Esabbuli 78
78
Nasaae neende abaandu bae
1Muteke amatwi, eng'we abaandu baange, muwulire enjekesa yaange;
mutekeerese bi mboola!
2 #
Mat 13:35. Njia ohulomalomera mu ngaado.
Njia ohutuumbula enomanoma ya hale muno,
3ebiindu bi hwawulira haandi bi hwamanya hale,
bi baseefwe batuboola.
4Efwe haba sihuchia hubikisa abaana baabwe daawe,
nae huchia ohubiboolera oluse lwiicha
ebiholwa by'oluyaali by'Omwaami, neende obunyala bwae,
alala neende ebiwuukisa bi yahola.
5Yaberesa abeechuhulu ba Yakobbo ebilagiro.
Yataao amalako mu Yisiraeli.
Nihwo ohulagira bakuuka yeefwe
beekeseenga abaana baabwe.
6Oluse lwoosi oluloondaho lunyale ohukamanya,
haandi bosi bakeekese abaana baabwe babeebula;
banyale ohusiingiraanga mani baboolera abaana baabwe.
7Mani hu bosi banyale ohweesikaanga Nasaae,
mani hu bahaye ohwiibirira emirimo kya Nasaae,
nae baloondeenge amalako k'Omwaami.
8Bahayeenge ohuba koti bakuuka yaabwe,
aboomerana emyooyo mani nibajeema.
Abo abatoomiirira
mu hweesika Nasaae daawe,
haandi abataali neende obweesikwa eyiri Nasaae.
9Abefuraimu, abali neende obuyiingo,
baheengao ohukaluuhana bakobolayo hu ludaalo lw'ebiita.
10Bahaya ohuliinda endagaano ya Nasaae,
nae bajeemera amalako kae.
11Beebirira ebiindu bi yali niyahola,
neende eby'amayia bi yali n'abeekese.
12 #
Hut 7:8—12:32. Mu moni wa bakuuka yaabwe, nimwo mu yaholera ebiwuukisa,
mu syaalo sy'e Misiri, mu mikuunda kya Soani.
13 #
Hut 14:21,22. Yakabulamo enyaanja, mani nibabitamo akati.
Yeemesa amaachi mani kaaba koti egenya.
14 #
Hut 13:21,22. Mu sideete yabeemereraanga neende esireesi,
nae esiro syoosi yabeemiriraanga neende obulafu bw'omuliro kwaaduha.
15Yaataniamo enyaanda mu siparara,
mani yaababeresa amaachi k'ohung'wa ohutula ebusiba.
16 #
Hut 17:1-7; Hub 20:2-13. Yaholaanga emyaalo nikihulukusa ohutula mu lwaanda,
mani amaachi nikahulukusa koti emyaalo.
17Nae nibemeeda ohwonoona,
nibajeemera oyo Oli Aakulu Muno mu siparara.
18 #
Hut 16:2-15; Hub 11:4-23,31-35. Bateema Nasaae mu myooyo kyaabwe
nibamusaba ohubaberesa ebyohulya bi bali nibekoomba ohulya.
19Balomaloma hu Nasaae nibaboola bati,
“Mani Nasaae anyala ohutukabula ebyohulya mu siparara muno?
20Kata katyo, yahuya olwaanda mani nilusoohamo amaachi.
Amaachi kahulukusa emihula ky'amaani.
Haandi anyala ohutukabula emigaati kyosi,
oba yaleetera abaandu bae enyama?”
21Mani sakira, Omwaami niyawulira ebyo, etima lyamudiira;
mani n'ahubula omuliro hu beechuhulu ba Yakobbo,
etima lyae nilinioohera hu Yisiraeli.
22Olwohuba haba sibali nibafukiirira mu Nasaae daawe,
haandi sibeesika bati niye obawoonia.
23Nae kata katyo, yalagira lyomu bbanga,
mani niyeekulao emilyaango ky'ekulu;
24 #
Yow 6:31. n'abakwiisira mana balye,
haandi yababeresa emere ohutula muukulu.
25Abaandu baalya hu byohulya by'abamalaika;
bi yababeresa mani nibeekuta muno.
26Yaleeta omuyaka kwa buyaanja okutulira ebukwe, mani nikuwuucha muukulu,
mani amaani kakwo nikaleeta omuyaka kwa buyaanja ohutula niyehoonyera obunyala bwae, yeecha yaatusayo buyaanja ohutulira emwaalo.
27Yababeresa enyama eyahuhumuha koti olufu,
niko amayoni k'embaya akaba amaangi koti omusenye kwohu nyaanja.
28Yakera amayoni ako kwakwichaanga akatikaati w'ekaambi yaabwe,
ohwebodoohania eyeema chaabwe choosi.
29Mani abaandu nibalya, mani nibeekutira elalira,
olwohuba yababeresa esyo si bali nibekoomba.
30Nae bali nibasiilya,
haandi nibasisiiri neende amaofu.
31Nasaae mani n'abanyoolerera,
niyeetamo abo abali nibahiramo amaani boosi.
Yisiraeli n'afwiirwa abaraaga balai muno.
32Kata bino byoosi babibona, bemeeda ohwonoona;
kata nibabona ebiwuukisa byae, bahaya ohumufukiirira.
33Mani endaalo chaabwe chahamyuuhao koti omuuya,
haandi obulamu bwaabwe nibusihiriswa bwaangu mu hutya hw'amasira.
34Buli lu yeetangamo abaandu, abalamu bawonereo beyolobyaanga,
mani nibakobola aambi nae neende omwooyo mulala.
35Beechulisa bati Nasaae niye owali n'abaliinda,
Nasaae w'Aakulu Muno niye owali omununuli waabwe.
36Mu mboosi, bamukachuliraangaho;
nae bwali obubacha buhaya.
37 #
Biho 8:21. Emyooyo kyaabwe haba sikyali neende obweesikwa daawe;
haandi endagaano yae haba sibayiliindaanga daawe.
38Nae kata katyo, Nasaae nae olwohuba w'esisa niye,
yabaleheraangamo ebyonoono bwaabwe,
mani n'ahaya ohubasihirisa.
Amahabi maangi muno, yatuka etima lyae,
mani n'ahaya ohusiingisa obwaalaba bwae.
39Yeechulisa ati, abaandu b'ohufwa sa,
bali koti omuyaka kubita-bubita, okutakobola enyuma haandi daawe.
40Bamujeemera amahabi maangi nibali mu sichiimi
mani baamunyoolesa nibali mu siparara!
41Bamuteema amahabi-na-mahabi,
mani nibanyoolesa Omwoolerefu wa Yisiraeli.
42Beebirira obunyala bwae,
kata neende oludaalo lu yabanunuliraho ohutula mu basuku baabwe;
43koti lu yahola ebiwuukisa byae mu Misiri,
neende eby'amayia byae mu mikuunda kya Soani.
44 #
Hut 7:17-21. Yakaluuhania emyaalo kyaabwe kyaaba amabaanga.
Abamisiri nibahaywa amaachi kabanaang'we.
45 #
Hut 8:20-24;
Hut 8:1-6. Yabasiindihira ebidiiyiha by'esiiye, echabaluma muno,
neende eneenga echasihirisa esyaalo syaabwe.
46 #
Hut 10:12-15. Ehuungu chalya ebirime byaabwe,
haandi esike nichisihirisa emikuunda kyaabwe.
47 #
Hut 9:22-25. Yasihirisa emisabbiibbu kyaabwe neende amakina k'efula,
haandi neende emiseituuni kyaabwe neende omunyiti.
48Eng'oombe chaabwe yachiita neende amakina k'efula,
haandi ebyaayo byaabwe yabiita neende ehubba.
49Yakera beyendeherera muno,
n'ababwomoolaho etima lyae neende egiili lyae lyaalaba,
bi yabatumira koti bawamwaanda ohubasihirisa.
50Haba siyatuka etima lyae;
kata ohuleheramo obulamu bwaabwe daawe,
nae yabeeta neende oluumbe lubi.
51 #
Hut 12:29. Yeeta abaana baamberi boosi mu Misiri,
abahiramo amaani mu daala lya Haamu.#78:51 Haamu: niyo engeri yiindi y'ohulaanga Misiri.
52 #
Hut 13:17-22. Ao mani niyeemerera abaandu bae koti amakoondi,
haandi n'abeemereramo koti ebyaayo byae ababise mu sichiimi.
53 #
Hut 14:26-28. Yabeemerera bulai, baahaya ohuba neende obuti.
Nae enyaanja niyimira abasuku baabwe.
54 #
Hut 15:17; Yos 3:14-17. Mani abaandu bae n'aboosa mu syaalo syae syoolerefu,
hu lugulu lu muhono kwae muluungi kwayiingira.
55 #
Yos 11:16-23. Abaandu bae niboola, yeerusa mu syaalo esyo abaandu bali nibamenyamo,
yabakabulamo esyaalo syaabwe, mani yaasiberesa enono cha Yisiraeli,
enyuumba chaabwe yachiberesa abaandu bae.
56 #
Bak 2:11-15. Nae nibateema haandi nibajeemera Nasaae w'Aakulu Muno,
haandi nibahaya ohudiira ebilagiro byae.
57Nae nibafudata haandi nibahola obubi koti lu bakuuka yaabwe bahola;
nibahaya ohweesikwa koti oluyiingo lweekodere.
58Bamunyoolesa olwohuba abuundu waabwe wohwiinamiramo ataali awoolerefu;
nibamudiisa etima liingi hulw'ebiloongaloongwe byaabwe.
59Nasaae niyabona ebyo, yanyoolera muno,
mani niyebwaabira elalira abaandu ba Yisiraeli.
60 #
Yos 18:1; Yer 7:12-14; 26:6. Sakira yatula mu yeema lyae elyali mu Silo,
eyeema li yamenyaangamo naali alala nabo.
61 #
1 Sam 4:4-22. Yafukiirira abasuku beefwe ohuwaamba Esanduuku ly'Endagaano,
esilolero syeekesa obunyala bwae neende oluyaali lwae.
62Yanyoolerera abaandu bae beene,
mani n'abaleha beetwe neende olugaanga.
63Omuliro kweeta abaraaga baabwe,
mani abahaana baabwe nibahaywa abanaabadeehye.
64Abalaamisi baabwe beetwa neende olugaanga,
mani abahasi baabwe balehwa nibatafukiirirwa ohubalira daawe.
65Mani Omwaami n'aba koti osimuha ohutula mu ndoolo,
koti omusaacha w'amaani ohuumula n'ameerere amalwa.
66Mani niyeerusa abasuku bae, nibakobola enyuma;
n'abadiisa esoni chitaakama chitawaao daawe.
67Yebwaaba abeechuhulu ba Yosefu,
n'ahaya ohudoola enono ya Efuraimu.
68Nae yadoola enono ya Yuda,
Olugulu lwa Siyooni, nilwo lu yadaha.
69Yoombahaho Enyuumba Njoolerefu,
yayomiisa yaaba koti esyaalo syeene, ohuyiindira endaalo choosi pe.
70 #
1 Sam 16:11,12; 2 Sam 7:8; 1 Biha 17:7. Yadoola omuhalaabani wae Daudi,
yi yatusa mu lwaayiro y'amakoondi;
71niyaaya amakoondi madwaasi
ohuba omwaayi w'abeechuhulu ba Yakobbo,
Abaisiraeli abaandu bae.
72Yabaliinda neende omwooyo muluungifu,
haandi yabatuka neende amakesi.
©Bible Society of Kenya, 2019
©Bible Society of Uganda, 2019