1~Corintios 16
16
Iñiqkunapaq ofrendamanta
1 #
Ro 15.25-26. Galacia lawpi iglesiakunaman kamachisqaypi hinayá wawqe-panikunapaq ofrendaykichikta huñuychik. 2Sapakamayá ganasqaykichikman hina sapa domingo ofrendaykichikta huñuychik, chaynapi chayamuptiyraq ama huñuchkanaykichikpaq. 3Chayamuspayñataqmi ofrendaykichiktaqa cartantinta akllasqaykichik runakunawan Jerusalén llaqtaman apachisaq. 4Rinay kaptinqa ichaya ñoqapiwanpas rirusaqku.
Pablopa riy munasqanmanta
5 #
Hch 19.21. Hamuspayqa Macedonia lawninta muyuramuspam qamkunaman chaya-musaq. 6Yaqachusmi qamkunawan unayniqta kariyman, ichaya karuyman tukuy poqoy tiempopas, chaynapi mayta rinaypaqpas yanapaykuwanay-kichikpaq. 7Manam pasadalla qaway-kuytaqa munanichu, Señorninchik munaptinqa qamkunawan unay kaytam munani. 8#Lv 23.15-21; Dt 16.9-11.#Hch 19.8-10.Ichaqa Éfeso llaqtapim Pentecostés fiestakama kasaq. 9Contrapiña achka kachkaptinkupas Señormanta aswan masta willakunaypaqmi punku kichakuykun.
10 #
1~Co 4.17. Timoteo chayamusuptikichikqa allinllatam atiendeykunkichik, paypas ñoqa hinam Señorpa obranpi allinta llamkan. 11Chaynaqa, amayá pipas mana kaqpaqqa hapichunchu, yanapaykuspayá allinllata ñoqaman kutirichimuychik, wakin wawqeku-napiwanmi paytaqa suyachkaniku.
12Iñiqmasinchik Apolostaqa ruegarqanim wawqekunawan qamkunaman hamunanpaq, aswanqa manaraqmi hamuyta munarqachu, payqa tiempon kaptinñas hamunqa.
Saludokunamanta
13Rikchan-rikchanllayá kaychik, iñiynikichikpi qaqa hina sayaychik, qarinchakuspayá allinta kallpan-chakuychik. 14Kuyakuywanyá tukuy imatapas ruwaychik.
15 #
1~Co 1.16. Wawqe-paniykuna yachankichikmi, Estefanasqa wasinpi kaqkunapiwanmi Acaya lawpi puntallataraq Cristoman iñikurqaku, hinaspam iñiqkunata tukuy sonqowan servichkanku. 16Ruegakuy-kichikmi paykuna hina llapa yanapakuqkunata hinaspa llamkaqkunatapas kasukunaykichikta. 17Llumpaytam kusikuni Estefanaspa, Fortunatopa chayna-taq Ahaicopa hamusqanmanta, paykunam rantikichikpi yanapawarqaku. 18Paykunam sonqoyta kallpanchawarqa, chaynallataqmi qamkunatapas kallpanchasurqankichik, paykunapaqyá reqsikuynikichik kachun.
19 #
Hch 18.2. Asia lawpi iglesiakunam rimaykamusunkichik, Aquilawan Priscilapas wasinpi huñunakuq iñiqkunapiwanmi Señorpa sutinpi rimaykamusunkichik. 20Llapallan wawqe-panikunam rimaykamusunkichik. Lliwyá chuya muchakuywan huknikichikmanta huknikichikkama rimaykanakuychik.
21Ñoqa Pablom kikiypuni qellqamuspay rimaykamuykichik.
22Pipas Señor Jesucristota mana kuyaqqa ñakasqayá kachun. #16.22 Maranathaqa arameo rimaypi “Señorllayku hamuyña” ninanmi.¡Maranatha!
23Señor Jesucristopa kuyakuyninyá qamkunapi kachun. 24Llapallaykichiktam kuyaykichik Jesucristopa kuyakuyninwan. Amén.
Currently Selected:
1~Corintios 16: RCQ12
Highlight
Copy
Compare
Share
Want to have your highlights saved across all your devices? Sign up or sign in
Chuya Qellqa - La Biblia en Quechua de Ayacucho - Edición Revisada © Peruvian Bible Society, 2012
