha-muq kaqkunapa llantuynin hinallam, manam kikin allin kaqkunachu. Chayraykum leyman hinaqa animalkunata kañaspa watan-watan ofreceqkunapas mana chuyanchakuyta atiqkuchu. 2Leyman hina ofrenda qosqanku huchankuta chuyanchaptinqa manaña huchayuqpaq hapikuptinkuqa, manañachiki sapa kutilla ofrendata qonmankuchu karqa. 3Aswanqa kay sacrificio ofrecesqankuqa servikun huchankumanta sapa wata yuyarinankupaqmi. 4Torokunapa chaynataq chivatokunapa yawarninqa huchakuna chuyanchaytaqa manam atirqachu.
5 #
Sal 40.6-8. Chayraykum kay pachaman Cristo hamuspan Diosta nirqa:
“Sacrificiotawan ofrendataqa manam munarqankichu, aswanqa huk cuerpotam qoykuwarqanki.
6Lliw kañana sacrificiotapas manam munarqankichu, hucharayku ofrendatapas manam munarqankichu.
7Chaymi nirqani: Kaypim kachkani, Chuya Qellqapim ñoqamanta kaynata nichkan, Diosnilláy, hamurqaniqa munasqayki ruwanaypaqmi”, nispa.
8Nisqanpi hinam “sacrificiokunatawan, ofrendakunata, lliw kañana sacrificiokunata hinaspa hucharayku ofrendakunataqa mana munarqankichu nitaqmi chaskirqankichu”. Chaykunataqa ofrecenku leypa kamachisqanman hinallam. 9Chaymi nirqa:
Hamurqaniqa munasqaykita ruwanaypaqmi, nispa.
Chaynata nispanmi ñawpaq pactota yanqacharuspan musoq pactotaña churarqa. 10Jesucristom wiñaypaq huk kutillata cuerponta sacrificiopi ofrecespan Diospa munasqanta ruwarurqa, chaynapim sapaqchasqaña kachkanchik.
11 #
Ex 29.38. Llapa sacerdotekunam, mana huchakuna chuyanchaq ofrendata hina chayna sacrificiollata Diosman sapa punchaw ofrecenku. 12#Sal 110.1.Cristom ichaqa wiñaypaq huk kutillata hucharayku ofrecekuspa wañurqa, hinaspam Diospa alleqninpi tiyaykurqa. 13Chaypim suyachkan enemigonkunata kikin Dios saruchinankama. 14Chaynatam Cristoqa huk kutillata wañusqanwan wiñaypaq haykam Diospaq sapaqchasqa kaqkunata chuyancharun. 15Chuya Espiritum kaynata willawanchik:
16 #
Jer 31.33. Chay punchawkuna pasaruptinmi
paykunawan pacto ruwasqayqa kayna kanqa:
Yachachikuyniytam sonqonkupi churasaq, qellqasaqtaqmi yuyayninkupipas.
Señormi chaynata nin.
17 #
Jer 31.34. Nintaqmi:
Huchankutawan mana allinkuna ruwasqankuta pampachaspayqa
manañam haykapipas yuyarisaqñachu, nispapas.
18Chaynaqa, huchakuna pampachasqaña kaptinqa hucharayku ofrendakunaqa manañam kanmanñachu.
Diosman asuykunamanta
19Chaynaqa, wawqe-panillaykuna Jesucristopa yawarnin chaqchusqanraykuyá confianzawan “Chuyay-chuyay” lugarman yaykusunchik. 20Payqa velota llikichkaq hinam kikinpa cuerponwan, kawsachkaq musoq ñanta kichaykapuwarqanchik. 21Diospa wasinpiqa pusawaqninchik Sumo sacerdotem kapuwachkanchik. 22#Lv 8.30.#Lv 8.6.Chaynaqa, cheqap sonqowanyá ama iskayrayaspa, cheqap iñiywan, huchakunamanta sonqonchikpas chuyanchasqa chaynataq cuerponchikpas chuya yakuwan mayllasqayá Diosninchikman asuykusunchik. 23Ama maylawmanpas muyuspayá imam iñisqanchikpi takyasunchik, Diosqa imam prometewasqanchiktaqa cumplinqapunim. 24Hukninchikmanta hukninchikkama yanapanakuytayá maskasunchik, tukuymanta llalliqtaqa kuyanakuspa allinkuna ruwayta. 25Wakinkunapa costumbrenman hinaqa amayá huñunakuyman riytaqa saqesunchu, aswanqa Señorpa chaylla kutimunanta yachachkaspaqa kallpanchanakusunyá.
26Sichum cheqap kaqta chaskiruchkaspa hinallaraq huchallikusun, hinaptinqa manañam hucharayku sacrificioqa kanñachu, 27#Is 26.11.aswanqa mancharikuypaq juicio suyayllañam, chaypim rupachkaq rawraq ninapi enemigonkunata Dios kañanqa. 28#Dt 17.6; 19.15.Moisespa leynin mana kasukuqkunaqa, iskay otaq kimsa testigo declaraptinmi mana llakipayaspa wañuchisqa kanqaku. 29#Ex 24.8.Chaynaqa, ¡mayna castigasqaraqmi kanqa! Diospa Churinta sarutyaq runaqa, Diosllapaqña sapaqchaqnin musoq pacto yawartapas despreciaq runaqa hinaspa Diospa kuyapayakuynin qokuq Chuya Espiritutapas kamiq runaqa.
30 #
Dt 32.35. #
Dt 32.36. Señorpa kayna nisqantaqa yachan-chikmi, paymi nirqa: “Mana allin ruwaqkunatam vengakusaq, mana allin ruwasqanman hinam pagapusaq”, nispa.
Huklawpipas kaynatam nichkan:
“Señormi llaqtanta juzganqa”, nispa.
31¡Mayna mancharikuypaqmi kawsaq Diospa makinman wichiykuyqa!
32Achkiy chaskisqaykichik punchawkunatayá yuyariychik, chay punchawkunapiqa llumpayta ñakarichkaspapas kallpancha-kuspam allinta sayarqankichik. 33Huk kutipim runakuna qawakunankupaq tukuy imaymana kamisqa hinaspa maqapasqa karqankichik. Huk kutipiñataqmi ñakariqkunapa ñakariqmasin karqankichik. 34Carcelpi kaqkunamantapas llakipayarikurqankichikmi, imaykichikta qechusuptikichikpas kusisqallam karqankichik, chaynataqa ruwarqankichik hanaq pachapi aswan allin wiñaypaq kapuqniyuq kasqaykichikta yachaspam. 35Chaynaqa, Diospi hapipakuynikichiktaqa amayá saqeruychikchu, hatun premioykichikqa kachkanmi. 36Diospa munasqan ruwanapaqa pacienciakunaykichikmi, chaynapim paypa prometekusqankunata chaskinkichik. 37#Hab 2.3-4.Chuya Qellqam kaynata nin:
“Payqa chayllam kutimunqa,
chay hamunanpaq kaqqa,
manam unamunqachu.
38Allin ruwaq runaqa iñisqanraykum kawsanqa,
qepanchakuruwaptinmi ichaqa mana kusisqachu kasaq”, nispa.
39Ñoqanchikqa manam wiñaypaq castigasqa kanankupaq qepaman kutiqkunapa castanchu kanchik, aswanqa iñispa salvación haypaqkunapa castanmi kanchik.
Currently Selected:
Hebreos 10: RCQ12
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa - La Biblia en Quechua de Ayacucho - Edición Revisada © Peruvian Bible Society, 2012
