Yeremia 41
41
1 #
2 Abat 25:25. Mu mwoosi kwa hataanu-na-habiri, Yisimaeli omwaana wa Netania, omwiichuhulu wa Elisama, ow'olwiibulo lutuki haandi mulala hu bahunuufu b'omutuki, yeecha Misipa neende abasaacha ehumi ohubona Gedalia omwaana wa Ahikamu. Nibali ohuliira alala ebyohulya, 2Yisimaeli omwaana wa Netania neende abasaacha ehumi bali nae basobolayo engaanga chaabwe beeta Gedalia omwaana wa Ahikamu yi mutuki wa Bbabbilooni yali n'adoolere ohuba gafana mu syaalo esyo. 3Yisimaeli haandi niyeeta Abayudaaya boosi abali neende Gedalia, neende abasikaari Bakalidaaya abali nibadoong'ereo.
4Hu ludaalo luloonda olwo lu beeteraho Gedalia, omuundu yeesi n'asisiiri ohusimanya, 5abasaacha amahumi kataanu-na-kadatu boola nibatula Sekemu neende Siilo neende Samaria. Bali nibeebekereho ebirefu byaabwe, nibatanduule engubo chaabwe, haandi nibesaandake-saandake emibiri kyaabwe, nibaleeta ebiyaanwa by'emwo neende obubbaani bw'ohunioohesa ohuyaana mu nyuumba y'Omwaami. 6Yisimaeli omwaana wa Natania yeecha ohutula Misipa ohubabukaanira, naalira amasika. Niyababukaana, yababoolera ati: “Mwiiche mubone Gedalia omwaana wa Ahikamu.” 7Nae niboola mu siko, Yisimaeli omwaana wa Netania neende abasaacha bae babeeta mani baasukuna emilaambo kyaabwe mu sidiba. 8Nae mwalimo abasaacha ehumi mwaabo ababoolera Yisimaeli bati: “Otatwiita daawe, olwohuba huli neende engaano, amabere masuungu, amafuta, neende obuuhi ebyakiswa mu mikuunda kyeefwe.” Mani nibabaleha nibatabeeta daawe alala neende abaasye.
9Bulaanu esidiba si Yisimaeli yali nasukuunemo emilaambo ky'abasaacha ba yali niyeetere syali esihoongo muno, si omutuki Asa yali naayabire, ohweekaya Bbaasa omutuki wa Yisiraeli owali naamuseetere. Mani Yisimaeli naasiichusamo emilaambo ky'abaandu ba yali niyeetere. 10Yisimaeli yayira mu jeela abaandu boosi abali nibali mu Misipa, yaaboya abahaana b'omutuki neende abaandu boosi abali nibadoong'ere mu Misipa, ba Nebbusaradaani, omuhoongo w'eye, ba yaali naaleheere Gedalia omwaana wa Ahikamu. Yisimaeli omwaana wa Netalia yabayira mu jeela mani yaambuha yaachia mu syaalo sy'Abaamooni.
11Nae Yohanani omwaana wa Kareya neende abeemirisi b'amaye abali nae nibawulira obwiiti bu Yisimaeli omwaana wa Netania yali naaholere, 12babukula abasaacha baabwe baachia ohulwaania Yisimaeli omwaana wa Netania. Bamunyoola naali hu sidiba sihoongo esiri mu Gibbeoni. 13Mani abaandu boosi abali neende Yisimaeli nibabona Yohanani omwaana wa Kareya neende abeemirisi b'amaye abali nae, basangaala muno. 14Abaandu boosi ba Yisimaeli yali nayirire mu jeela ohutula Misipa mani bakaluuhana beeruha nibakobolayo, baachia eyiri Yohanani omwaana wa Kareya. 15Nae Yisimaeli omwaana wa Netania neende abasaacha ba yali nabo bataanu-na-badatu beeyiba hu Yohanani, baachia mu syaalo sy'Abaamooni. 16Yohanani neende abeemirisi b'amaye abali nae boosi babukula abaandu boosi ba Yisimaeli omwaana wa Netania ba yali naayirire mu jeela ohutula Misipa naamalire ohwiita Gedalia omwaana wa Ahikamu. Omwo nimwo omwali: abasikaari, abahasi, abaana, neende abalooye, ba Yohanani yakobosa ohutula Gibbeoni. 17Bachia baaba Geruti-Kimihamu aambi neende Bbetilehemu, nibadaha ohuchia Misiri, 18olwohuba bali nibatiire Abakalidaaya. Babatya olwohuba Yisimaeli omwaana wa Netania yali niyeetere Gedalia omwaana wa Ahikamu, yi mutuki wa Bbabbilooni yali naaholere ohuba gafana w'esyaalo esyo.
Currently Selected:
Yeremia 41: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
