Amaliro 4
4
Yerusalemu nisimalire ohuwaambwa
1Esaabbu yeefwe ying'enaang'ena yihubbire emberebende;
esaabbu endai muno yitalaage.
Amakina moolerefu ak'Enyuumba ya Nasaae kasalaniiswe
hu buli ngira.
2Abaraaga bomu Siyooni
abali ab'engaanga y'aakulu koti esaabbu
bulaanu bayirwa koti endamu ch'eloba,
omulimo kw'omuloongi w'endamu.
3Kata amabbwe kebuule
kanuunia obwaana bwaako,
nae abaandu baange beeholere
koti amawudo komu siino akaalabira abaana bako.
4Olulimi lw'abaana bwako
lwaanda mu sisinini olw'obuluwo.
Abaana bayere basaba esyohulya,
nae abulao obaberesa daawe.
5Abaandu balichaanga ebyohulya bihiriramo elalira obulai,
bafwiira hu ngira hulw'enjala.
Abo abahuswa bulai neende oluyaali,
bulaanu bakoonyeresa esyohulya mu bikoha bibasukuune.
6 #
Huc 19:24. Olwohuba abaandu baange basaandire muno ohuhiraho
koti abaandu ba Sodomu lu basaanda,
ba Nasaae
yasihirisa mu biha bidiidi muno.
7Abachweenufu beefwe bali aboolerefu muno koti amakina k'efula,
abalafu muno ohuhiraho amabeere.
Emibiri kyaabwe kyali eky'amaani ohuhiraho amakina komu nyaanja,
haandi bali abanyirifu nibaboneha bulai muno.
8Nae bulaanu, bagubire koti efiro ly'endamu.
Abulao onyala ohubamanya nibali hu ngira.
Esihoba syaabwe syebaandire hu makuumba kaabwe,
syoomere koti oluhwi.
9Abo abeeterwa mu biita bali bulai hooho
ohuhira bano abeetwa enjala,
abaweerera kaala ohwoola lu bahafwe
olw'ohuhaywa esyohulya.
10 #
Amal 28:57; Esek 5:10. Abahasi beebusi abali neende ohudaha huungi,
badeeha abaana baabwe beene;
mani babalya,
mu husihirira hw'abaandu baange.
11Omwaami aboloole obwaalaba bwae,
achuhire etima lyae lyeesera;
mani yaahubula omuliro hu Siyooni,
mani nikusisaamba syawerao elalira.
12Abatuki bohu syaalo haba sibasifukiirira daawe,
oba omuundu wohu syaalo yeesi,
bati omusuku yahanyalire ohuyiingira mani yeengira
mu biruwa bya Yerusalemu.
13Nae esyo syanyaliha hulw'ebyonoono by'abanabbi basyo
neende abalaamisi basyo,
abatemuliramo abaandu
baluungifu.
14Badiikaa-diika koti abawofu hu ngira chamwo,
nibeenyasire muno neende amabaanga,
abulao onyala ohudiira
hu ngubo chaabwe.
15Abaandu nibabeetusaho nibaboola bati: “Mbwere-eyi! Mbwere-eyi! Otandiiraho!”
Mani nibeehola abateende haandi abayikaani;
mani abaandu bomu byaalo nibaboola bati,
“Haba sibachia hudoong'a naafwe.”
16Omwaami mweene niye owabasalaania,
haba sasibadeebaho daawe.
Abalaamisi neende abeemirisi
haba sibasiiswamo oluyaali daawe.
17Hwatingaala nihuliinda obuhoonyi
nae ohuliinda hwali ohwabihaya.
Hwaliinda obuhoonyi bw'esyaalo
nae esyaalo haba sisyanyala ohutuwonia.
18Omusuku yali n'atukiiya
mani nihutya kata ohukeenda hu ngira cheefwe.
Ohusihirira hweefwe hwali aambi, endaalo cheefwe chali nichiduuduye
olwohuba enjakamo yeefwe yali niyoolere.
19Abo abatukiiya baangu muno
ohuhiraho eeswi cho muukulu;
batwoongaho ohwoola hu ngulu,
mani nibatutekera mu siparara.
20Bawaambisya mu buko bwaabwe
omutuki weefwe yi Omwaami yadoola,
oyo yi hwali nihuboola huti, “Mu bunyala bwae
huchia ohunyala ohuyiingira mu byaalo.”
21Sangaale haandi mwehoye, eng'we abomu Edomu,
neende eng'we aba Wuusi.
Nae mwesi amasira kahabakweeho;
mwesi mwahadandaamire mani mwefwaalula mwadoong'a esyeekenye.
22Ewe Siyooni, ohusaanda hwao hulw'ebyonoono byao hwakaame,
Omwaami haba saachia huhuleha mu buboye daawe.
Nae eng'we abomu Edomu, Omwaami achia ohubasaandya,
Achia ohubwiihula alafu ebyonoono byeeng'we.
Currently Selected:
Amaliro 4: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
