2~Corintios 2
2
1Mana llakichinaypaqmi qamkunaman huktawan kutimuytaqa mana munarqanichu. 2Qamkunata llakirachiptiyqa, ¿pitaq ñoqataqa kusichiwanman? Llakichisqaykunallam kusichiqniyqa kankichik. 3Chayraykum qellqamurqaykichik chayamuptiy kusichiwanaykichikpaq manam llakichiwanaykichikpaqchu. Piensarqanim ñoqa kusisqa kaptiyqa llapallaykichik kusisqa kanaykichikta. 4Punta kaq cartata qellqamuspayqa, sonqoypi hukmanyasqa ancha llakisqa hinaspa weqe ñawintinmi qamkunaman qellqamurqaykichik, ichaqa manam llakisqa kanaykichikpaqchu, aswanqa llumpay kuyasqayta yachanaykichikpaqmi.
Pablopa pampachasqanmanta
5Pipas llakichiwaqniyqa manam ñoqallatachu llakichiwan, allinlla rimaypiqa qamkunatapas llapallaykichiktam llakichisunkichik. 6Llapallaykichikpa chay runa corregisqaykichikqa allinmi, chayllapaqñayá kachun.
7Chaynaqa, pampachaykuspayá kall-panchaykuychik, manaña llakipa intus-qa kananpaq. 8Chaymi ruegakuykichik payman kuyakuynikichikta qawachi-naykichikpaq.
9Kay asuntomantaqa ñawpaqmantaraqmi qellqamurqaykichikña, chay-napi kasukuq kasqaykichiktapas otaq mana kasukuq kasqaykichiktapas yachanaypaq. 10Pitapas pampachasqaykichiktaqa ñoqapas pampachanim, pitapas pampachaspayqa Cristopa qayllanpim qamkunarayku pampacharqani, 11chaynapi Satanaspas mana vencewananchikpaq, ñoqanchikqa yachanchikmi payqa pantachikuqllaña kasqanta.
Troas llaqtapi Pablo llakisqallaña kasqanmanta
12 #
Hch 20.1. Troas llaqtaman Cristomanta allin noticiata willakuq chayaruptiymi, punkukuna kichakuykurqa Señorpa obranpi llamkanaypaq. 13Sonqoymi ichaqa mana hawkachu karqa wawqenchik Titota mana tarisqayrayku, chayraykum paykunamanta despedikuykuspay Macedonia lawman pasakurqani.
Cristopa yanapakuyninwan vencenamanta
14Ichaqa Diosmanyá gracias kachun Cristo Jesuspi vencechiwasqanchikmanta. Paymi ñoqanchiktakama perfumeta hina yachayninta tukuy hinastinman cheqechin. 15Ñoqanchikqa Diospaqqa Cristopa miskillaña asnariynin hinam kanchik salvasqakuna ukupiqa, 16chinkasqakunapaqmi ichaqa wañunankupaq wañuchikuq asnay hina, salvakuqpaqñataqmi kawsay qokuq asnariy hina. ¿Pitaq kachkan kayta ruwananpaq hinaqa? 17Ñoqaykuqa manam wakinkuna hinachu Diospa palabran willakusqaykuwan negociota ruwaniku. Aswanqa Cristopi kaspam cheqapta rimaniku Diospa qayllanpi hinaspa paypa kachasqankuna hina.
Currently Selected:
2~Corintios 2: RCQ12
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa - La Biblia en Quechua de Ayacucho - Edición Revisada © Peruvian Bible Society, 2012
