Yisaaya 52
52
Nasaae achia ohwaabina Yerusalemu
1 #
Hubwi 21:2,27. Siingira, ewe Siyooni,
siingira haandi okobolemo ohuba ow'amaani;
Ewe Yerusalemu, esiko syoolerefu,
wefwaale engubo chao ndai;
olwohuba abaandu batahebwa neende abataali abaluungifu
haba sibaheengire mu biruwa byao ehabi liindi.
2Ewe Yerusalemu,
siingira wehuhumuleho olufu, mani wiihale hu sisaala sy'obutuki.
Weboolole eminyororo kihuli mu kosi,
Ewe esiko sya Siyooni syawaambwa.
3Olwohuba Omwaami aboola ati: “Mwaholwa abawaambe ebihaya ataali otuungirwaho eseende yoosi, haandi mwahanunulwe bihaya byeene abula eseende yoosi.” 4Olwohuba Omwaami Nasaae aboola ati: “Abaandu baange bataangira ohuchia Misiri koti bawalukeenda, mani Abasiria nibabasaandya ataali esifune syoosi. 5#Rom 2:24.Mani sakira Ese Omwaami mboola endi: Bulaanu ese ndahahole siina syeene, nimbona abaandu baange nibayirwa bihaya byeene? Omwaami aboola ati, abatuki baabwe beepaaha, haandi buli ludaalo bemeeda ohuchalaasa eliita lyaange. 6Mani sakira abaandu baange bahaamanye. Oludaalo olwo bahaamanye bati Niise, Niise Omweene; Niise olomaloome.”
7 #
Nah 1:15; Rom 10:15; Efes 6:15. Sy'esangaalo liingi muno ohubona
wamwaanda nahalania engulu
n'aleeta emboosi ndai,
emboosi ndai chilaangirira omuleembe, oleeta emboosi ndai,
echilaangirira obuwonia,
wamwaanda oboolera Siyooni ati, “Nasaae weeng'we niye otuka.”
8Tekeerese, abaliindi b'esiko syeeng'we bahuumula mu kono ly'aakulu,
beembera alala olw'omwehoyo;
olwohuba babonera elalira neende emoni chaabwe
koti lu Omwaami akobola Siyooni.
9Eng'we ebituundu bya Yerusalemu ebibeere nibyeeholere amakuunda,
mutuunduhe neende esangaalo;
olwohuba Omwaami alemya emyooyo ky'abaandu bae,
anunuule Yerusalemu.
10Omwaami achia ohwehoonyera obunyala bwae bwoolerefu;
achia ohuwonia abaandu bae
mani abaandu boosi bahabone obuwonia bwa Nasaae.
11 #
2 Kor 6:17. Mutule, mutule, tule Bbabbilooni.
Mutadiiraho kata hu siindu silala esitaali esyoolerefu;
eng'we abakiinga ebiindu byoolerefu ebyomu nyuumba ya Nasaae.
Mutule nimuli aboolerefu.
12Olwohuba haba simuchia ohutulayo nimubbibbiirihana daawe,
haandi simuchia hutulayo nimwiiruha embiro daawe,
olwohuba Omwaami niye ochia ohubeemereramo,
haandi Nasaae wa Yisiraeli niye ochia ohubaloondaho enyuma n'abaliinda.
Ohusaanda hw'omuhalaabani w'Omwaami
13Omwaami aboola ati: “Bone omuhalaabani waange, buli sy'ahola simuchiira bulai.
Achia ohwiiswamo oluyaali luhoongo
haandi yahakinisibwe muno.
14Koti lu baandu baangi bawuka muno nibamubweene
obweeni bwae nibunyaalirwe, n'atabonehana koti omuundu,
haandi efwaani yae niyitaali koti ey'abaandu
15 #
Rom 15:21. olwo nilwo luyahawukise ebyaalo biingi.
Abatuki bahahaywe esy'ohulomaloma, mani baliteng'eng'ala sa;
olwohuba bahabone esiindu sibatababoolereraangaho daawe,
haandi bahamanye esiindu sibatawuliraangaho.”
©Bible Society of Kenya, 2019
©Bible Society of Uganda, 2019