Yeremia 34
34
Emboosi yichiira Sedekia
1 #
2 Abat 25:1-11; 2 Biha 36:17-21. Omwaami yalomaloma naange, Nebukadineesa omutuki wa Bbabbilooni naali neende eye lyae alala neende amaye k'obwaami bwohu syaalo bwoosi obuli mu bunyala bwae neende abaandu boosi abali nibalwaania Yerusalemu neende ebiko bisyebodohaanie byoosi. 2Omwaami Nasaae wa Yisiraeli aboola ati: Chia olomalome neende Sedekia omutuki wa Buyudaaya mani omuboolere oti, Omwaami aboola ati: Bona, njia ohuta esiko sino mu bunyala bw'omutuki wa Bbabbilooni, mani achia ohusisaamba omuliro. 3Ewe wesi haba soochia huwona; nae ochia ohuwaambwa obe mu bunyala bwae. Ochia ohubona omutuki wa Bbabbilooni emoni-hu-moni haandi olomalome nae ewe omweene, mani wahachie Bbabbilooni. 4Ewe Sedekia omutuki wa Buyudaaya, wulira Emboosi y'Omwaami eyihudiiraho. Omwaami aboola ati: Haba soochia ohwiitirwa mu biita. 5Wahafwiire mu muleembe. Haandi koti abaandu banioohesera obubbaani nibasiiha bakuukaao, abatuki bahutaangira ohubao, mani wesi bachia ohuhunioohesera obubbaani. Bahahulire nibaboola bati, “Omutuki weefwe afwiire!” Olwohuba Ese Omwaami, Niise oboolere.
6Omunabbi Yeremia yaboolera Sedekia omutuki wa Buyudaaya emboosi chino choosi naali mu Yerusalemu. 7Eye ly'omutuki wa Bbabbilooni lyali niliseetere Yerusalemu neende ebiko byomu Buyudaaya ebyali nibidoong'ere sa ebiko bya Lakisi neende Aseka. Olwohuba ebiko bino byoong'ene nibyo ebyali nibisisiiri ebisite.
Ohulehuula abawaambe hw'obubacha
8Omwaami mani naalomaloma neende Yeremia, omutuki Sedekia naamalire ohuhola Endagaano neende abaandu bomu Yerusalemu boosi ohulehuula abawaambe. 9Buli muundu yaali owohulehuula abawaambe bae Baibburania boosi, abasaacha neende abahasi, mani abuleo omuundu wuwaamba Omuibburania waasye. 10Abaandu boosi bafukiirira, abachweenufu boosi neende abaandu boosi abali nibaholere Endagaano bati buli muundu alehuule omuwaambe wae, omusaacha oba omuhasi, mani bahaye ohuboywa haandi; nibafukiirira ohubalehuula. 11Nae luunyuma mani nibakaluuhania ebibaaso byaabwe, nibakobosa abawaambe ba bali nibalehuulire, abasaacha neende abahasi, mani haandi nibachaaka ohubatuka koti ababoye. 12Omwaami Nasaae wa Yisiraeli yaboolera Yeremia ati: 13“Boolera abaandu oti, Omwaami Nasaae wa Yisiraeli aboola ati: Ndahola Endagaano neende bakuuka yeeng'we, lu ndabatusa mu syaalo sya Misiri, yi bali mu buwaambe, nimboola endi, 14#Hut 21:2; Amal 15:12. ‘Buli myaaka kitaanu-na-kibiri nikiwa, bahoyere ohulehuulaanga buli muwaambe Muibburania waasyaabwe yi bakula oba naabahalaabaniireenge emyaaka kisaasaba.’ Nae bakuuka yeeng'we haba sibaambulira daawe oba baatekeeresa bi mboola. 15Eng'we mwesi ndiidi chibitireo mweyolobya mani mwahola ebisaangaasa, buli muundu hweeng'we n'alaanga koti lu alehuulire Omuibburania waasye owali omuboye, mani nimuhola endagaano mu moni waange mu nyuumba yaange yohwiinamiramo. 16Nae haandi nimukaluuhania ebibaaso byeeng'we, mwaanyaasa eliita lyaange, buli muundu niyekobosera abawaambe bae, abasaacha neende abahasi, ba mwali nimulehuulire, babe mu muleembe koti lu bali nibekoomba, nimubayiika bachaake ohubahalaabaniraanga koti ababoye beeng'we. 17Mani sakira Omwaami aboola ati; munjeemeere, mani mwaahaya ohuberesa abaandu baasyeeng'we omuleembe kyaabwe. Mani bone, njia ohuberesa eng'we endaalo ky'ohwiitirwa mu biita, oba ohufwa endwaae, oba ohufwa enjala. Njia ohukera abaandu bomu bwaami bwohu syaalo bwoosi butye esiindu siinjia ohubahola. 18Abaandu bahalaka Endagaano yaange, haandi baahaya ohudiira amalako k'endagaano yi ndahola nabo, nibabita akatikaati w'ebituundu bibiri byaakanirira by'esurusi. 19Ababalabalanu bomu Buyudaaya neende abomu Yerusalemu, abalooye, abalaamisi, neende abaandu bomu syaalo boosi nibo ababita akatikaati w'esurusi eyo. 20Mani ndahabate mu mahono k'abasuku baabwe neende mu mahono k'abo abakiiya ohubeeta. Amayoni neende ebisolo biteende byahalye emilaambo kyaabwe. 21Sedekia omutuki wa Buyudaaya yeesi neende abachweenufu bae, ndahabate mu mahono k'abasuku baabwe neende mu mahono k'abo abakiiya ohubeeta. Njia ohubabata mu mahono k'amaye b'omutuki wa Bbabbilooni, ababeere nibaakaame ohubaseeta. 22Bone, njia ohubalagira, bakobole baseete esiko sino, basilwaanie mani basiwaambe, haandi basisaambe omuliro. Njia ohuhola ebiko byomu Buyudaaya bibe amakuunda, abuleo omuundu yeesi owubimenyamo daawe. Ese Omwaami, Niise oboolere.”
Currently Selected:
Yeremia 34: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
