Yobbu 11
11
Sofaari
1Mani Sofaari Omunama yakobolamo ati:
2“Emboosi nyiingi chityo sichihoyerwa obutakobolwamo,
haandi omuundu olomaloma muno atyo haba s'ahoyeere ohukololwa?
3Ohubuluula hwao ohwo sihunakayire abaandu ohulomaloma,
haandi noduula otyo, anaabuleo omuundu ahuyaambya esoni?
4Olwohuba oboola oti, ‘Enjekesa yaange njoolerefu niyo,
haandi mbulaho esyonoono mu moni wa Nasaae.’
5Nae eee, ndahekoombere endi Nasaae alomalomeho,
mani ahubooleereho ewe omweene,
6haandi ahubooleereho ebyaama bitaamanyihaane eby'amakesi!
Olwohuba ohumanya hwa Nasaae haba sihwaakama.
Manya oti Nasaae ahusaandya budiidi ohuhira koti ebyonoono byao bihoyerwa.
7“Onyala ohukoonyeresa ebiindu by'amaani bidiira hu Nasaae?
Onyala ohukoonyeresa wamanya amaani k'Owobunyala bwoosi yi kaakama?
8Kali aakulu ohuhira Ekulu, wahaholeyo siina?
Kali aasi ohuhira emakoombe, onaamanye siina?
9Maleeyi ohuhira esyaalo,
haandi matakalafu ohuhira enyaanja.
10Nae Nasaae n'abitamo, mani yahuboya,
haandi yahuwosesa, wiina mweene owahamukayira?
11Olwohuba Nasaae amanyire abaandu batahoyera;
naabona esyonoono sibahola, obaasa oti haba sadeebayo?
12Nae omuundu obulamo amakesi haba saacha ohumanya,
ati esuhiri njalaba yibulwaanga niyiri enoonga.
13“Niwefunaka mu mwooyo kwao,
ochia ohuniinia amahono kao eyiri Nasaae.
14Ebiholwa bihyaamu nibiri mu mahono kao, bikise eyale muno,
haandi otafukiiriraanga obudoondobanu buba mu daala lyao.
15Mubwadyeeri bweene, ochia ohusiingisaanga emoni chao aakulu abula obubi bwoosi;
onabeechaanga neende omuleembe, haandi soocha ohutichaanga esiindu syoosi.
16Ochia ohwiibirira ebidinyu byao byoosi;
haandi ochia ohubiibirira koti amaachi kamala ohuhulukusa.
17Obulamu bwao bucha ohumesamesa ohuhiraho esideete;
esiirima syabwo sichia ohuba koti echuli.
18Mani ochia ohuba omugumu, olwohuba esuubi liriwo;
Nasaae achia ohuhuliinda, mani ochia ohuwuluuha ataali ohutya hwoosi.
19Ochia ohweyalisa, mani yibuleo esiindu esihutiisa;
abaandu baangi muno bachia ohuhusabaanga obuhoonyi.
20Nae emoni ch'abahola-mbi chichia ohuwofula;
mani engira yohweeyibiraho yibakoteho,
haandi esuubi lyaabwe lichia ohufwa.”
Currently Selected:
Yobbu 11: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
