Mariko EMANYISA.
EMANYISA.
Emboosi Ndai ya Yesu Kristo koti lu yaandiikwa neende Mariko, yichaaka neende ohuboola yiti niyo “Emboosi Ndai chidiira hu Yesu Kristo, Omwaana wa Nasaae.” Emboosi ndai ya Yesu Kristo yino yeekesera elalira koti lu Yesu ali omuhalaabani w'elalira haandi ow'obunyala bwoosi. Obunyala buno bubonehera mu hweekesa hwae, haandi neende hu maani kali nako akahira ak'emisaambwa, haandi kabonehera muhulehera ebyonoono by'abaandu. Nae, Yesu mweene yelomalomaho koti lwali Omwaana w'Omuundu oweecha ohuyaanayo obulamu bwae hu aleetere abaandu omuleembe neende ohubatusa mu byonoono byaabwe.
Mariko, alomaloma ebidiira hu Yesu tiiri haandi bwaangu-bwaangu, yata esira muno hu biindu bi Yesu yahola, ohuhira hu bi yalomaloma neende bi yeekesa. Omwandiiki wuno Mariko niyamala ohulomaloma hu Yowaana Omubatiisi, neende hu hubatiisibwa alala neende ohuteemwa hwa Yesu, yacha tiiri hu mulimo ku Yesu yahola okwohuwonia neende okw'ohweekesa abaandu. Omwandiiki wuno yeyongera niyeekesa koti lu abaloondi ba Yesu bemeedaanga ohumumanya, nae abasuku bae nabo nibemeeda ohumusyuuhira.
Esituundu simaliirihayo nasyo, syeekesa ebyo ebyaliwo mu juma yimaliirihayo mu bulamu bwa Yesu hu syaalo, ohuraho muno hu hwiitwa hwae, ohubaambwa hu musalabba, ohusiibwa, alala neende ohusyuuha hwae.
Esituundu simaliirihirayo elalira, sibaasibwa siti, syandiikwa neende omuundu wuundi otaali Mariko, owandiika Emboosi Ndai yino.
Ebiri mu sitabo sino mu bwiimbikiti
1. Enjaaka y'Emboosi Ndai 1:1-13
2. Omulimo ku Yesu yahola mu Galilaaya 1:14—9:50
3. Ohutula Galilaaya ohuchia Yerusalemu 10:1-52
4. Ejuma yamaliirihayo mu Yerusalemu neende mu bituundu bisibiraane nasyo 11:1—15:47
5. Ohusyuuha hwa Yesu 16:18
6. Ohuboneha hwa Yesu neende ohuniina hwae Muukulu n'amalire ohusyuuha 16:9-10
Currently Selected:
Mariko EMANYISA.: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019