Yeremia 43
43
Yeremia ayirwa mu Misiri
1Mani ese Yeremia ndeemao ndaaboolera abaandu boosi emboosi choosi chi Omwaami Nasaae waabwe, yali ni yaandumire ohubaboolera. 2Asaria omwaana wa Osaaya neende Yohanani omwaana wa Kareya neende abasaacha boosi beehuduumbasa baaboolera Yeremia bati: “Leha ohutubacha. Omwaami Nasaae weefwe haba saahutumira ohuboola oti, ‘Haba simuchia Misiri ohumenya eyo’; 3nae humanyire huti Bbaruku omwaana wa Neria niye ohuchuubire, ati otudiise mu mahono k'Abakalidaaya, batwiite, oba batuyire Bbabbilooni mu buwaambe.” 4Yohanani omwaana wa Kareya neende abeemeresi b'amaye boosi neende abaandu boosi beemao baahaya ohuwulira ekono ly'Omwaami, ohudoong'a mu syaalo sya Buyudaaya. 5#2 Abat 25:26.Nae Yohanani omwaana wa Kareya neende abeemeresi b'amaye boosi bayira mu Misiri abaandu boosi abali nibadoong'ere mu Buyudaaya neende abo abali nibakoboole mu Buyudaaya ohutula mu byaalo bi bali nisalaanirmo 6abasaacha, neende abahasi, neende abaana bayere neende abahaana b'omutuki, neende buli muundu yeesi yi Nebbusaradaani omuhoongo w'amaye yali naaleheere Gedalia omwaana wa Ahikamu, omwiichuhulu wa Safani. Omwo nimwo omwali Yeremia omunabbi neende Bbaruku omwaana wa Neria. 7Bajeemera esyo si Omwaami yali naabalagiire; mani baachia mu Misiri, ohwoolera elalira mu siko sya Tapaneesi.
8Omwaami yaboolera Yeremia naali Tapaneesi ati: 9Bukula amakina mahoongo, mani okayabire aasi w'abuundu yi beengirira mu dooho ly'omutuki wa Misiri Tapaneesi, abasaacha Bayudaaya nibabona, 10obaboolere oti, Omwaami w'Obunyala, Nasaae wa Yisiraeli aboola ati: Bone, njia ohutuma omuhalaabani waange Nebukadineesa omutuki wa Bbabbilooni, yeeche ate esisaala syae sy'obutuki hu makina ka njabiire aasi kano, mani abaambeho eyeema lyae ly'obutuki. 11Nebukadineesa oyo yaheeche awaambe esyaalo sya Misiri. Mani abo ab'ohufwa oluumbe bafwe, abo ab'ohuyirwa mu buwaambe bayirwe mu buwaambe, haandi abo ab'ohufwiira mu biita bafwiire mu biita. 12“Ndahaaduse omuliro hu masabo ka banasaae bomu Misiri, mani omutuki wa Bbabbilooni yahasaambe banasaae bomu Misiri haandi yaabakiinga n'abayira mu buwaambe. Yahalabye esyaalo sya Misiri, koti lu mwaayi yahalabya engubo yae yidiirire amasaanda. Mani yeeweereo mu muleembe. 13Yahafunakefunake esiiro cha Heliopoli echiri mu syaalo sya Misiri; haandi yahasaambe enyuumba chia banasaae bomu Misiri.”
Currently Selected:
Yeremia 43: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
