1~Tesalonicenses 5
5
1Wawqe-panillaykuna, tiempokunamantawan punchawkunamanta qellqamunaytaqa manam necesitankichikñachu. 2#Mt 24.43; Lc 12.39; 2~Pe 3.10.Yachasqaykichikpi hinapas mana yachasqanchik punchawpim Señorqa hamunqa, payqa hamunqa tutallan suwa hamuchkaq hinam. 3Hawkam, segurom kachkanchik, nispa, runakuna nichkaptinkum qonqayllamanta paykunaman hatun sasachakuy chayaramunqa, dolorwan hapichikuq warmi hinam kanqaku, manam lluptinqakuchu.
4Wawqe-panillaykuna, qamkunaqa manam tutapichu kachkankichik, Señorpa hamunan punchaw suwa hina tarimusunaykichikpaqa. 5Qamkunaqa achkiypa hinaspa punchawpa churinkunam kankichik, manam tutayaymanta kaqchu.
6Chaynaqa, amayá wakinkuna hinachu puñusun, aswanqa rikchan-rikchanllayá kasun. 7Puñuqkunaqa tutam puñunku, sinkaqkunapas tutataqmi sinkanku.
8 #
Is 59.17. Punchawmanta kaqkunaqa cuidakusunchik, soldadopa qasqon harkaqwan churakuq hinayá iñiyninchikwan chaynataq kuyakuyninchikwan harkachikusun, salvasqa kasqanchikyá harkawaqninchik casconchik kachun.
9Diosqa manam castigopaqchu churawarqanchik, aswanqa Jesucristontakama salvasqa kananchikpaqmi. 10Jesucristom ñoqanchikrayku wañurqa, chaynapi kawsaspapas otaq wañuspapas paywan kuska kananchikpaq.
11Chaynaqa, kunan ruwasqaykichikpi hinayá kallpanchanakuychik hinaspa yanapanakuychik.
Iñiqkunata Pablo kallpanchasqanmanta
12Wawqe-panillaykuna, ruegakamuy-kichikmi qamkuna ukupi llamkaqkunapaqyá reqsikuynikichik kachun, paykunaqa Señorpa rantinpim kama-chisuchkankichik hinaspa conseja-suchkankichik. 13Paykunataqa llam-kasqankuraykuyá sinchita kuyaychik. Qamkunapurapas hawkallayá kawsa-kuychik.
14Wawqe-panillaykuna, ruegakamuy-kikum qellakunatapas qaqchanaykichikpaq, hukmanyasqakunatapas kallpanchanaykichikpaq, mana kallpayuqkunatapas yanapanaykichikpaq hinaspa llapallanwanpas pacienciakunaykichikpaq.
15Amayá pipas mana allin ruwaqnintaqa mana allinwanqa kutichikuchunchu, qamkunapuraqa tukuy tiempoyá allin kaqkunata ruwaychik, chaynatayá llapallanwanpas ruwaychik.
16Tukuy tiempoyá kusisqa kaychik. 17Diostayá tukuy tiempo mañakuychik. 18Cristo Jesuspi kasqaykichikraykuyá tukuy imamanta Diosman graciasta qoychik, chaynatam Diosqa munan.
19Chuya Espiritutaqa amayá ama-chaychikchu. 20Amataqyá profeciakunatapas despreciaychikchu. 21Tukuy ima profetizasqankutapas pruebaspayá allin kaqta waqaychaychik, 22tukuy mana allin kaqkunamantayá raki-kuychik.
23Hawkayay qokuq kikin Diosnin-chikyá espirituykichikta, almaykichik-ta hinaspa cuerpoykichikta lliwta chuyanchachun, mana huchayuqta-ñayá waqaychasunkichik Señorninchik Jesucristo hamunankama. 24Qayasuq-nikichikqa confiakunapaqmi, chayraykum payqa kaykunata ruwan.
25Wawqe-panillaykuna, ñoqaykupaqpas Diostayá mañakuychik.
26Llapallan wawqe-paninchikkunatayá chuya muchakuywan rimaykuychik.
27Señorpa sutinpim kamachikichik, llapallan iñiqkunapaqyá kay cartata leeychik.
28Señorninchik Jesucristopa kuyakuyninyá qamkunawan kachun. Amén.
Currently Selected:
1~Tesalonicenses 5: RCQ12
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa - La Biblia en Quechua de Ayacucho - Edición Revisada © Peruvian Bible Society, 2012
