Ohubala 27
27
Abahaana ba Selofehaadi
1Mahila, Nowa, Hogila, Milika, neende Tirisa bali abahaana ba Selofehaadi omwaana wa Hefeeri, omwaana wa Gileadi, omwaana wa Makiri, omwaana wa Manaase, omwaana wa Yosefu. 2Beema aambi neende Musa, Eliasaari omulaamisi, abeemirisi, neende omukaanda kwoosi okw'abaandu aambi neende omulyaangiro kw'Eyeema ly'Ohubaao hw'Omwaami mani baaboola bati, 3“Efwe seefwe yafwiira mu sichiimi n'atalehereho omwaana musyaani. Haba siyali mulala hu baloondi ba Koora, abajeemera Omwaami; yafwa hulw'esyonoono syae omweene. 4Nae olwohuba sa mbwe haba siyaliho neende omwaana musyaani, lwasiina eliita lya seefwe likota sa ohutula hu Yisiraeli? Fwesi mutukabireho esihirano mubeeho bakuuka yeefwe.”
5Musa yeecha yaayira omusaango kwaabwe okwo eyiri Omwaami, 6Omwaami yamuboolera ati, 7#Hub 36:2. “Esiindu si bahaana ba Selofehaadi basaba sihoyera; baberesere esihirano mu beeho ba laatang'ene. Leha esihirano yae yichie hu beene abo. 8Boolera abaandu ba Yisiraeli oti omusaacha yeesi naafwa n'atalehereho omwaana musyaani, omwaana muhaana wae niye onayiraanga esihirano yae. 9Naaba nataali neende omwaana muhaana, owa mwaanang'ina niye oba naanayisihiraanga. 10Naaba nataali neende bamwaanang'ina, mani aba mwaang'ina mwaanang'ina nibo ababa nibachia ohuyisihiraanga. 11Naaba nataali neende bamwaanang'ina oba ba laatang'ene baandi, mani omwiiho wae w'aambi muno niye oba naachia ohuyiyiraanga mani aba nayo koti eyae yeene. Abaandu ba Yisiraeli bahoyere ohuloondakanaanga neende sino koti esihoyera esiri mu malako, koti sa ese Omwaami, mbalagiire eng'we.”
Yosua alobolwa ohukobola mu makulu ka Musa
(Amal 31:18)
12 #
Amal 3:23-27; 32:48-52. Omwaami yaboolera Musa ati, “Ewe chia oniine aakulu w'Engulu cha Abbariimu, mani otingaale aakulu w'eloba li njia ohuberesa Abaisiraeli. 13Noonaba noomalire ohulibona bulai, ochia ohufwa, koti sa lu Arooni mwaanamao yafwa, 14olwohuba eng'we mweembi mwajeemera ebilagiro byaange nimuli mu sichiimi sya Siini. Omukaanda kw'abaandu bano boosi koti lu kwandeekanyiirisa nimuli mu Meribba, mwahaya ohufukiirira amaani kaange moolerefu mu moni waabwe.” (Meribba niyo esulo yiri mu Kadesi mu sichiimi sya Siini).
15Musa yasaba ati, 16“Ewe Omwaami Nasaae, ewe omweene bulamu bwoosi, omweene doola, hwekweedere, omusaacha onyala ohwiimirira abaandu bano 17#1 Abat 22:17; Esek 34:5; Mat 9:36; Mrk 6:34.haandi onyala ohubalagira nibali mu biita, hu mukaanda kw'abaandu bao kuno kuhaye ohufwaanana koti amakoondi akabulaho omwaayi.”
18 #
Hut 24:13. Omwaami yaboobera Musa ati, “Ewe chia mani obukule Yosua omwaana wa Nuuni, omusaacha onyala oyo, ote amahono kao hu mutwe kwae. 19Muhole yeeme mu moni wa Eliasaari omulaamisi neende abaandu boosi, mani abweene ao mu moni waabwe boosi, mulaangirire koti omukerami wao. 20Muberese hooho hu bunyala bwao, hu mukaanda kwoosi kwa Yisiraeli kunyale ohumuwuliraanga. 21#Hut 28:30; 1 Sam 14:41; 28:6.Achia ohwehoonyeraanga Eliasaari omulaamisi, ochia ohumanyaanga ohudaha hwaange ohutula hu hwehoonyera Wurimu neende Tumimu. Mani mu ngira yino, Eliasaari aba achia ohunyala ohukerakira Yosua alala neende omukaanda kwa Yisiraeli kwoosi, mu bulamu bwaabwe bwoosi.” 22Musa yahola koti lu Omwaami yali n'amulagiire. Yahola Yosua yeema mu moni wa Eliasaari omulaamisi neende omukaanda kw'abaandu abo kwoosi. 23#Amal 31:23.Koti lu Omwaami yali n'alagiire, Musa yata amahono kae hu mutwe kwa Yosua, mani n'amulaamira ohumukobola mu makulu.
©Bible Society of Kenya, 2019
©Bible Society of Uganda, 2019