Hosea 6
6
Ohweyolobya hw'Abaandu ohutaali ohwobwadyeeri
1Abaandu baboola bati, “Eng'we, mwiiche hukobole eyiri Omwaami! Atunyaalire, nae achia ohubona ati atuwonia; atunyubuluule, nae achia ohutuboya amakoonjo keefwe, kose haba? 2Mu ndaalo chibiri oba chidatu choong'ene achia ohuba naanaba n'amalire ohutukobosamo obulamu haandi, mani hunyale ohumenyaanga yaali. 3Lehe huteemeho ohumanyaanga Omwaami oyo. Aba achia ohwichaanga yi huli obutakosa koti sa buli ludaalo luhyechaanga, haandi obutakosa koti efula yihola amadiba yikwichaanga hu syaalo huno.”
4Nae Omwaami aboola ati, “Eng'we Yisiraeli neende Yuda, siina syeene siimba mbaholeho? Obuheeri bweeng'we yiindi buhamyuhaangao sa bwaangu koti olume lw'echuli; luli sa koti enaang'oong'o, elihamao sa hale-hale oludaalo nilutahiindao. 5Mani esyo nisyo esikera ese nindatumaanga abanabbi baange eyiri eng'we neende emboosi yaange y'ohuheenga emisaango neende ohusihirisa. Mani ese esiindu siimbadahaho siri sikwalaafu, haandi siri alafu bweene: 6#Mat 9:13; 12:7.Ese mbadahaho obuheeri bweeng'we yi ndi obutalehera daawe, nae haba si biyaanwa byeeng'we by'ebisolo byoong'ene daawe. Ese biihirira ohubona endi abaandu baange banyala ohuumanya, ohuhira ohusaambiraanga ebiyaanwa byoong'ene.
7“Nae mu meengisania bweene nibamala sa bati ohwiingirira mu syaalo mu Adamu, bahalakirao sa Endagaano yi ese ndali ndahola nabo. 8Mani Gileadi ni esiko syeechulamo abaandu babi haandi abeeti. 9Abalaamisi bosi bali sa koti emikaanda ky'abanyaka, abaliindiriraanga nibeboondera ohukwa hu muundu yeesi. Kata neende hu ngira bweene eyichia mu Abuundu Woolerefu wa Sekemu, niwo yi beetera abaandu. Nihaandi baholaanga sa ebyonoono bino byoosi nibageenderera! 10Ese ndamala ohubonaho esiindu sisiindusa muno mu Yisiraeli: abaandu baange bamala ohweebaha omukwoobo, nibeenamiraanga ebiloongaloongwe.
11“Nae eyiri eng'we, abaandu ba Yuda, ese ndamala ohutekeha esiha siinjia ohubasandisiramo mwesi, hulw'ebyo bi muli ohuholaanga.
Currently Selected:
Hosea 6: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
