Esekeeli EMANYISA
EMANYISA
Omunabbi Esekieli yali naali mu buwaambe mu Bbabbilooni, mu biha bi Yerusalemu syali nisisiiri ohuwaambwa, neende nisimalire ohuwaambwa, mu mwaaka kwa emia chitaanu neende amahumi kataanu-na-kadatu neende chisaasaba Kristo N'ateebulwa (586 KN). Omulaanga kwae kwali nikuchiira abaandu bali mu buwaambe mu Bbabbilooni, alala neende abo abali nibadoong'ere mu Yerusalemu.
Esitabo sya Esekieli sirimo ebituundu bihoongo bisaasaba: (1) Nasaae alaanga Esekieli ohuba omunabbi; (2) Ohulabula abaandu koti lu Nasaae achia ohubaheengera omusaango, haandi koti lu Yerusalemu sichia ohuwaambwa haandi sisihiriswe; (3) Omulaanga kuboola koti; lu Omwaami achia ohuheengera omusaango ebyaalo ebyo ebyafwiinyirira haandi byakosya-kosya abaandu bae; (4) Ohugumya Abaisiraeli Yerusalemu nisimalire ohuwaambwa, neende ohubasuubisa ebiindu bilai bi Nasaae achia ohubaberesa mu biha byomuumoni; (5) Obunabbi budiira hu Googi; (6) Esekieli yeekesa koti Enyuumba ya Nasaae neende obwaami bya Yisiraeli bicha ohuboneha nibyoombaahwe buyaaha.
Esekieli yali omuundu ofukiirira muno mu Nasaae haandi owehaliirisa bulai muno. Ebiindu biingi bi yehaliirisaanga, yabinyooleraanga muhuboneherwa, haandi ebiha biingi, omulaanga kwae yakwekeseraanga mu bulolero bw'ebiholwa. Esekieli ata esira koti lu sihoyeere ohweehola buyaaha mu mwooyo neende mu bibaaso, haandi koti buli muundu omweene niye oweletera esyonoono ohweema hu bibi byae omweene byaahola. Esekieli haandi yeekesa koti lu asuubira ati esyaalo syahakobolemo ohuba neende obulamu bulai. Esekieli koti lu ali omulaamisi haandi omunabbi, yeekesa ohudaha hw'amaani hwaali nahwo eyiri Enyuumba ya Nasaae neende koti buli muundu ahoyere ohuba omwoolerefu.
Ebiri mu sitabo sino mu bwiimbikiti
Ohulaangwa hwa Esekieli 1:1—3:27
Obunabbi budiira hu masira kohu Yerusalemu 4:1—24:27
Nasaae aheengera ebyaalo omusaango 25:1—32:32
Esisuubise sya Nasaae eyiri abaandu bae 33:1—37:28
Obunabbi budiira hu byahakwe hu Googi 38:1—39:29 Ohuboneherwa hw'esyaalo siyaaha neende Enyuumba ya Nasaae njaaha 40:1—48:35
Currently Selected:
Esekeeli EMANYISA: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019