Abarooma 16

Amaheeso eyiri sya mulala-mulala

1Mbadahisa Fiibbi mboocho yeefwe, ohalaabanira mu bafukiiriri bamenya Kekerea. 2Mumwaakaanire mu liita ly'Omwaami, koti abaandu ba Nasaae bahoyere, haandi mumuberese obuhoonyi bwoosi bw'adaha ohutula yi muli; olwohuba omweene yesi yahahoonya abaandu baangi muno syesi ni ndi mulala hu nibo.

3 # Biho 18:2. Nduma amaheeso kaange eyiri Purisiila neende Akwiila, abahalaabani basyaange mu Kristo Yesu; 4abayaanayo obulamu bwaabwe hulwaange. Mbasiima muno haandi haba siniise syeeng'ene obeebasa, nae omukaanda kw'abafukiiriri Bateende kwoosi kubeebasa. 5Haandi nduma amaheeso kaange eyiri omukaanda kw'abafukiiriri okwebuusiraanga mu nyuumba yaabwe.

Nduma amaheeso kaange eyiri omwiicha waange Epaineto, oyo niye owataangira mu situundu sya Asia ohufukiirira mu Kristo. 6Nduma amaheeso eyiri Maria, owabahaalabanira muno. 7Haandi nduma amaheeso eyiri Andironiko neende Yunia; Abayudaaya basyaange abali mu jeela naange; bamanyihaane muno eyiri abatume, haandi beehola abafukiiriri ese nisisiiri.

8Nduma amaheeso kaange eyiri Amupiliato, omwiicha waange muno mu Omwaami. 9Haandi heesa Wuribbano, omuhalaabani wasyeefwe mu mulimo kwa Kristo, neende Sitaaki, omwiicha waange mukoosi. 10Amaheeso eyiri Apele, yi buwulisi bwae mu Kristo bumanyihaane bulai. Amaheeso eyiri abo ab'edaala lya Arisitobbulo. 11Amaheeso eyiri Herodioni, Omuyudaaya wasyaange, haandi eyiri abafukiiriri bomu daala lya Narikiso.

12Amaheeso kaange eyiri Turufena neende Turufoosa, abahalaabana mu mulimo kw'Omwaami, haandi eyiri Perisi, omwiicha waange muno, owahalaabanira muno Omwaami. 13#Mrk 15:21. Nduma amaheeso eyiri Rufusi, omuhalaabani omanyihaane mu mulimo kw'Omwaami, haandi eyiri ng'ina, ebiha byoosi owaanjira koti omwaana wae. 14Amaheeso kaange eyiri Asikuriito, Filegooni, Herume, Patiroobba, Herima, neende abafukiiriri baandi boosi ba bali nabo. 15Amaheeso eyiri, Filoloogo neende Julia, eyiri Nereyo neende mboochoong'ene, eyiri Olipa neende eyiri aboolerefu boosi ba bali nabo.

16Heesanie mu ngeri yeekesa ohuheerana hw'abeebulanwa. Abafukiiriri ba Kristo boosi babatumira amaheeso kaabwe.

Amakerako kamaliiriha

17Basyaange mbekweeda endi: mweliindeenge abo abaleeta ohukabuhana neende abanyaasa efukiirira y'abaandu, haandi abacha nibalwaania enjekesa yi mwanyoola. Mutabesudyaangaho! 18Olwohuba abaandu bahola ebiindu bifwaana bityo, haba sibahalaabanira Kristo Omwaami weefwe, nae bahalaabanira enda chaabwe abeene. Beehoonyera emboosi ndai neende ohwefumia, mani baabachirisa abaandu bataaliho omusaango. 19Buli muundu yamala ohuwulira obuwulisi bweeng'we eyiri Emboosi Ndai, mani hulwasino ndi omusangaafu muno hulweeng'we. 20Nasaae otuberesa omuleembe achia ohunyooba bwaangu muno Sitaani mu makulu keeng'we.

Embabaasi ch'Omwaami weefwe Yesu chibe naang'we.

21 # Biho 16:1. Timoteo, omuhalaabani wasyaange abatumira amaheeso; haandi Lusio, Yasooni, neende Sosipateeri.

22Ese Taasio, owahoonya Paulo ohwandiika ebbarwa yino, mbaheesa mu liita ly'Omwaami weefwe.

23 # Biho 19:29; 1 Kor 1:14; 2 Tim 4:20. Gaayo owaniinda, omweene daala li bafukiiriri bebuusiraangamo yesi abaheesa; Erasito, omubiihi w'esiko, neende owasyeefwe Kwaruto babaheesa. Ehabi ch'Omwaami weefwe Yesu Kristo chibe naang'we. Amiina. 24Leha embabaasi ch'Omwaami weefwe Yesu Kristo chibe naang'we mweesi. Amiina.

Esaala yimaliirihayo y'ohufumia Nasaae

25Lehe hufumie Nasaae! Onyala ohukera mwomiirira mu fukiirira yeeng'we, ohweema hu Mboosi Ndai yi ndabayaalira eyidiira hu Yesu Kristo neende ohweema hu humanyihana hw'esyaama sy'obwadyeeri esyali syakiswa emyaaka miingi ekyabitao. 26Nae bulaanu, obwadyeeri obwo bwamala ohumanyihana alafu ohubitira mu byandiiko by'abanabbi; neende ohulagira hwa Nasaae otaakama, esyaama esyo syamanyihana eyiri ebyaalo byoosi, hu baandu banyale ohufukiirira haandi ohuwulira.

27Lehe Nasaae mulala, yeeng'ene omanyire ebiindu byoosi, abereswe oluyaali ohubitira mu Yesu Kristo endaalo choosi! Amiina.

Currently Selected:

Abarooma 16: SAMIA

Highlight

Compare

Copy