Yeremia 10
10
Ohwiinamira Nasaae neende ohwiinamira ebitaali Nasaae
1Abaisiraeli, wulire emboosi chi Omwaami
ababoolera.
Omwaami aboola ati: 2“Muteekaanga ebiima b'ebyaalo biindi.
Mutichaanga obulolero bwomu kulu
kata neende ebyaalo biindi nibitya obulolero obwo;
3olwohuba esaambo chomu byaalo ebyo, chibulamo obuhoonyi.”
Omuundu atema omusaala mu sichaha mani kwaakwa aasi,
omubaachi yaakubaacha bulai muno.
4Abaandu nibakunyirisa neende efeesa neende esaabbu.
Mani nibakuhoma neende emisumaari ohukwomiisa
kwaahaya ohudeengaana.
5Ebiloongaloongwe bwaabwe ebyo biri koti ebyo bi bata mu ndalo y'omucheere ohwiirusa amayoni.
Ebifwaanani ebyo haba sibinyala ohulomaloma.
Babikiinga-bukiinga,
olwohuba haba sibinyala hukeenda.
Mutabitya daawe,
olwohuba sibulao esyonoono si binyala ohuhola,
oba ohubaholera esilai.
6Ewe Omwaami, abulao oli koti ewe.
Oli omuhunuufu, haandi eliita lyao ly'obunyala bw'amaani.
7 #
Hubwi 15:4. Wiina mweene otahoyera ohuhwiisamo oluyaali, Ewe Omutuki w'ebyaalo?
Ohoyera ohwiiswamo oluyaali,
olwohuba mu bakesi boosi abali mu byaalo
neende mu butuki bwaabwe bwoosi
abulao oli koti ewe.
8Boosi-boosi basiru haandi babulamo amakesi;
abeekesa eby'obusiru ebidiira hu ebiloongaloongwe byaabwe by'emisaala.
9Ebifwaanani byaabwe babibwiihaho efeesa nyuhuule ohutula Tarisiisi
neende esaabbu yitula Yufasi.
Abetaanyi nibo ababihola.
Babifwaasa engubo cha papo neende enjahanyu.
Ebyo byoosi biholwa neende abanabi b'engubo bamanyirifu.
10Nae Omwaami, niye Nasaae waadyeeri.
Niye Nasaae mulamu haandi Omutuki w'endaalo choosi.
11Mubaboolere muti: “banasaae abo abataloonga ekulu neende esyaalo, bachia ohusihiirira ohutula hu syaalo, bahasihirire elalira.”
Olweembo lw'ohufumia Nasaae
12Omwaami niye owaloonga esyaalo neende obunyala bwae
Amakesi kae niko akatao esyaalo,
haandi ohumanya hwae nihwo ohwabaamba ekulu.
13Naalagira amaachi kali aakulu, nikawoola,
haandi niye osiingisa enaang'oong'o ohutula mu soonda ch'esyaalo.
Niye oleeta olumesu mu fula,
haandi yaaleeta omuyaka ohutula yi kwamenya.
14Obusiru budiirire buli muundu haandi baweeremo amakesi. Buli mwiitaanyi w'esifwaanani sy'esaabbu, esoni chimudiirire;
olwohuba ebiloongaloongwe byaabwe by'obubacha,
bibulamo obulamu.
15Bibula neende obuhoonyi, by'obubacha buhaya.
Mu biha by'ohusaandisibwa, byahasihiriswe.
16Nasaae wa Yakobbo haba saali koti ebiloongaloongwe ebyo,
olwohuba niye owaloonga ebiindu byoosi;
haandi yadoolamo Yisiraeli ohuba esyaalo syae syeene.
Omwaami w'Obunyala nilyo eliita lyae.
Ohuyirwa mu bwiiruhiro huli aambi ohwoola
17Eng'we abomu Yerusalemu, abasuku babeebodohaanie,
mani mubuuse alala emigugu kyeeng'we!
18Olwohuba Omwaami aboola ati:
“Bone, bulaanu,
njia ohusukuna erwaanyi abaandu bomu syaalo sino.
Njia ohubakwiisamo amasira,
buli muundu asaande.”
19Chitwaakaanire, olwohuba hunyayaalirwe!
Ebikoonjo byeefwe haba sibyohuwona daawe.
Nae nimboola endi, “Mubwadyeeri kano masira niko,
mani huhoyere hweesimiirise.”
20Amayeema keefwe kasihiriiswe,
emikoye kikaboya kihalaakwe.
Abaana beefwe batutulireho,
boosi babulao.
Abulao omuundu onatuleegera amayeema haandi,
haandi abulao omuundu onaanihe engubo chamwo.
21Olwohuba abeemirisi basiru nibo,
haandi haba sibeeteeba hu Omwaami.
Mani sakira batahulaahulana,
haandi abaandu babeemirira basalaanire.
22Tekeerese, mbulira olubweeru! Bone, mbao lwiicha!
aluwo ohwesasaakula hw'amaani ohutula mu syaalo sy'emukulu,
ahanaakere ebiko byomu Buyudaaya byeehola ekuunda,
yi mabbwe kamenya.
23Ewe Omwaami, ese manyire endi obulamu bw'omuundu haba sibuli mu bunyala bwae omweene,
haandi endi abulao onyala ohweliinda omweene.
24Ewe Omwaami, tukolole mu saambo ndai;
mani otatwaalabira muno, ataali ao, huchia ohusihirira.
25Etima lyao liyire eyiri ebyaalo bitaahumanyire,
neende eyiri abaandu bahweetusaho,
olwohuba nibo abaandu beeta abaandu bao.
Abo nibo ababeeta mani babasihirisira elalira,
mani baaleha esyaalo syeefwe nisidoong'ere ekuunda.
Currently Selected:
Yeremia 10: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
