Esekeeli 2

1Yamboolera ati, “Ewe Omwaana w'Omuundu, siingira weeme, njia ohulomaloma naawe.” 2Nae niyali nasiilomalomaanga naange, Mwooyo wa Nasaae yanyingiramo, yaasiingisa ndeema, ndaawulira oyo owali naali ohulomalomaanga naange. 3Yamboolera ati, “Ewe Omwaana w'Omuundu, hutuma eyiri Abaisiraeli, ab'esyaalo sijeemu, abo abanjeemera. Abo neende bakuuka yaabwe baandulaho mani nibaanjeemera ohwoolera elalira buti. 4Abaandu abo bajeemu haandi haba sibaanjisamo oluyaali daawe. Ndi ohuhutuma yi bali; mani obaboolere ebyo bi Ese Omwaami w'Obunyala mboola. 5Mani oba bawulira, oba bahaya ohuwulira (olwohuba bajeemu nibo) nae baba bahamanye bati waliwo omunabbi akatikaati waabwe. 6“Nae ewe, omwaana w'omuundu, otabatya daawe, oba kata waatya emboosi chaabwe chi balomaloma. Kata wahaba mu mbiririsi oba mu mawa, kata wahaba mu ngobera nyaanja; otatya emboosi chaabwe, otatichaanga emboneha chaabwe ch'obwaalaba; olwohuba bajeemu nibo. 7Mani ochia ohubeekesa emboosi chi mboola, oba bawulira oba bahaya ohuwulira, olwohuba bajeemu beene. 8“Nae ewe, omwaana w'omuundu, wulira bi huboolera. Otaba omujeemu koti abo. Yasama omunwa kwao, mani olye si huberesa.” 9#Hubwi 5:1.Nae nindatingaala, mani bone, waliwo omuhono kukololeerwe yi ndi, nikudiirire olupapula lusiriingise olwaandiikwaho. 10Mani n'asitumbululira mu moni waange. Syali nisyaandiikwaho humukulu neende emukoongo, mani syali syandiikwamo emboosi ch'amaliro, neende engisa neende amasira.

Currently Selected:

Esekeeli 2: SAMIA

Highlight

Copy

Compare