Yisaaya 6
6
Nasaae alaanga Yisaaya ohuba omunabbi
1 #
2 Abat 15:7; 2 Biha 26:23. Mu mwaaka ku mutuki Wusiya, yafwiiramo, ndabona Omwaami niyehaale hu sisaala sy'obutuki sileeyi haandi esy'oluyaali, eganjuula lyae lyali niliichuule enyuumba ya Nasaae yoosi. 2Mani abaseraafi bali nibeemere aakulu w'esisaala esyo; buli seraafi yali naali neende embaya chisaasaba; embaya chibiri nichibwiihire mu moni, haandi embaya chibiri nichibwiihire amakulu, haandi embaya chibiri nacheehoonyera ohubburuha. 3#Hubwi 4:8.Mani abaseraafi bali nibabooleranaanga bati:
“Omwoolerefu, Omwoolerefu, Omwoolerefu, niye Omwaami w'Obunyala;
esyaalo syoosi sichuule oluyaali lwae.”
4 #
Hubwi 15:8. Mani ekono lyaabwe niyidengaania obwaalo bw'Enyuumba ya Nasaae. Mani Enyuumba ya Nasaae niyiichulamo omwoosi. 5Mani nimboola endi: “Chiinjakaanire! Olwohuba ngotere; olwohuba buli mboosi yi nomanoma haba siinjolerefu daawe, haandi ndamenya neende abaandu batalomaloma ebyoolerefu. Nae ese mbweene neende emoni chaange Omutuki, Omwaami w'Obunyala!” 6Mani mulala hu Baseraafi naabburuha niyeecha yi ndi, naali neende elyaanda lyaaduha, li yaali n'atusire hu alutaari n'adiirire neende magalo. 7Mani nageeng'a hu munwa kwaange, n'aboola ati: “Bona, elyaanda lino koti lu lyegeeng'ere hu munwa kwao; ebyonoono byao bimalirweo, haandi ebyonoono byao bihuleheerwemo.” 8Mani ndawulira ekono ly'Omwaami niliboola liti, “Wiina mweene yindaatume, haandi wiina onaabe wamwaanda weefwe?” Mani ese nimboola endi, “Ese mbano ndi ano! Ndume.” 9#Mat 13:14,15; Mrk 4:12; Luk 8:10; Yow 12:40; Biho 28:26,27.Mani Omwaami niyaamboolera ati, “Chia, mani oboolere abaandu bano oti:
‘Muwulira haandi muwulire luundi, nae haba simuchia humanya;
mubone haandi mubone luundi, nae haba simuchia hutusamo amahuluundu, nae haba simuchia ohwehaliirisa daawe.’
10Haandi niyaamboolera ati, ‘Ewe hola emyooyo ky'abaandu kibe emyoomeranu,
haandi wikale amatwi kaabwe,
haandi wofusa emoni chaabwe;
mani bahae ohubona neende emoni chaabwe,
haandi bahae ohuwulira neende amatwi kaabwe,
haandi bahaye ohumanya neende emyooyo kyaabwe,
bahakaluuhana mani bawonisibwa.’”
11Mani ndateeba endi, “Omwaami waange, sino syahoole liina ohuba siti?”
Mani nae n'akobolamo ati:
“Ohwoola lu biko byahasihirire
nibibulamo omuundu yeesi omenyamo,
haandi amayuumba kaabwe nikabulamo omenyamo,
haandi esyaalo syoosi nisisihiriire elalira.
12Mani ese Omwaami njia ohutusamo abaandu mbayire eyale,
mani hole esyaalo esyo sibe ekunda.
13Nae kata silala sy'ehumi sy'abaandu abo nisyahadoong'e mu syaalo omwo,
syahasihirisibwe,
koti esisina sy'omutuumba kwatemwa,
ku esisina sidoong'a nisisyeemere
nikutemerwe kwaakwa aasi.”
Olumwo lwoolerefu nilwo olwahabe esaga lyasyo.
©Bible Society of Kenya, 2019
©Bible Society of Uganda, 2019