Esabbuli 6
6
Esaala y'ohusaba obuhoonyi mu biha by'ebidinyu
1 #
Sab 38:1. Ewe Omwaami, mu tima lyao otaanjoloobya daawe,
oba wasaandya mu bwaalaba bwao
2Ewe Omwaami, ngwiire esisa, olwohuba ndi mubuchuuni;
ewe Omwaami, monie, olwohuba amakuumba kaange kahinaakiriha.
3Obulamu bwaange bwelalihirifu muno.
Nae ewe Omwaami, wahaliinde ohwoola liina n'otaahoonya?
4Ewe Omwaami, kaluuhana mani owonie obulamu bwaange;
monie ohweema hu buheeri bwao butaakama.
5Olwohuba emakoombe yibulayo ohwiichulisa;
emakoombe yibulayo ohufumia.
6Ese njoong'ere neende ohweelira;
buli siro ndosa obuliri bwaange neende amasika;
ndosa esyeyikiho syaange neende amasika.
7Emoni chaange chooboohe hulw'esibeera;
chiwofula hulw'ebidinyu byaange.
8 #
Mat 7:23; Luk 13:27. Mumbweere-eyi, eng'we abahola-mbi mweesi;
olwohuba Omwaami amalire ohuwulira ekono ly'ohulira hwaange.
9Omwaami amalire ohuwulira amaliro kaange,
Omwaami afukiriire ohusaba hwaange.
10Abasuku baange boosi bachia ohudiirwa esoni haandi basaande muno;
bachia ohusuda enyuma mani badiirwe esoni mu siha syeene esyo.
Currently Selected:
Esabbuli 6: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
