Efesios 2
2
Diospa kuyakuyninraykulla salvasqa kanamanta
1 #
Col 2.13. Huchaykichikrayku wañusqa hina kachkaptikichikmi Diosqa kawsarichisurqankichik. 2Wañusqa hinaqa karqankichik kay pachapi mana allin ruwaqkunata qatipakuspaykichikmi hinaspa tutayaypi munaychakuq man allin espiritupa kamachisqanta kasukuspaykichikmi. Kunanpas chay mana allin espirituqa Diosta mana kasukuqkunapim munay-chakuchkan.
3Ñawpaqtaqa lliwmi ñoqanchikpas kawsarqanchik mana allin piensasqanchikkunaman hina munasqallanchikpi purikuspa hinaspa aychapa munasqallanta ruwaspa, chayraykum llapa runakunawan kuska castigopaqña karqanchik. 4Ichaqa llakipayakuq Diosmi llumpayta kuyawaspanchik, 5huchanchikrayku wañusqa hina kachkaptinchikpas Jesucristotawan kuskatam kawsariykachiwanchik. Chaynaqa, kuyakuyninraykullam Diosqa salvaykusurqankichik.
6Diosqa Jesucristotawan kuskatam kawsariykachiwanchik, chaynataqmi hanaq pachapipas paywan kuskata tiyaykachiwanchikña. 7Chaynataqa ruwarqa ancha-ancha kuyakuq kasqanta hinaspa maynatam kuyawasqanchikta Cristo Jesuswan hamuq tiempokunapi qawachikunanpaqmi. 8Kuyakuyninraykulla iñiptikichikmi Diosqa salvaykusurqankichik, chayqa manam qamkunamantachu aswanqa Diospa mana imallapaq qosusqaykichikmi. 9Salvasqaqa kankichik manam imapas ruwasqaykichikraykuchu, chaynapi mana pipas alabakunanpaq.
10Diospa ruwasqanmi kanchik, paymi unanchawarqanchik Cristo Jesuswan huklla kaspa allinkunata ruwananchikpaq, chaykunataqa Diosmi ñawpaqmantaraq ruwarqaña chayman hina kawsananchikpaq.
Cristopa Dioswan allinyanachiwasqanchikmanta
11Chaynaqa, mana judío kaqkuna, imaynam ñawpaq tiempopi kasqaykichiktayá yuyariychik. Qari kayninpi señalasqa judiokunam qamkunata nisurqankichik: “Mana señalasqakuna”, nispanku.
12Chay tiempokunapiqa Cristomanta karunchasqa kaspam Israel ayllumantapas rakisqa karqankichik, manam yacharqankichikchu pactota ruwaspan Diospa prometekusqantapas. Kay pachapim mana Diosniyuq hinaspa mana paypi suyaspa kawsarqankichik.
13Kunanmi ichaqa Jesucristoman hukllawasqaña kachkanchik yawarnin chaqchusqanrayku. Qamkunam ñaw-paqtaqa karupi karqankichik, kunan-mi ichaqa hichpallanpiña kachkan-kichik. 14Cristollam hawkayay apamu-waqninchikqa, paymi rakiwaqninchik perqata tuñirachispan judiokunatawan mana judío kaqkunata hukllawaruwanchik. 15#Col 2.14.Judiokunaman ñawpaq leykuna qosqantam, Señorninchik Jesucristo wañuspan mana valeqpaqña ruwarun, chaynapim judiokunatapas hinaspa mana judío kaqkunatapas kikinmanña asuykachispan musoq ayllutaña ruwarun. Chaynatam paykunamanqa hawkayayta qorqa.
16 #
Col 1.20. Cristom cruzpi wañusqanwan Dios-wan allinyanachispan iskaynin llaqtakunata hukllamanña huñururqa, chaynataqa ruwarqa cheqninakusqankuta pasaypaqta chinkachispanmi.
17 #
Is 57.19. Cristom hamuspan hawkayay allin noticiata willasurqankichik, Diosmanta karupi kaqkunamanpas chaynataq hichpapi kaqkunamanpas. 18Chaynaqa, Cristontakamallam judío kaspapas mana judío kaspapas kikin Espiritupa yanapakuyninwan Dios Taytaman asuy-kunchik.
19Qamkunaqa manañam huklaw llaqtayuq forasterokuna hinañachu kankichik, qamkunaqa Diosllapaqña kawsaqkunapa llaqtamasinñam hinaspa Diospa ayllunñam kankichik.
20Qamkunaqa apostolkunapa hinaspa profetakunapa hawanpi perqasqa wasi hinam kankichik, chay cimientopa esquinanpi hapiq rumiñataqmi kikin Jesucristo. 21Paypim chay wasiqa allin hatarichisqa kachkan, chaynapi Señorpaq sapaqchasqan templo kanankukama.
22Cristopim qamkunapas perqasqa hina paywan hukllawasqa kachkankichik, chaypim Diosqa Espirituntakama yachachkan.
Currently Selected:
Efesios 2: RCQ12
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa - La Biblia en Quechua de Ayacucho - Edición Revisada © Peruvian Bible Society, 2012
