Esabbuli EMANYISA
EMANYISA
Esitabo sy'Esabbuli sitabo sy'enyembo neende esaala chino chomu Ebbaibbo. Enyembo chino neende esaala chino, byandiikwa neende abaandu bakabuhaane mu biha bitali nasilala, byeemao byahung'aaniswa alala mani Abaisiraeli bachaaka ohubyehoonyera nibeenamira Nasaae waabwe. Nae ebiha nibyabitao, enyembo chino neende esaala chino byamala byabalirwa mu Byandiiko Byoolerefu byaabwe.
Engano nyimbikiti chidiira hu Nasaae chino chikabuhana muno; chiluwo enyembo chidiira hu hufumia neende ohwinaamira Nasaae; chiluwo esaala chisaba obuhoonyi, ohukaywa neende ohuwonisibwa; ohwekweeda Nasaae abaleheremo; enyembo ch'ohweebasa Nasaae hulw'ebiindu bilai byaabaholeere; neende ohwekweeda Nasaae asaandye abasuku baabwe. Ohusaba huno, ebiha biindi huba ohw'omuundu mulala, nae ebiha biindi huba ohw'esyaalo syoosi. Enyembo cheekesa ebibaaso bi muundu mulala ali nabyo, nae ebiha biindi ebibaaso by'abaandu ba Nasaae boosi bi bali nabyo.
Yesu yesi yehoonyera Esabbuli chino, koti lu bandiiki b'Endagaano Njaaha beekesa. Esitabo sy'Esabbuli syeehola esy'oluyaali muno mani abafukiiriri ba Kristo nibasyehoonyera nibekongooya ohutulira elalira mu njaako y'efukiirira.
Ebiri mu sitabo sino mu bwiimbikiti.
Esabbuli chino 150, chikabuhaniswamo mu mikaanda chitaanu, oba ebitabo bitaanu:
Esabbuli (1-41)
Esabbuli (42-72)
Esabbuli (73-89)
Esabbuli (90-106)
Esabbuli (107-150)
Currently Selected:
Esabbuli EMANYISA: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019