1~Juan 2
2
Abogadonchikqa Cristopuni kasqanmanta
1Kuyasqay churillaykuna, mana huchallikunaykichikpaqmi kaykunata qellqamuykichik. Sichum pipas huchallikuruptinqa Dios Taytanchikpa qayllanpi rimarinanpaqmi abogadonchik Jesucristo kapuwachkanchik. 2Paymi huchanchikrayku castigasqa kananchikmanta wañurqa, manataqmi ñoqallanchikpaqchu aswanqa kay pachapi llapallan runakunapaqwanmi.
3Kamachikuyninkunata kasukuspam yachanchik Dios reqsisqanchikta. 4Pipas: “Ñoqaqa Diosta reqsinim” nichkaspan, kamachikuyninkunata mana kasukuspanqa llullakuchkanmi, paypiqa cheqap kaqqa manam kanchu. 5Diospa palabrankunata kasukuspa waqaychaqpiqa Diospa kuyakuyninmi cheqapta qawachikun, chayraykum yachanchik Dioswan huklla kasqanchikta. 6“Dioswanmi hukllaña kachkani” niqqa Jesucristopa kawsasqanman hinam purinan.
Musoq kamachikuymanta
7 #
Jn 13.34. Kuyasqay wawqe-panillaykuna, manam musoq kamachikuytachu qellqamuchkaykichikqa, aswanqa ñawpaqmantaraq chaskisqaykichik kamachikuykunallatam. Chay ñawpaq kamachikuyqa uyarisqaykichik Diospa palabranmi. 8Chaywanpas, kay qellqamusqayqa musoq kamachikuymi, kayqa cheqapmi Cristopipas chaynataq qamkunapipas, tutayaymi pasachkanña cheqap achkiyñataqmi kanchaykamuchkanña.
9Sichum pipas ninqa “Achkiypim kachkani” nispa, ichaqa runamasintañataq cheqninqa hinaspaqa tuta-yaypiraqmi purichkan. 10Pipas iñiqmasinta kuyaqmi ichaqa achkiypi purichkan, payqa manam iñiqmasintaqa imawanpas huchallichinmanchu. 11Pipas iñiqmasinta cheqniqqa tutayaypiraqmi kawsachkan, payqa manam yachanchu mayman risqantapas, ñawinta tutayay ñawsayarachisqanrayku.
12Churillaykuna, qamkunamanmi qellqamuykichik Jesucristopa sutinpi huchaykichikkunata Dios pampachas-qanrayku.
13Tayta-mamakuna, qamkunamanmi qellqamuykichik qallariyninmanta kaqta reqsisqaykichikrayku.
Jovenkuna, qamkunamanmi qellqa-muykichik diablota vencerusqaykichi-krayku.
Churillaykuna, qamkunamanmi qellqa-muykichik Dios Taytanchikta reqsisqay-kichikrayku.
14Tayta-mamakuna, qamkunamanmi qellqamuykichik qallariyninmanta kaqta reqsisqaykichikrayku.
Jovenkuna, qamkunamanmi qellqa-muykichik qaqa hina sayasqaykichikrayku,
Diospa palabran sonqoykichikpi takya-chisqaykichikrayku hinaspa diablota vencesqaykichikrayku.
15Amayá kuyaychikchu kay pachapi mana allin ruwaykunataqa nitaq kay pachapi mana allin kaqkunatapas, chaykunata kuyaqqa manam Dios Taytataqa kuyanchu. 16Kay pachapi kaqkunaqa kaykunam: Aychapa mana allin munapayayninkuna, ñawipa munapayayninkuna hinaspa imapas kapuqniyuq kaspa hatunchakuykuna, kay mana allin ruwaykunaqa manam Dios Taytamantachu hamun, aswanqa kay pachapi kaqkunallamantam. 17Kay pachapi mana allin ruwaykunawan mana allin munaykunaqa tukuruqllam, Diospa munasqanta ruwaqmi ichaqa wiñaypaq kawsanqa.
Anticristomanta
18Kuyasqay churillaykuna, ñam tukupay tiempopiña kachkanchik. Anticristopa hamunanmantaqa ñam uyarirqankichikña, chaymi kunanqa achkallaña anticristokuna rikuriramunku, chaynapim yachanchik tukupay tiempoña kasqanta. 19Paykunaqa ñoqanchikmantam lloqsirunku, ichaqa manam ñoqanchik partechu karqaku, sichum ñoqanchik parte kaspankuqa ñoqanchikwanchá sayanmanku karqa. Paykunaqa lloqsirunku mana lliwchu iñiqmasinchik kasqanta yachanapaqmi.
20Qamkunamanmi ichaqa Chuya Espirituta Cristo qosurqankichik, chay-mi tukuy chaykunata yachankichik. 21Qellqamuchkaykichikqa manam cheqap kaqkunata mana yachasqaykichikraykuchu, aswanqa reqsisqaykichikraykum, yachas-qanchikpi hinapas llulla kaqkunaqa manam cheqapmantachu hamun.
22¿Pitaq chay llullaqa? “Jesusqa manam Cristochu” niqmi llullaqa. Payqa anticristom, payqa neganmi Dios Taytatapas chaynataq churin Jesucristotapas. 23“Jesucristoqa manam Diospa Churinchu” niq runapa sonqonpiqa manam Dios Taytapas kanchu. “Jesucristoqa Diospa Churinmi” niqkunapa sonqonpim ichaqa Dios Taytapas kachkan.
24Chaynaqa, ñawpaqmantaraq uyaris-qaykichik Diospa palabrantayá sonqoy-kichikpi takyachiychik. Sichum ñaw-paqmantaraq uyarisqaykichikkunata sonqoykichikpi waqaychaspaqa, Churin Jesucristopipas hinaspa Dios Taytapipas takyankichikmi. 25Cristopa prometewasqanchikqa wiñay kawsaymi.
26Qamkunata pantachiy munaqkunamantam qellqamuchkaykichikqa. 27Qamkunapim kachkan Jesucristopa qosusqaykichik Chuya Espíritu, chaymi mana necesitankichikchu pipas yacha-chisunaykichiktaqa. Qosusqaykichik Chuya Espiritum tukuy cheqap kaqkunata yachachisunkichik chayqa manam llullachu. Chaynaqa, yachachisusqaykichikman hinayá Cristopi takyaychik.
28Churillaykuna, kunanqa Jesucris-topiyá takyaychik chaynapi pay kutimuptin penqakuymanta ama ayqenanchikpaq. 29Jesucristoqa allinkuna ruwaq kasqanta yachaspaykichikqa, qamkunapas yachaychiktaqyá haykam allinkuna ruwaqkunaqa Jesucristomanta nacesqaña kasqankuta.
Currently Selected:
1~Juan 2: RCQ12
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa - La Biblia en Quechua de Ayacucho - Edición Revisada © Peruvian Bible Society, 2012
