Ohubala 29
29
Ebiyaanwa biba hu sidyaalo sy'omwaaka muyaaha
(Lef 23:23-25)
1Hu ludaalo lutaangira olw'omwoosi kwa hataanu-na-habiri muhoyere ohwebusaanga alala ohwiinamira Nasaae, mani abulao omulimo kwoosi okuhoyere ohuholwa. Hu ludaalo olwo, eturumbete chihoyere ohuubbwa. 2Yireenge esiyaanwa sisaambwa eyiri Omwaami, esaami yimusangaasa: eng'oombe surusi njere ndala, ekoondi emiiku lala, neende amakoondi mayere kataanu-na-kabiri amayere, amasaacha ak'omwaaka mulala obuhuluundu, bino byoosi nibibulaho obufwoolwa bwoosi. 3Yaneenge esiyaanwa sihoyera esy'emere esy'obusye busaasaniiswe neende amafuta k'enaasi: ekiloguraamu chidatu ech'obusye echichiira hu ng'oombe surusi ndala, ekiloguraamu chibiri hu koondi miiku lala, 4neende ekiloguraamu ndala niyichiira hu buli koondi yere. 5Haandi yaneenge embusi hole ndala koti esiyaanwa sy'esyonoono, mani mu ngira yino, muholaanga omuduunga kw'ohulabisibwa hulw'abaandu. 6Yaneenge bino byoosi ohumeeda hu esiyaanwa sisaambwa sya buli nyaanga sy'emere haandi neende esiyaanwa sy'efiini. Ebiyaanwa by'ebyohulya bino, nibyo eby'esaami yisangaasa Omwaami.
Ebiyaanwa biba hu sidyaalo sy'ohusaasania
(Lef 23:26-32)
7 #
Lef 16:29-34. Mwebuuseenge ohwiinamira Omwaami hu ludaalo lw'ehumi, mw'omwoosi kwa hataanu-na-habiri; mutalichaangaho esyohulya syoosi, haandi mutaholaangaho omulimo kwoosi daawe. 8Yaneenge esiyaanwa sisaambwa eyiri Omwaami, esaami yimusangaasa: eng'oombe surusi njere ndala, ekoondi emiiku lala, neende amakoondi mayere kataanu-na-kabiri amasaacha ak'omwaaka mulala obuhuluundu, bino byoosi nibibulaho obufwoolwa bwoosi. 9Yaneenge esiyaanwa sihoyera esy'emere esy'obusye busaasaniiswe neende amafuta k'enaasi: ekiloguraamu chidatu ech'obusye echichiira hu ng'oombe surusi ndala, ekiloguraamu chibiri hu koondi miiku lala, 10neende ekiloguraamu ndala niyichiira hu buli koondi yere. 11Haandi yaneenge embusi hole ndala koti esiyaanwa sy'esyonoono, ohumeeda hu mbusi yiba niyiyaanirwe mu sidyaalo sy'ohulabisibwa hulw'abaandu, haandi hu esiyaanwa sisaambwa sya buli ludaalo alala neende esiyaanwa sy'efiini.
Ebiyaanwa biba hu sidyaalo sy'ebikaali
(Lef 23:33-44)
12 #
Lef 23:34; Amal 16:13-15. Mwebuuseenge ohwiinamira Nasaae hu buli ludaalo lw'ehumi-na-hataanu olw'omwoosi kwa hataanu-na-habiri. Huseenge esidyaalo sino ohwiisa oluyaali mu Omwaami endaalo chitaanu-na-chibiri enaamba nimutaholaho omulimo kwoosi daawe. 13Hu ludaalo lutaangira luno, yaneenge esiyaanwa sy'ebyohulya eyiri Omwaami, esaami yimusangaasa: eng'oombe surusi njere ehumi neende chidatu, amakoondi mamiiku kabiri, neende amakoondi mayere masaacha ehumi neende kadatu ak'omwaaka mulala obuhuluundu, byoosi bino nibibulaho obufwoolwa bwoosi. 14Yaneenge esiyaanwa sihoyera esy'emere esy'obusye busaasaniiswe neende amafuta k'enaasi: ekiloguraamu chidatu ech'obusye echichiira hu ng'oombe surusi ndala, ekiloguraamu chibiri hu koondi miiku lala, 15neende ekiloguraamu ndala niyichiira hu buli koondi yere. 16Haandi yaneenge embusi hole ndala koti esiyaanwa sy'esyonoono, ohumeeda hu mbusi yiba niyiyaanirwe mu muduunga kw'ohulabya hulw'abaandu, haandi hu esiyaanwa sisaambwa sya buli ludaalo alala neende esiyaanwa sy'efiini.
17Hu ludaalo lwa habiri yaneenge esurusi njere ehumi neende chibiri, amakoondi mamiiku kabiri, neende amakoondi mayere masaacha ehumi neende kane ak'omwaaka mulala obuhuluundu, byoosi bino nitaali obufwoolwa bwoosi. 18Yaneenge esiyaanwa sihoyera esy'emere esy'obusye busaasaniiswe neende amafuta k'enaasi: ekiloguraamu chidatu ech'obusye echichiira hu ng'oombe surusi ndala, ekiloguraamu chibiri hu koondi miiku lala, neende ekiloguraamu ndala niyichiira hu buli koondi yere. 19Haandi yaneenge embusi hole ndala koti esiyaanwa sy'esyonoono, ohumeeda hu mbusi yiba niyiyaanirwe mu muduunga kw'ohulabya hulw'abaandu, haandi hu esiyaanwa sisaambwa sya buli ludaalo alala neende esiyaanwa sy'efiini.
20Hu ludaalo lw'ehumi neende lulala, esurusi njere ehumi neende ndala, amakoondi mamiiku kabiri, neende amakoondi mayere masaacha ehumi neende kane ak'omwaaka mulala obuhuluundu byoosi ebitaaliho obufwoolwa bwoosi daawe. 21Yaneenge esiyaanwa sihoyera esy'emere esy'obusye saasaniiswe neende amafuta k'enaasi: ekiloguraamu chidatu ech'obusye echichiira hu ng'oombe surusi ndala, ekiloguraamu chibiri hu koondi miiku lala, neende ekiloguraamu ndala niyichiira hu buli koondi yere. 22Haandi yaneenge embusi hole ndala koti esiyaanwa sy'esyonoono, ohumeeda hu mbusi yiba niyiyaanirwe mu muduunga kw'ohulabya hulw'abaandu, haandi hu esiyaanwa sisaambwa sya buli ludaalo alala neende esiyaanwa sy'efiini.
23Hu ludaalo lwa hane, yaneenge eng'oombe surusi njere ehumi, amakoondi mamiiku kabiri, neende amakoondi mayere masaacha ehumi neende kane ak'omwaami mulala obuhuluundu, bino byoosi nibibulaho obufwoolwa bwoosi. 24Yaneenge esiyaanwa sihoyera esy'emere esy'obusye busaasaniiswe neende amafuta k'enaasi: ekiloguraamu chidatu ech'obusye echichiira hu ng'oombe surusi ndala, ekiloguraamu chibiri hu koondi miiku lala, neende ekiloguraamu ndala niyichiira hu buli koondi yere. 25Haandi yaneenge embusi hole ndala koti esiyaanwa sy'esyonoono, ohumeeda hu mbusi yiba niyiyaanirwe mu muduunga kw'ohulabya hulw'abaandu, haandi hu esiyaanwa sisaambwa sya buli ludaalo alala neende esiyaanwa sy'efiini.
26Hu ludaalo lwa hataanu, yaneenge eng'oombe surusi njere chitaanu-na-chine, amakoondi mamiiku kabiri, neende amakoondi mayere masaacha ehumi neende kane ak'omwaaka mulala obuhuluundu, byoosi ebitaaliho obufwoolwa bwoosi. 27Yaneenge esiyaanwa sihoyera esy'emere esy'obusye busaasaniiswe neende amafuta k'enaasi: ekiloguraamu chidatu ech'obusye echichiira hu ng'oombe surusi ndala, ekiloguraamu chibiri hu koondi miiku lala, neende ekiloguraamu ndala niyichiira hu buli koondi yere. 28Haandi yaneenge embusi hole ndala koti esiyaanwa sy'esyonoono, ohumeeda hu mbusi yiba niyiyaanirwe mu muduunga kw'ohulabya hulw'abaandu, haandi hu esiyaanwa sisaambwa sya buli ludaalo alala neende esiyaanwa sy'efiini.
29Hu ludaalo lwa hasaasaba, eng'oombe surusi njere chitaanu-na-chidatu, amakoondi mamiiku kabiri, neende amakoondi mayere masaacha ehumi neende kane ak'omwaaka mulala obuhuluundu, byoosi ebitaaliho obufwoolwa bwoosi. 30Yaneenge esiyaanwa sihoyera esy'emere esy'obusye busaasaniiswe neende amafuta k'enaasi: ekiloguraamu chidatu ech'obusye echichiira hu ng'oombe surusi ndala, ekiloguraamu chibiri hu koondi miiku lala, neende ekiloguraamu ndala niyichiira hu buli koondi yere. 31Haandi yaneenge embusi hole ndala koti esiyaanwa sy'esyonoono, ohumeeda hu mbusi yiba niyiyaanirwe mu muduunga kw'ohulabya hulw'abaandu, haandi hu esiyaanwa sisaambwa sya buli ludaalo alala neende esiyaanwa sy'efiini.
32Hu ludaalo lwa hataanu-na-habiri, eng'oombe surusi njere chitaanu-na-chidatu, amakoondi mamiiku kabiri, neende amakoondi mayere masaacha ehumi neende kane ak'omwaaka mulala obuhuluundu, byoosi ebitaaliho obufwoolwa bwoosi. 33Yaneenge esiyaanwa sihoyera esy'emere esy'obusye saasaniiswe neende amafuta k'enaasi: ekiloguraamu chidatu ech'obusye echichiira hu ng'oombe surusi ndala, ekiloguraamu chibiri hu koondi miiku lala, neende ekiloguraamu ndala niyichiira hu buli koondi yere. 34Haandi yaneenge embusi hole ndala koti esiyaanwa sy'esyonoono, ohumeeda hu mbusi yiba niyiyaanirwe mu muduunga kw'ohulabya hulw'abaandu, haandi hu esiyaanwa sisaambwa sya buli ludaalo alala neende esiyaanwa sy'efiini.
35Hu ludaalo lwa hataanu-na-hadatu, mwehung'anienge ohwiinamira Omwaami, mani muhaye ohuholaho omulimo kuundi kwoosi daawe. 36Yaneenge esiyaanwa sisaambe koti esiyaanwa sy'ebyohulya eyiri Omwaami, esaami yimusangaasa: eng'oombe surusi njere ndala, ekoondi emiiku lala, amakoondi mayere masaacha kataanu-na-kabiri ak'omwaaka mulala obuhuluundu, byoosi ebibulaho obufwoolwa bwoosi. 37Yaneenge esiyaanwa sihoyera esy'emere esy'obusye busaasaniiswe neende amafuta k'enaasi: ekiloguraamu chidatu ech'obusye echichiira hu ng'oombe surusi ndala, ekiloguraamu chibiri hu koondi miiku lala, neende ekiloguraamu ndala niyichiira hu buli koondi yere. 38Haandi yaneenge embusi hole ndala koti esiyaanwa sy'esyonoono, ohumeeda hu mbusi yiba niyiyaanirwe mu muduunga kw'ohulabya hulw'abaandu, haandi hu esiyaanwa sisaambwa sya buli ludaalo alala neende esiyaanwa sy'efiini.
39Bino nibyo ebilagiro ebidiira hu biyaanwa bisaambwa, ebiyaanwa by'emere, ebiyaanwa by'efiini, neende ebiyaanwa by'ohuholegana bi muhoyere ohuyanaanga eyiri Omwaami, mu bidyaalo byeeng'we byateebwao. Bino by'ohumeeda hu biyaanwa bi mukabaanga ohwooseresaanga ebichubo oba koti sa ebiyaanwa by'ebihaya.
40Musa yeemao yaaboolera abaandu ba Yisiraeli buli siindu si Omwaami yali naamulagiire.
©Bible Society of Kenya, 2019
©Bible Society of Uganda, 2019