Matayo 3
3
Ohuyaala hwa Yowaana omubatiisi
(Mrk 1:1-8; Luk 3:1-18; Yow 1:19-28)
1Mu ndaalo echo, Yowaana Omubatiisi yachaaka ohuyalira mu siparara sya Yudea n'aboola ati; 2#Mat 4:17; Mrk 1:15. “Mweyolobye, olwohuba Obwaami bwo Muukulu buli aambi.” 3#Yis 40:3. niye yi nabbi Yisaaya yalomalomaho ati;
“Ekono lihuumulira mu siparara liti,
Mutereese engira y'Omwaami,
mukololose emihoosi kyae.”
4 #
2 Abat 1:8. Ebifwaalo bya Yowaana byalichiingi eby'obwooya bw'engamya neende oluhoba lw'eseero mu sibuno. Ebyohulya byae byalichiingi esike neende obuuhi bwomu siino.
5Abaandu beeyihaanga yiyalichingi nibatula Yerusalemu, Yudea neende mu bituundu byohu mwaalo kwa Yorodaani. 6Beechaanga nibeyoloobya ebyonoono byaabwe n'ababatiisira mu mwaalo kwa Yorodaani. 7#Mat 12:34; 23:33. Nae Yowaana niyabona Abafarisaayo baangi neende Abasadukaayo bosi nibeyiihe ohwiicha yaali mbwe ababatiise, yabateeba ati, “Eng'we abaana b'endemo, wiina obabereese amakesi kano akohwewonia etima lya Nasaae eliri aambi ohwiicha?” 8Mani muhoyere muhole ebiholwa byeekesa biti mumalire ohwefunakira elalira ebyonoono byeeng'we. 9#Yow 8:33. Haandi mutaba nimubaasa sa muti munyala ohunyoola obweyikamo nimuboola muti muli abeechuhulu ba Abburahamu. Mbaboolera obwadyeeri endi, Nasaae anyala ohubukula amakina kano yaakaholamo abeechuhulu ba Abburahamu. 10#Mat 7:19. Kata buti embaachi yimalire ohutekehwa: ohutemera emisaala hu misi bweene, buli musaala kwoosi okutachia ohwaama ebyaamo bilai kuchia ohutemwa kusukunwe mu muliro. 11“Ese mbabatiisa mu maachi ohweekesa mbwe mu malire ohwefunaka ebyonoono by'eng'we; nae yiriyo oyo owunoondaho ochia ohubabatiisa neende Mwooyo Mwoolerefu alala neende omuliro. Oyo ahirira elalira ese oluyaali, mani sihoyera kata budiidi ohumukiingira ebiraato byae.”
12Ali neende oluderu mu mahono kae. Achia ohusereechera elalira emere yoosi. Achia ohuteera emere ndai mu syaaki, nae omuhuuchi kwoosi achia ohukubuusa, amale akusaambire mu muliro kutasima.
Ohubatiiswa hwa Yesu
(Mrk 1:9-11; Luk 3:21-22)
13Mu biha byeene ebyo, Yesu yatula Galilaaya yachia hu mwaalo kwa Yorodaani eyiri Yowaana amubatiise. 14Yowaana yateemaho ohuhaya n'aboola ati, “Niiwe ohoyere ohuumbatiisa nae haandi niiwe owiichire yi ndi?”
15Nae Yesu yamukaluhamo ati, “Ewe leha bibe bityo sa. Olwohuba nilwo lweefwe huba fweembi huchia ohwooseresa abweene ohudaha hwa Nasaae.”
16Yesu niyamala ohubatiiswa sa ati, yatula mu maachi. Esiha syeene esyo ekulu lyeekuha #3:16 ekulu lyeekuha: Ebyandiiko bihuluundu bihale biindi biboola biti lyamwiikuhira mani yaabona Mwooyo wa Nasaae ofwaana neende eguugu, niyeeha naamweemaho. 17#Huc 22:2; Sab 2:7; Yis 42:1; Mat 12:18; 17:5; Mrk 1:11; Luk 9:35. Haandi esiha syeene esyo, ekono lyawuliirihana nilitula Muukulu niliboola liti; “Wuno niye Omwaana waange #3:17 Omwaana waange: Ebyandiiko biindi Omwaana waange, Omuheerwa (oba oyo) waange mukoosi, yi ndasaangaalira muno.”
Currently Selected:
Matayo 3: SAMIA
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019