Esabbuli 14
14
Obubi bw'abaandu
1 #
Rom 3:10-12. Abasirusiru baboola mu myooyo kyaabwe bati, “Nasaae haba saaliwo.”
Baliichaki nibo, haandi bahola ebiindu by'esifwaabi,
abulao omuundu yeesi ohola esilai.
2Omwaami atingaala abaandu n'ali Muukulu,
ohubona n'aluwo hooho omuundu ohola ebiindu by'amakesi,
oyo okoonya Nasaae.
3Nae boosi bamala ohukota, boosi baliichaki nasilala;
abulao omuundu yeesi ohola esilai,
haba daawe, kata mulala.
4Obaasa oti abo boosi abahola-mbi haba sibali neende amakesi,
abo abasihirisa abaandu baange koti lu bahalya obusuma babumalao,
haandi abahaya ohwiinamiraanga Nasaae?
5Ebweene eyo niyo yi bachia ohukwiira mu masira maangi,
olwohuba Nasaae ali neende olwiibulo lw'abaluungifu.
6Munyala ohudoondobania endekeha ch'omumanani,
nae Omwaami niye obwiiruhiro bwae.
7Eee, obuwonia bwa Yisiraeli buba nibwatulira mu Siyooni!
Omwaami niyahakobosere abaandu bae ehabi,
Yakobbo yahasangaale, Yisiraeli yaheehoye.
Currently Selected:
Esabbuli 14: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
