رٛومَنْکٛعٜنْ حَبَرُ دٛوْ طٜرٜوٛلْ نغٛعٛلْ
حَبَرُ دٛوْ طٜرٜوٛلْ نغٛعٛلْ
بُلُسْ لِلَاطٛ يٜىٰسُ اَلْمَسِيحُ وِنْدَنِ تٛکُّٻٜ يٜىٰسُ وٛنْٻٜ غَرِيرِ رٛومَ طٜرٜوٛلْ نغٛعٛلْ؞ اٛ وِنْدِينغٛلْ دُوٻِ 75 غَطَ دَݧْنغٛلْ يٜىٰسُ؞ طُمْ غَطٛتٛوطُمْ اٛ وِنْدِي طٜرٜوٛلْ نغٛعٛلْ اٜ غَرِيرِ کٛرِنْتِ شَرٜلْ کٛ اٛ وَطِ يَادُ مَاکٛ تَتَوْرُ نغَمْ وَعَجِنْکِ؞
طٜرٜوٛلْ نغٛعٛلْ نغٛلْ وِنْدَا نغَمْ سِرْيَنَاکِ بُلُسْ لَاوٛلْ نغَمْ سُمْڤٛ نغٛ اٛ يِطِ يَارَنْکِ تٛکُّٻٜ يٜىٰسُ غٛنْٻٜ غَرِيرِ رٛومَ؞ کٛ اٛ يِطِ وَطُکِ وٛنِ اٛ حُوَ ندٜرْ تٛکُّٻٜ يٜىٰسُ غٛنْٻٜ رٛومَ نغَمْ شَرٜلْ سٜطَّ، ندٜنْ غَطَ مَاجُمْ، اٜ مٛ يِطِ ٻٜ مبَلَّمٛ نغَمْ اٛ حٜٻَ يَاکِ اَسْبَانِيَ؞ اٛ وِنْدُ طٜرٜوٛلْ نغٛعٛلْ نغَمْ اٛ حٛلَّ کٛ اٛ فَامِ دٛوْ حٛولَاکِ يٜىٰسُ اٜ نٛ حَانِ تٛکُّٻٜ يٜىٰسُ تٛکِّرَمٛ؞ غَطَ بُلُسْ حٛوْنِي تٛکُّٻٜ يٜىٰسُ غٛنْٻٜ غَرِيرِ رٛومَ، اٛ وِعِٻٜ نٛ اٛ وَطِرَنْتَٻٜ دٛعَارٜ؞ ندٜرْ طٜرٜوٛلْ نغٛعٛلْ بُلُسْ وِعِ، «حَبَرُ بٜلْطُمْ اٜ حٛلَّ اَادِلَاکُ اَللَّه کٜٻٜتٜىٰطُمْ بَرْکَ حٛولَاکِ يٜىٰسُ تَنْ؞»
اٜ رٜعِرْدٜ بُلُسْ وِنْدِي دٛوْ نٛ حَانِ تٛکُّٻٜ يٜىٰسُ نجٛوطٛرٛو، کٛ ٻُرِ مَا وٛنِ ٻٜ کٛلِّندِرَ يِدّٜ ندٜرْ سُمْڤٛوتِرْکِ مَٻّٜ اٜ وٛٻّٜ؞ اٛ مٜتِي دٛوْ حُوَنْکِ اَللَّه، اٜ نٛ حَانِ تٛکُّٻٜ يٜىٰسُ تٛکِّرَ اَرْدِيٻٜ، اٜ نٛ حَانِ تٛکُّٻٜ يٜىٰسُ نجٛوطٛرٛو حَکُّندٜ مَٻّٜ؞ اٛ يٛتِّنِ طٜرٜوٛلْ نغٛلْ اٜ حٛوْنُکِ بَنْدِرَاٻٜ اٜ مَنْتُکِ اَللَّه؞
Currently Selected:
رٛومَنْکٛعٜنْ حَبَرُ دٛوْ طٜرٜوٛلْ نغٛعٛلْ: fuv
Highlight
Copy
Compare
Share
Want to have your highlights saved across all your devices? Sign up or sign in
© 2011, Bible League, All rights reserved.