Gálatas 1
1
Cartapa qallariyninmanta
1Ñoqa Pablom apóstol kani, apóstol kayniyqa manam runapa akllawasqanman hinachu, aswanqa kikin Jesucristom hinaspa Dios Taytam akllawarqa, paymi Jesucristota wañusqanmanta kawsarichimurqa. 2Ñoqa Pablom, kaypi kaq iñiqkunapiwan Galaciapi kaq llapallan iglesiakunaman rimaykamuykiku. 3Dios Taytanchikwan Señorninchik Jesucristoyá hawkayaynintawan kuyakuyninta qamkunaman chaqchurimusunkichik. 4Dios Taytanchikpa munasqanman hinam kikin Señorninchik Jesucristo ñoqanchikpa huchanchikmanta wañupuwarqanchik, chaynapi millay huchamanta librawananchikpaq. 5Dios Taytayá wiña-wiñaypaq qapaqchasqa kachun. Amén.
Chullalla cheqap willakuy kasqanmanta
6Admirasqallañam kachkani, Jesu-cristopa kuyakuyninraykum Dios qayasurqankichik, hinaptinqa, ¿imanasqamá manapas unaypiqa Diosmantaqa karunchakurunkichik huk rikchaq evangeliotaña qatinaykichikpaqqa? 7Huk evangelioqa manam kanchu. Ichaqa wakin runakunam Jesucristomanta cheqap evangeliota qewiyta munaspanku qamkunatapas iskayrayachisunkichik. 8Chaynaqa, ñoqaykumantaña kaptinpas otaq hanaq pachamanta hamuq angelña kaptinpas, allin noticia willasqaykumanta huk rikchaq willakuyta yachachisuspaykichikqa Diospa ñakasqanyá kachun. 9Ñam nirqaykichikña, chaywanpas huktawanraqmi nimuykichik: Sichum pipas willasqayku evangeliomanta huk rikchaq evangeliota apamusuqnikichikqa Diospa ñakasqanyá kachun.
10Kaynata nispayqa, ¿runakunapa allinpaq hapisqan kaytachu maskani, icha Diospa allinpaq hapiwanantachu? Sichum runakunapa allin hapiwanallanta munayman, hinaspayqa manañam Jesucristopa serviqninñachu kayman.
Pablo apóstol kasqanmanta
11Wawqe-panillaykuna yachaychikyá, ñoqapa kay allin noticia willakusqayqa manam runakunapa rikurichimusqanchu. 12Chaytaqa manam runamantachu chaskirqani nitaq yacharqanipas, kikin Jesucristom ñoqamanqa yachachiwarqa.
13 #
Hch 8.3; 22.4-5; 26.9-11. Qamkunaqa uyarirqankichikchá judiokunapa yachachikuyninta kasu-kuspay ñawpaqta imaynam kawsas-qayta. Chaynataq Diospa iglesianku-nata imaynam qatikachaspay chinkachiy munasqaytapas. 14#Hch 22.3.Judiokunapa yachachikuyninkunata kasukuypiqa wiñaymasiykunatapas llalliqraqmi kani. Allinpaq hapispaymi ñawpaq taytaykunapa costumbrenkunatapas cumpliq kani. 15#Hch 9.3-6; 22.6-10; 26.13-18.Aswanqa manaraq nacechkaptiymi munasqanman hina Dios sapaqchawarqa hinaspam llumpay kuyakuyninwan qayaykuwarqa. 16Churin Jesucristotam reqsiykachiwarqa mana judío kaqkunamanpas allin noticiata willakamunaypaq. Jesucristomanta yachanaypaqqa manam ima runatapas tapurqanichu, 17manataqmi Jerusalentapas ñoqamanta punta kaq apostolkuna tapukuqpas rirqanichu. Aswanqa Arabia lawman pasakuspaymi unaymantaña Damasco llaqtaman kutimurqani.
18 #
Hch 9.26-30. Kimsa watamantañam Jerusalén llaqtaman rirqani, Pedrowan reqsinakamunaypaq, chaymi chunka pichqayuq punchaw paywan karqani. 19Wakin apostolkunawanmi ichaqa mana tuparqanichu, aswanqa Jesuspa wawqen Jacobollawanmi. 20Kay qellqamusqaypa cheqap kasqantaqa Diosmi yachan, manam llullakunichu.
21Jerusalenmanta lloqsispayñataqmi Siria lawman hinaspa Cilicia lawman pasakurqani. 22Judea lawpi Cristoman iñiqkunaqa manam kikiytapuniqa reqsiwarqakuchu. 23Paykunaqa ñoqamanta uyarispam nirqaku:
“Ñawpaq qatikachawaqninchik Pablom kunanqa Jesucristomanta yachachispaña purichkan, paymi ñawpaqta chinkachiyta munawarqanchik”, nispanku. 24Chayta yacharuspankum, ñoqamanta Diosta hatuncharqaku.
Currently Selected:
Gálatas 1: RCQ12
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa - La Biblia en Quechua de Ayacucho - Edición Revisada © Peruvian Bible Society, 2012
