2~Pedro 3
3
Señorpa kutimunanmanta
1Kuyasqay wawqe-panillaykuna, kaywanqa iskay cartatañam apachimuykichik, kay cartakunawanmi allin tanteoyuq kanaykichikpaq kallpanchamuykichik. 2Profetakunapa nisusqaykichikta hinaspa salvaqninchik Señorpa kamachikuyninmanta apostolkunapa yachachisusqaykichiktayá yuyariychik.
3 #
Jud 18. Tukuymanta llalliriqtaqa kaytayá yachaychik: Qepa punchawkunatam hamunqaku burlakuqkuna hinaspa aychankupa munasqallanpi purikuq runakuna, 4paykunam asikuspa tapukunqaku:
Cristom hamunanpaq prometekurqa, ¿maytaq hamunchu? Ñawpaq taytanchikkunapa wañukusqanmantaraqmi tukuy imapas hina kaqlla kachkan, chaynaqa kachkan kay pacha unanchasqa kasqanmantaraqmi, nispanku.
5 #
Gn 1.6-8. Paykunaqa llullankutam mana yachayta munankuchu, Diospa rimariy-llanwan hanaq pachaqa ñawpaq tiem-popi unanchasqa kasqanta chaynataq kay pachapas yakullamanta rikurichisqanta hinaspa yakupa chawpinpi takyachisqantapas. 6#Gn 7.11.Sinchi parawanmi kay pachaqa chinkachisqa karqa. 7Kunan kaq cielokunawan kay pachaqa, Diospa rimarisqanman hinam juicio punchawpi ninawan tukusqa kananpaq waqaychasqa kachkan, chaypitaqmi huchasapa runakunapas chinkachisqa kanqaku.
8 #
Sal 90.4. Kuyasqay wawqe-panillaykuna, kaytaqa amayá qonqaychikchu: Señor-paqqa waranqa watam huk punchaw hinalla, huk punchawñataqmi waranqa wata hina. 9Manam wakinkunapa nisqanpi hinachu Señorqa imam promesantaqa unachimuchkan, aswanqa mayqanllaykichikpas mana chinkanaykichikta munaspam. Chaynataqa pacienciakun llapallaykichik Señorman kutirikunaykichikta munaspam.
10 #
Mt 24.43; Lc 12.39; 1~Ts 5.2; Ap 16.15. Señorpa punchawninqa hamunqa, tutallan hamuchkaq suwa hinam, chay punchawmi cielokunapas qapariywan chinkanqa, haykam chaypi kaqkunapas kañasqam kanqa, kay pachapi kaqkunapas tukuy imantinmi rupanqa.
11Sichum tukuy imakunapas chayna chinkachisqa kanan kachkaptinqa, ¿imanasqamá manaqa chuya sonqochu kawsachwan? 12Diospa punchawnin chayamunanta chaylla suyaychik, chay punchawmi cielokuna ninawan kañasqa kanqa, tukuy imapas rupaywanmi chullunqa. 13#Is 65.17; 66.22; Ap 21.1.Ñoqanchikmi ichaqa suyachkanchik Diospa prometewasqanchik musoq cielokunatawan musoq allpata, chaypim ichaqa tukuy imapas allin arregloman hina ruwasqa kanqa.
14Kuyasqay wawqe-panillaykuna, kaykunata suyachkaspaqa utqaymanyá huchaykichikmanta chuyanchakuychik, chaynapi Diospas mana huchayuqta hinaspa hawkayaypi kachkaqta tari-musunaykichikpaq. 15Amayá qonqay-chikchu, Señorninchikpa paciencianqa salvawananchikpaqmi. Chaynatam kuyasqa wawqenchik Pablopas qellqamusurqankichik Diospa yachay qosqanman hina. 16Paymi llapallan cartankunapi chaykunataqa rimarimusurqankichikña, wakinkunaqa sasa entiendenam. Chaykunatam mana yachayniyuqkunaqa hinaspa pisi iñiyniyuqkunaqa qewirunku, imaynam wakin Qellqakunata qewirusqankuta hina, chaytaqa ruwanku kikillankupa chinkayninkupaqmi.
17Kuyasqay wawqe-panillaykuna, ñawpaqmantaraq kaykunata yachach-kaspaqa cuidakuychikyá mana allin runakuna pantachisunaykichikmanta, chaynapi qaqa hina sayasqaykichikmanta ama wichirunaykichikpaq. 18Aswanqa salvaqninchik Señor Jesucristopa kuyakuyninpi wiñaspayá aswan-aswan payta reqsiychik. ¡Paytayá kunanmanta wiña-wiñaykama yupaychasun! Amén.
Currently Selected:
2~Pedro 3: RCQ12
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa - La Biblia en Quechua de Ayacucho - Edición Revisada © Peruvian Bible Society, 2012
