Colosenses 4
4
1 #
Ef 6.9. Patronkuna, qamkunapas esclavoykichikmanyá imam kaqta qopuychik, yachasqaykichikpi hinapas qamkunapapas hanaq pachapim kamachiqnikichik kachkan.
2Ama pisipaspayá Diosta mañakuychik, rikchan-rikchanlla kaspayá graciasta qoychik. 3Mañakuychiktaqyá ñoqaykupaqpas, punkuta Señorninchik kichananpaq, chaynapi Cristomanta pakasqa allin noticianta willakamunaykupaq, chayraykum ñoqapas preso kachkani. 4Chaynataqyá Diosta mañakuychik imam kaqta paymanta willakunaypaq.
5 #
Ef 5.16. Mana iñiq runakunapa qayllanpipas yachaywanyá kawsaychik, tiempoykichiktapas ama usuchispa. 6Rimasqaykichikpas kachiwan kachichasqa hinayá kachun, chaynapim yachankichik sapakamaman imaynam contestayta.
Cartapa tukuyninmanta
7 #
Hch 20.4; 2~Ti 4.12. #
Ef 6.21-22. Kuyasqanchik wawqenchik Tiquicom willasunkichik imaynam ñoqa kasqaymanta, paymi mana saqewaspa yanapawarqa, hinaspam ñoqawan kuska Señorninchikta servirqa. 8Chaymi imaynam kasqaykumanta willasunaykichikpaq qamkunaman kachamuni hinaspa qamkunata kallpanchasunaykichikpaq. 9#Flm 10-12.Paywantaqmi hamuchkan Señorpi allin takyaq kuyasqanchik wawqenchik Onesimopas, payqa llaqtamasikichikmi. Paykunam willasunkichik kaypi tukuy ima pasakusqanmanta.
10 #
Hch 19.29; 27.2; Flm 24. #
Hch 12.12, 25; 13.13; 15.37-39. Carcelpi presomasiy Aristarcom rimaykamusunkichik, rimaykamusunkichiktaqmi Bernabeypa primon Marcospas. Qamkunam paymanta kamachisqayta chaskirqankichik, sichum watukamusuptikichikqa allinllatayá chaskiykuychik. 11Rimaykamusunkichiktaqmi Jesuspas, paypa huknin sutinqa Justom. Payku-nallam judiokunamanta iñiqkunaqa yanapawarqaku Diosninchikpa munaychakusqanmanta willakuptiy, paykunam ñoqataqa kallpanchawarqa. 12#Col 1.7; Flm 23.Rimaykamusunkichiktaqmi Señorninchikta serviq llaqtamasikichik Epafraspas, paymi tukuy tiempo qamkunapaq tukuy sonqonwan Diosta mañakuchkan, Diospa munasqanman hina allinta sayanaykichikpaq, chaynapi ima kaqpipas Diosman hapipakunaykichikpaq. 13Ñoqam yachani imaynam Epafrasqa qamkunamanta llumpayta llakikusqanta, yachanitaqmi Laodicea llaqtapi kaq-kunapaqpas hinaspa Hierápolis llaq-tapi kaqkunapaqpas llamkasqanmanta. 14#2~Ti 4.11; Flm 24.#2~Ti 4.10; Flm 24.Rimaykamusunkichiktaqmi kuyasqanchik doctor Lucaspas chaynataq wawqenchik Demaspas.
15Ñoqapa parteymantapas rimay-kapuwaychikyá Laodiceapi kaq wawqe-paninchikkunata. Rimaykuychiktaqyá Ninfastawan wasinpi huñunakuqkunatapas. 16Kay cartata leeykuspaykichikyá Laodiceapi kaq wawqe-panikunaman apachiychik, paykunapas leenankupaq. 17#Flm 2.Wawqenchik Arquipotapas niychiktaqyá Señorninchik Jesucristopa kamachisqanta paypa sutinpi ruwayman churananpaq.
18Ñoqa Pablom makiywanpuni kay rimakuykuyta qellqamuykichik. Yuyariychikyá carcelpi kasqayta. Diosninchikyá kuyakuyninta qamkunaman chaqchurimuchun. Amén.
Currently Selected:
Colosenses 4: RCQ12
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa - La Biblia en Quechua de Ayacucho - Edición Revisada © Peruvian Bible Society, 2012
