Esabbuli 149
149
Olweembo lw'ohukinia
1Kinie Omwaami!
Mweembere Omwaami olweembo luyaaha;
mumukinie mu lwiichuule lw'abaandu bae beesikwa!
2Leha Yisiraeli asangaale hulw'ebyo bi muloongi wao yahola.
Eng'we abaandu ba Siyooni, musangaalire omutuki weeng'we!
3Kinie eliita lyae nimuhina;
nimuhubba eng'oma neende obuhana.
4Olwohuba Omwaami asangaalira abaandu bae;
yeesa oluyaali mu baloonga mani n'ababeresa ohuyiingira.
5Lehe abaandu beesika Omwaami basangaale muno, olwohuba bayiingiire;
lehe beembe nibali hu buliri hulw'esaangaalo.
6Lehe beembere mu kono ly'aakulu nibakinia Nasaae,
nibadiirire engaanga njoki mu mahono
7nibaseeta ohwetuunga hu ebyaalo,
haandi neende ohusaandya abaandu baandi;
8ohuboya abatuki baabwe neende eminyororo,
haandi neende ohuboya abeemirisi baabwe neende epiingo;
9hu banyale ohwooseresa eheenga y'emisaango eyabateerwao.
Olwo nilwo oluyaali lw'abeesikwa bae.
Kinie Omwaami!
©Bible Society of Kenya, 2019
©Bible Society of Uganda, 2019