Habbakuuku 3
3
Esaala ya Habbakuuku
1Huno nihwo ohwekongooya hwa Habbakuuku omunabbi:
2Ewe Omwaami, ese ndawulira ebyo bi wahola,
mani ndeechula amawuumo.
Haandi bulaanu holaho otyo mu biha byeefwe bino
ebiholwa bihunuufu bi waholaanga hale.
Ba ow'esisa, kata neende awahaba nooli omunyoolefu.
3Nasaae ali ohwiicha haandi naatula mu Edomu;
Nasaae mwoolerefu ali ohwiicha naatulira ena bigulu bya Parani.
Esibooyi syae syeechula muukulu,
nae esyaalo syeechula efuma yae.
4Yeecha neende obulafu bw'olumesu;
ohumyeesuha hw'obulafu nibutula mu muhono kwae,
eyo yi bunyala bwae bweekisa.
5Yemiisemo oluumbe
haandi alagira ohufwa ohumuloondaho emukoongo.
6Niyeema, esyaalo siteengereha;
naaliimbula emoni chae, ebyaalo byoosi biteengereha sa.
Engulu chayiindira endalo choosi chaadihanamo;
ebigulu by'olubeerera byosi bisihama mu loba,
ebigulu bi yakeendaangaho hale mu biha bihalee-hale.
7Ese ndeeboneraho omweene abaandu ba Kusani nibatiire
mani abaandu ba Midia nibateengereha sa.
8Mani kyali emyaalo nikyo ekyahunyoolesa Omwaami, kose?
Kose yali enyaanja eyakera waabira etima?
Ewe wabeengeraanga sa hu maleesi;
esireesi sy'esiifuusye nisyo esyali esigaari syao sihukiinga,
noleetera abaandu bao obuyiingiri.
9Ewe weetekeha bulai ohwehoonyera obuyiingo bwao,
nooli omweetekefu ohulasa obusaale bwao.
Olumesu lwao lwaabulaniangamo esyaalo.
10Engulu nachio ni chahuubbyaho emoni, chosi chateengereha sa;
amaachi kabbwomooha nikatula hu kulu.
Amaachi kali aasi mu loba kawoola,
mani amafwiinda kayo kaaniina aakulu.
11Ohumyeesuha hw'obusaale bwao bweyuulao
haandi neende olumesu lw'ohwaaduha hw'amafumo kao,
elyuuba neende omwoosi byoombi byeema alala byedungeeresa.
12Ewe wahuumba noohalakania esyaalo nonyooleere;
mu bululu bwao, ewe wasenakiraanga sa ebyaalo.
13Ewe watula waachia waawonia abaandu bao,
ohuwonia omutuki wao mudoole.
Ewe wahubba aasi omweemeresi w'abaandu babi
mani wasihirisira elalira abaloondi bae.
14Obuyiingo bwao bwafumita omuhoongo w'eye lyae
nilyeecha koti esiifuusye ohutusalaania,
n'obikiicha koti abo abafwiinyirira bweekisi abaandu banaambula-buchiiro.
15Ewe waseenakira enyaanja neende efaraasi chao,
mani amaachi masaabi kaabira efiro.
16Ese mbuliraanga bino byoosi mani ndeengereha sa;
eminwa kyaange kyateengereha neende obuti.
Omubiri kwaange kwoosi kufwa sa enakaasi,
mani amakulu kaange keegumula aasi waange.
Ese naange njia ohuliindirira sa masididye ebiha ebyo ohwoola
bi Nasaae achia ohusaandisiramo abo abahatuseete.
17Kata neende byahaba mbwe emituli kibulaho ebyaamo
haandi emisabbiibbu nikataama hu misaala misabbiibbu,
kata neende ebyaamo by'emiseituuni nibihaya
mani emikuunda kyaahaya ohwaamaho emere,
kata neende amakoondi koosi nikafwa
haandi neende ebidwooli by'eng'we nibidoong'a ebihaya,
18Ese njia ohudoong'a sa ni ndi omusangaafu haandi ni mweenya,
olwohuba Omwaami Nasaae niye Omuwonia waange.
19 #
2 Sam 22:34; Sab 18:33. Omwaami Muhunuufu niye owumbechaanga amaani.
Yanyomiisa obuseenero bwaange koti obw'esijusu
mani yaniinda ni ndi n'omuleembe ni ndi hu ngulu.
Currently Selected:
Habbakuuku 3: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
