Amosi 9
9
Omwaami aheenga Omusaango
1Ndabona Omwaami niyeemere hu ndulo w'alutaari, mani n'aboola ati:
“Huya neende amaani aakulu w'esiiro ch'Enyuumba ya Nasaae, omusiingi kwaao kudengaane.
Likula esiiro echo mani chikwe hu mitwe ky'abaandu boosi.
Mani abo abahadoong'eo, ndahabeetere mu biita.
Abulao kata mulala hu baandu abo owaheeruhe,
abulao kata mulala hu baandu abo owaheeyibe.
2“Kata bahayaba engira chaabwe ohwoola emakoombe,
ndahabadiirire eyo mani mbatuseo.
Kata bahaniina aakulu hu ngulu,
ndahabaanuleo ndabeesa aasi.
3Kata baheekisa aakulu woolugulu lwa Karimeeli,
ndahabakoonye eyo mani mbatuseyo.
Kata baheekisa aasi mu lusiba lw'enyaanja,
njia ohulagira endemo#9:3 endemo: yino ni enjuha y'obusiba bubi muno yibalumire eyo.
4Kata abasuku baabwe bahabayira mu jeela,
njia ohulagira babeetere mu biita eyo.
Mani maliirise neende ohubakwiisaho amasira
ataali ohubaholera ebilai.”
5Omwaami, Nasaae w'Obunyala,
niye oyo odiira hu syaalo mani syaateengereha,
mani abo boosi abalimo beeyendeherera,
mani esyaalo syoosi syaaniina koti Omwaalo kwa Naili,
mani syeebira haandi, koti Omwaalo kwa Naili kwa Misiri.
6Omwaami yoombaha enyuumba yae muukulu,
haandi aakulu w'esyaalo mani n'ataao ebbaanga.
Niye olaanga amaachi komu nyaanja,
mani naakachuha hu syaalo.
Eliita lyae nilyo Omwaami.
7Omwaami aboola ati: “Eng'we Abaisiraeli,
mbaasa hu baandu ba Etiopia koti lu mbabaasaho.
“Ndatusa Abafilisiti mu Kafutoori, neende Abasiria mu Kiri,
koti lu ndatusa eng'we Abaisiraeli mu syaalo sy'e Misiri.
8Bone, bulaanu Ese Omwaami Nasaae ndi ohwehaliirisa obwaami bwa Yisiraeli obuhola ebyonoono,
mani njia ohubusihirisa mbumaleo hu syaalo,
nae haba siinja ohusihiirisa olwiibulo lwa Yakobo kata nabudiidi.”
9“Olwohuba bone, njia ohulagira,
njia ohuchuunga Abaisiraeli mu byaalo byoosi
koti omuundu yahachuunga neende esichuungo,
nae abulao owahawone.
10Abaholi b'ebyonoono mu baandu baange boosi bahafwiire mu biita,
abo ababoola bati, ‘Amasira haba sikahatwooleho daawe.’ ”
Ohukobosao Yisiraeli buyaaha
11 #
Biho 15:16-18. Omwaami aboola ati: “Oludaalo lwahoole mani siingise
esikaali sya Daudi syakwa
haandi ndereese ebida byasyo byanyaasiha,
mani mbyoombahe buyaaha bikoboleo koti lu byali hale.
12Hu bulaanu Abaisiraeli banyale ohuyiingira esyaalo sy'Edomu esidoong'ereo
haandi ebyaalo byoosi ebyalichiingi ebyaange.”
Omwaami ohola sino nilwo lu aboola.
13Omwaami aboola ati: “Bone, endaalo chichia ohwoola,
ekesa lyoole abaandu nibasisiiri ohumala ohutaaka,
haandi ebiha by'ohuhunya emisabbiibbu byahoole abaandi nibasisiiri ohumala ohutaaka.
Efiini y'emisabbiibbu ndai yahahulukuse niyitula hu ngulu,
neende hu bigulu byoosi.
14Njia ohukobosera abaandu baange Abaisiraeli ehabi,
mani boombahe buyaaha haandi bamenye mu biko byaabwe byanyaasiha ebyo;
haandi bahataake emisabbiibbu mani bang'we efiini yakyo,
haandi bahalime endalo mani balye ebyaamo byachio.
15Njia ohukobosa abaandu baange mu syaalo syaabwe,
haandi haba sibahatuleho
mu syaalo si ndababeresa daawe.”
Omwaami Nasaae weeng'we niye oboolere.
Currently Selected:
Amosi 9: SAMIA
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019
